Nýársspá Siggu Kling – Vatnsberi: Smellur allt í enda janúar

Elsku besti vatnsberinn minn. Það er að bresta á dásamlegur tími og ég vil sérstaklega tala um endann á janúar. Þá er eins og allt smelli saman hjá þér.

Þú þarft að taka stórar ákvarðanir og vera með á hreinu að þetta verður allt á þinni ábyrgð. Þegar þú sérð hversu sterkur þú í raun ert þá verður þú óstöðvandi.

Þú byrjaðir að mörgu leyti á nýju tímabili árið 2015 og á þessu ári er uppskeran miklu betri og meiri. Fjölskyldan kemur sterkt inn og stendur fast með þér. Hún er það sem skiptir öllu máli þegar allt kemur til alls.

Skrifaðu niður hugmyndirnar þínar, þú færð þínar bestu hugmyndir á næstu þremur mánuðum svo þú þarft að vita hvað þú vilt.

Þú átt eftir að beita þínum geislandi töfrum í ástinni og það skiptir öllu máli að þú sért handviss um ástina og heiðarleika hennar. Hugrekki þitt mun eflast með hverjum mánuði sem líður og ekkert hefst nema með blessuðu hugrekkinu.

Þú ert svo dásamlegur daðrari og er það er sko viss kúnst að daðra við alla svona einlægt og fallega eins og þú getur gert! Þú átt líka eftir að sýna hversu ákveðinn þú getur verið þegar þú þarft þess. Þú færð mikinn kraft til þess að hjálpa þér að sigra eitthvert óréttlæti sem er að ergja þig.

Nýtt fólk er að koma inn í líf þitt til að hjálpa þér, taktu því fagnandi! Þetta er spennandi tími og það er mikið að gerast og þú munt finna á þér óvenjulegustu hluti, það mætti halda að þú værir skyggn því þú hlustar svo vel á alheiminn.

Gleðilegt nýtt ár elskan mín! Þín, Sigga Kling

Frægir vatnsberar: Pacas hans Begga, Geir Sveinsson handknattleiksþjálfari, Halla himintungl, Clark Gable leikari, Sveinbjörg Birna Sveinbjörnsdóttir borgarfulltrúi, Yoko Ono, Bjarni Benediktsson, fjármála- og efnahagsráðherra, Katrín Jakobsdóttir þingkona, Hilmir Snær Guðnason leikari, Rikka sjónvarpskona, María Ólafsdóttir Júróvisjónstjarna, Þóra Arnórsdóttir, ritstjóri Kastljóss, Gunna Dís útvarpskona, Höddi Magg, Andrea Róberts, mannauður.