Seldu 114 þúsund lítra af jólabjór

Sala á jólabjór fer þokkalega af stað en hún hófst miðvikudaginn 15. nóvember í síðustu viku. Samkvæmt Sigrúnu Ósk Sigurðardóttur, aðstoðarforstjóra ÁTVR, seldust 114 þúsund lítrar fyrstu vikuna – það er frá miðvikudegi til laugardags.

Í fyrra hófst salan á þriðjudegi en þá seldust 119 þúsund lítrar í fyrstu vikunni, sem þá var einum degi lengri en í ár.

Mest seldi jólabjórinn það sem af er er Tuborg Julebryg með um 42 prósent af seldu magni. Því næst koma jólabjórarnir frá Víking, Thule, Kalda og Jólagull.