Lögreglan lokar Hafnarfjarðarhöfn Snærós Sindradóttir skrifar 17. janúar 2017 01:37 Björgunarsveitarfólk gerir gúmmíbát klárt fyrir leitaraðgerðir við Hafnarfjarðarhöfn um klukkan tvö í nótt. Vísir/SÁP Lögreglan er búin að loka hafnarsvæðinu við Hafnarfjörð en heimildir fréttastofu herma að þar hafi í kvöld fundist einn Dr. Martens skór sem svipar til skós sem Birna Brjánsdóttir var í þegar hún hvarf. Lögregla segir skóinn mjög svipaðan þeim sem Birna á en ekki sé hægt að fullyrða að skórinn sé af henni.Ítarlegt uppgjör á atburðum næturinnar eftir að skórnir fundust má lesa hér.Björgunarsveitarfólk er mætt á vettvang en vegfarendum er haldið langt frá athafnasvæði lögreglu og björgunaraðila. Bíll sérsveitarinnar er einnig mættur á höfnina. Fyrr í kvöld hófu að berast tíðindi af skónum á samfélagsmiðlum en þá bárust þau tíðindi að skórinn hefði fundist við Kaldársel efst í Hafnarfirði. Það hefur verið borið til baka en Kaldárssel er í sex kílómetra beinni loftlínu frá Hafnarfjarðarhöfn. Köfunardeild er á svæðinu og verið er að gera gúmmíbát tilbúinn til að nota við leitina.Hér fyrir neðan má sjá myndband af björgunarsveitarfólki gera sig klárt fyrir leit á báti í Hafnarfjarðarhöfn fyrr í nótt.Saknað í þrjá sólarhringa Birna hefur nú verið týnd í tæpa þrjá sólarhringa. Hún yfirgaf skemmtistaðinn Húrra klukkan fimm að morgni laugardags og sást síðast á eftirlitsmyndavél við Laugaveg 31 klukkan 05:25. iPhone sími Birnu tengdist símamastrinu á gömlu slökkvistöðinni í Hafnarfirði klukkan 05:50 en þá var slökkt á honum. Fram kom á blaðamannafundi lögreglunnar í dag að slökkt hefði verið á honum. Hann varð ekki rafmagnslaus. Þá birti lögregla myndband með myndefni úr eftirlitsmyndavélum í miðborg Reykjavíkur þar sem sjá mátti Birnu ganga Austurstrætið, upp Bankastræti og svo Laugaveg. Myndbandið má sjá að neðan.Frekar í bíl á HverfisgötuTengsl síma Birnu Brjánsdóttur við símamöstrin í miðbænum benda til þess að hún hafi ekki farið inn í bíl á Laugavegi heldur frekar á Hverfisgötu. Mikil leit stendur yfir að rauðum Kia Rio fólksbíl en það hvernig síminn tengist símamöstrum miðbæjarins bendir til þess að sími Birnu hafi ferðast í öfuga átt við bílinn. Lögreglan hefur birt myndband af Birnu þar sem hún gengur upp Laugaveg í miðbæ Reykjavíkur. Í lok myndbandsins, þegar Birna er stödd við Klapparstíg, er sími hennar tengdur við símamastur í húsnæði Máls og menningar við Laugaveg. Skömmu síðar tengist sími Birnu símamastri við Lindargötu, sem getur bent til þess að Birna beygi niður af Laugavegi og á Hverfisgötu. Ekki löngu síðar tengist síminn símamastri á gamla Landsbankahúsinu á horni Barónsstígs og Laugavegar. Þremur til fjórum mínútum síðar tengist sími Birnu símamastri við Listaháskólann á horni Sæbrautar og Laugarnesvegar, en talið er fullvíst að þegar þangað sé komið, frá því að síminn tengist við Barónsstíg, sé sími Birnu kominn í ökutæki á ferð. Rúmum tuttugu mínútum síðar er slökkt á símanum handvirkt þegar hann tengist símamastri á gömlu slökkvistöðinni við Flatahraun í Hafnarfirði.Mikilvægar upplýsingar er að finna í fjarskiptagögnum varðandi hvarf Birnu.Minna eftirlit á Hverfisgötu Samkvæmt upplýsingum frá lögreglu er mun minna myndavélaeftirlit á Hverfisgötu en á Laugavegi. Samkvæmt ofangreindum upplýsingum kemur sterklega til greina, að mati lögreglu, að myndavél við Laugaveg 31, sem kviknar á við hreyfingu, hafi ekki numið hæga hreyfingu Birnu og hún gengið niður eftir Vatnsstíg. Rauði bíllinn sem lögreglan leitar nú, í þeirri von að ökumaður bílsins reynist mikilvægt vitni, sést í myndavél keyra í öfuga átt við Birnu. Akstur hans kveikir á myndavél við Laugaveg 31 hjá Kirkjuhúsinu og verkfæraverslunina Brynju. Fimmtán til sextán sekúndum síðar sést sami bíll á næsta horni aka yfir gatnamót Laugavegar og Klapparstígs. Myndavélar lögreglu missa sjónar á bílnum við Ingólfsstræti en tímaramminn og tenging símans gerir það að verkum að lögreglu finnst afar ólíklegt að Birna hafi farið upp í bílinn. Þó er það ekki útilokað.Sigurlaug Hreinsdóttir, móðir Birnu, sagðist í viðtali við fréttamenn í dag hafa orðið fyrir vonbrigðum að ekki hafi verið leitað að Birnu síðastliðna nótt. „Það er svolítið skýrt að hún er í hættu. Hún er ekki að velja þetta sjálf að hverfa. Af því þetta er þannig stelpa,“ sagði Sigurlaug. „Hún er ekki á flótta undan einhverju og hefur ekki verið í efnum. Það er einhvers staðar verið að halda henni. Hún er ekki sjálfviljug einhvers staðar.“Viðtalið má sjá hér að neðan. Vilja skoða samskipti á Tinder Meðal þess sem lögregla reynir nú er að komast inn á Tinder- og Snapchat-aðgang Birnu til að skoða samskipti hennar þar aðfaranótt laugardagsins. Á blaðamannafundinum í gær kom fram að lögreglumenn hefðu fengið að skoða Facebook-síðu Birnu og að síðustu samskipti hennar þar hefðu átt sér stað á fimmtudag. „Það er þannig með þessi félög sem eru flest bandarísk að þau hafa stefnu um að hjálpa til þegar um er að ræða týnt fólk. Þá er það stundum þannig að þeir fallast á að gefa upplýsingar,“ segir Grímur Grímsson, yfirlögregluþjónn hjá lögreglunni á höfuðborgarsvæðinu. Birna Brjánsdóttir Tengdar fréttir Móðir Birnu: „Það er svolítið skýrt að hún er í hættu“ Hafði nýverið skráð sig á Tinder. 16. janúar 2017 20:22 Leitin að Birnu: Dr. Martens skór fannst og er til skoðunar hjá lögreglu Fólk var beðið um að yfirgefa svæðið við Kaldársel í Hafnarfirði í kvöld en það taldi að skórinn hefði fundist þar. Svo er þó ekki. 17. janúar 2017 01:09 Mest lesið Var í símanum á 142 kílómetra hraða áður en hann lést Innlent Halla Tómasdóttir tekur stökk í nýrri könnun Prósents Innlent Læknirinn mátti læsa dætur sínar inni eftir allt saman Innlent Vaknaði og barnið var horfið Innlent „Hvers konar „motherfucking“ óþverri væri þessi guð ef hann er til“ Innlent Forsetavaktin 2024: Hver verður sjöundi forseti lýðveldisins? Innlent Samfélagið í áfalli vegna málsins Innlent Mikið vesen á veitingastöðum borgarinnar Innlent Kórónuveirufaraldurinn ekkert miðað við sýklalyfjaónæmi Erlent Dæmdur fyrir manndráp af gáleysi vegna ofsaaksturs undir áhrifum Innlent Fleiri fréttir Tekur til varna eftir stuðningsyfirlýsingu við Katrínu Maðurinn ríkisborgari Möltu Dæmdur fyrir manndráp af gáleysi vegna ofsaaksturs undir áhrifum Áhorf á úrslit Eurovision hríðféll Sýnist stefna í kapphlaup tveggja en útilokar þó ekki vendingar Mótmæla þróun gervigreindar á Austurvelli Veit ekki hvort hann fái svar áður en spurningin verði úrelt Auknar líkur á gosi sem gæti hafist án fyrirvara Guðni heldur utan til að kveðja Margréti Þórhildi Telur ástandið á sauðfjárbúinu ekki eins slæmt og menn vilja vera láta Læknirinn mátti læsa dætur sínar inni eftir allt saman Hvar eru Illugi Jökuls, Hallgrímur Helga, Atli Þór Fanndal? „Hvers konar „motherfucking“ óþverri væri þessi guð ef hann er til“ Var í símanum á 142 kílómetra hraða áður en hann lést Vaknaði og barnið var horfið Mikið vesen á veitingastöðum borgarinnar Halla Tómasdóttir tekur stökk í nýrri könnun Prósents „Algjörlega forkastanlegt“ ef stjórnvöld svari ekki beiðninni Minnstu smáatriði úthugsuð og til þess gerð að skapa hughrif Samfélagið í áfalli vegna málsins Vilja bæta íslenskukennslu fyrir innflytjendur Ragnar Freyr segist hreinsaður af sök Læknir segir að brottvísun muni ógna lífi sjúklings „Er réttur þinn eða mannréttindi að einhver annar deyði þig?“ Kviknaði í bragga á Egilsstöðum Meint fjárkúgun, frelsissvipting og líkamsárás Rannsaka alvarlegt ofbeldisbrot í Árnessýslu Pólitíkin, dánaraðstoð, NATO og kosningar á Sprengisandi „Mig langaði bara að drepa þennan mann“ Grunaðir um rán í miðbænum Sjá meira
Lögreglan er búin að loka hafnarsvæðinu við Hafnarfjörð en heimildir fréttastofu herma að þar hafi í kvöld fundist einn Dr. Martens skór sem svipar til skós sem Birna Brjánsdóttir var í þegar hún hvarf. Lögregla segir skóinn mjög svipaðan þeim sem Birna á en ekki sé hægt að fullyrða að skórinn sé af henni.Ítarlegt uppgjör á atburðum næturinnar eftir að skórnir fundust má lesa hér.Björgunarsveitarfólk er mætt á vettvang en vegfarendum er haldið langt frá athafnasvæði lögreglu og björgunaraðila. Bíll sérsveitarinnar er einnig mættur á höfnina. Fyrr í kvöld hófu að berast tíðindi af skónum á samfélagsmiðlum en þá bárust þau tíðindi að skórinn hefði fundist við Kaldársel efst í Hafnarfirði. Það hefur verið borið til baka en Kaldárssel er í sex kílómetra beinni loftlínu frá Hafnarfjarðarhöfn. Köfunardeild er á svæðinu og verið er að gera gúmmíbát tilbúinn til að nota við leitina.Hér fyrir neðan má sjá myndband af björgunarsveitarfólki gera sig klárt fyrir leit á báti í Hafnarfjarðarhöfn fyrr í nótt.Saknað í þrjá sólarhringa Birna hefur nú verið týnd í tæpa þrjá sólarhringa. Hún yfirgaf skemmtistaðinn Húrra klukkan fimm að morgni laugardags og sást síðast á eftirlitsmyndavél við Laugaveg 31 klukkan 05:25. iPhone sími Birnu tengdist símamastrinu á gömlu slökkvistöðinni í Hafnarfirði klukkan 05:50 en þá var slökkt á honum. Fram kom á blaðamannafundi lögreglunnar í dag að slökkt hefði verið á honum. Hann varð ekki rafmagnslaus. Þá birti lögregla myndband með myndefni úr eftirlitsmyndavélum í miðborg Reykjavíkur þar sem sjá mátti Birnu ganga Austurstrætið, upp Bankastræti og svo Laugaveg. Myndbandið má sjá að neðan.Frekar í bíl á HverfisgötuTengsl síma Birnu Brjánsdóttur við símamöstrin í miðbænum benda til þess að hún hafi ekki farið inn í bíl á Laugavegi heldur frekar á Hverfisgötu. Mikil leit stendur yfir að rauðum Kia Rio fólksbíl en það hvernig síminn tengist símamöstrum miðbæjarins bendir til þess að sími Birnu hafi ferðast í öfuga átt við bílinn. Lögreglan hefur birt myndband af Birnu þar sem hún gengur upp Laugaveg í miðbæ Reykjavíkur. Í lok myndbandsins, þegar Birna er stödd við Klapparstíg, er sími hennar tengdur við símamastur í húsnæði Máls og menningar við Laugaveg. Skömmu síðar tengist sími Birnu símamastri við Lindargötu, sem getur bent til þess að Birna beygi niður af Laugavegi og á Hverfisgötu. Ekki löngu síðar tengist síminn símamastri á gamla Landsbankahúsinu á horni Barónsstígs og Laugavegar. Þremur til fjórum mínútum síðar tengist sími Birnu símamastri við Listaháskólann á horni Sæbrautar og Laugarnesvegar, en talið er fullvíst að þegar þangað sé komið, frá því að síminn tengist við Barónsstíg, sé sími Birnu kominn í ökutæki á ferð. Rúmum tuttugu mínútum síðar er slökkt á símanum handvirkt þegar hann tengist símamastri á gömlu slökkvistöðinni við Flatahraun í Hafnarfirði.Mikilvægar upplýsingar er að finna í fjarskiptagögnum varðandi hvarf Birnu.Minna eftirlit á Hverfisgötu Samkvæmt upplýsingum frá lögreglu er mun minna myndavélaeftirlit á Hverfisgötu en á Laugavegi. Samkvæmt ofangreindum upplýsingum kemur sterklega til greina, að mati lögreglu, að myndavél við Laugaveg 31, sem kviknar á við hreyfingu, hafi ekki numið hæga hreyfingu Birnu og hún gengið niður eftir Vatnsstíg. Rauði bíllinn sem lögreglan leitar nú, í þeirri von að ökumaður bílsins reynist mikilvægt vitni, sést í myndavél keyra í öfuga átt við Birnu. Akstur hans kveikir á myndavél við Laugaveg 31 hjá Kirkjuhúsinu og verkfæraverslunina Brynju. Fimmtán til sextán sekúndum síðar sést sami bíll á næsta horni aka yfir gatnamót Laugavegar og Klapparstígs. Myndavélar lögreglu missa sjónar á bílnum við Ingólfsstræti en tímaramminn og tenging símans gerir það að verkum að lögreglu finnst afar ólíklegt að Birna hafi farið upp í bílinn. Þó er það ekki útilokað.Sigurlaug Hreinsdóttir, móðir Birnu, sagðist í viðtali við fréttamenn í dag hafa orðið fyrir vonbrigðum að ekki hafi verið leitað að Birnu síðastliðna nótt. „Það er svolítið skýrt að hún er í hættu. Hún er ekki að velja þetta sjálf að hverfa. Af því þetta er þannig stelpa,“ sagði Sigurlaug. „Hún er ekki á flótta undan einhverju og hefur ekki verið í efnum. Það er einhvers staðar verið að halda henni. Hún er ekki sjálfviljug einhvers staðar.“Viðtalið má sjá hér að neðan. Vilja skoða samskipti á Tinder Meðal þess sem lögregla reynir nú er að komast inn á Tinder- og Snapchat-aðgang Birnu til að skoða samskipti hennar þar aðfaranótt laugardagsins. Á blaðamannafundinum í gær kom fram að lögreglumenn hefðu fengið að skoða Facebook-síðu Birnu og að síðustu samskipti hennar þar hefðu átt sér stað á fimmtudag. „Það er þannig með þessi félög sem eru flest bandarísk að þau hafa stefnu um að hjálpa til þegar um er að ræða týnt fólk. Þá er það stundum þannig að þeir fallast á að gefa upplýsingar,“ segir Grímur Grímsson, yfirlögregluþjónn hjá lögreglunni á höfuðborgarsvæðinu.
Birna Brjánsdóttir Tengdar fréttir Móðir Birnu: „Það er svolítið skýrt að hún er í hættu“ Hafði nýverið skráð sig á Tinder. 16. janúar 2017 20:22 Leitin að Birnu: Dr. Martens skór fannst og er til skoðunar hjá lögreglu Fólk var beðið um að yfirgefa svæðið við Kaldársel í Hafnarfirði í kvöld en það taldi að skórinn hefði fundist þar. Svo er þó ekki. 17. janúar 2017 01:09 Mest lesið Var í símanum á 142 kílómetra hraða áður en hann lést Innlent Halla Tómasdóttir tekur stökk í nýrri könnun Prósents Innlent Læknirinn mátti læsa dætur sínar inni eftir allt saman Innlent Vaknaði og barnið var horfið Innlent „Hvers konar „motherfucking“ óþverri væri þessi guð ef hann er til“ Innlent Forsetavaktin 2024: Hver verður sjöundi forseti lýðveldisins? Innlent Samfélagið í áfalli vegna málsins Innlent Mikið vesen á veitingastöðum borgarinnar Innlent Kórónuveirufaraldurinn ekkert miðað við sýklalyfjaónæmi Erlent Dæmdur fyrir manndráp af gáleysi vegna ofsaaksturs undir áhrifum Innlent Fleiri fréttir Tekur til varna eftir stuðningsyfirlýsingu við Katrínu Maðurinn ríkisborgari Möltu Dæmdur fyrir manndráp af gáleysi vegna ofsaaksturs undir áhrifum Áhorf á úrslit Eurovision hríðféll Sýnist stefna í kapphlaup tveggja en útilokar þó ekki vendingar Mótmæla þróun gervigreindar á Austurvelli Veit ekki hvort hann fái svar áður en spurningin verði úrelt Auknar líkur á gosi sem gæti hafist án fyrirvara Guðni heldur utan til að kveðja Margréti Þórhildi Telur ástandið á sauðfjárbúinu ekki eins slæmt og menn vilja vera láta Læknirinn mátti læsa dætur sínar inni eftir allt saman Hvar eru Illugi Jökuls, Hallgrímur Helga, Atli Þór Fanndal? „Hvers konar „motherfucking“ óþverri væri þessi guð ef hann er til“ Var í símanum á 142 kílómetra hraða áður en hann lést Vaknaði og barnið var horfið Mikið vesen á veitingastöðum borgarinnar Halla Tómasdóttir tekur stökk í nýrri könnun Prósents „Algjörlega forkastanlegt“ ef stjórnvöld svari ekki beiðninni Minnstu smáatriði úthugsuð og til þess gerð að skapa hughrif Samfélagið í áfalli vegna málsins Vilja bæta íslenskukennslu fyrir innflytjendur Ragnar Freyr segist hreinsaður af sök Læknir segir að brottvísun muni ógna lífi sjúklings „Er réttur þinn eða mannréttindi að einhver annar deyði þig?“ Kviknaði í bragga á Egilsstöðum Meint fjárkúgun, frelsissvipting og líkamsárás Rannsaka alvarlegt ofbeldisbrot í Árnessýslu Pólitíkin, dánaraðstoð, NATO og kosningar á Sprengisandi „Mig langaði bara að drepa þennan mann“ Grunaðir um rán í miðbænum Sjá meira
Móðir Birnu: „Það er svolítið skýrt að hún er í hættu“ Hafði nýverið skráð sig á Tinder. 16. janúar 2017 20:22
Leitin að Birnu: Dr. Martens skór fannst og er til skoðunar hjá lögreglu Fólk var beðið um að yfirgefa svæðið við Kaldársel í Hafnarfirði í kvöld en það taldi að skórinn hefði fundist þar. Svo er þó ekki. 17. janúar 2017 01:09