Jón Guðni Fjóluson var eini Íslendingurinn sem byrjaði leikinn í liði Norrköping gegn Elfsborg í sænsku úrvalsdeildinni í dag.
Leikurinn tapaðist 1-2 og var það Sebastian Andersson sem skoraði mark Norrköping á 48. mínútu. Elfsborg komst í 2-0 í fyrri hálfleik með tveimur mörkum á mínútu millibili. Þeir negldu svo síðasta naglann í kistu Norrköping með marki á 88. mínútu.
Guðmundur Þórarinsson kom inn á í stað Svíans David Karlsson á 66. mínútu. Karlsson átti stoðsendinguna á Andersson í marki Norrköping. Alfons Sampsted sat á varamannabekknum allan leikinn.
Skagamaðurinn Arnór Sigurðsson er á mála hjá Norrköping en var ekki í leikmannahóp liðsins í dag.
Norrköping heldur öðru sætinu í deildinni þrátt fyrir tapið. Þeir eru með 27 stig, 6 stigum á eftir Malmö í efsta sætinu. Norrköping hefur þó leikið einum leik meira en toppliðið.
Íslendingaliðið Norrköping tapar áfram stigum í toppbaráttunni
Tengdar fréttir
Fimmti sigur Norrköping í síðustu sex leikjum
Íslendingaliðið Norrköping vann sinn fimmta sigur í síðustu sex leikjum þegar liðið lagði Göteborg að velli, 2-0, í sænsku úrvalsdeildinni í dag. Norrköping er í 2. sæti deildarinnar.
Norrköping tapaði dýrmætum stigum í toppbaráttunni
Norrköping missti af tækifærinu að jafna Malmö að stigum á toppi sænsku úrvalsdeildarinnar í fótbolta þegar liðið tapaði 4-2 fyrir Örebro í dag.
Jón Guðni í úrvalsliði sérfræðings SVT
Jón Guðni Fjóluson er annar af tveimur bestu miðvörðum sænsku úrvalsdeildarinnar það sem af er tímabili að mati Daniel Nannskog, sérfræðings SVT Sport.
