Ákærður fyrir að hóta lögreglumönnum lífláti

Héraðssaksóknari hefur ákært 29 ára gamlan karlmann fyrir brot gegn valdstjórninni en honum er gefið að sök að hafa hótað tveimur lögreglumönnum lífláti og líkamsmeiðingum í janúar í fyrra í kjölfar þess að hann var handtekinn í versluninni Iceland í Engihjalla.

Þá er maðurinn jafnframt ákærður fyrir að hafa haft í fórum sínum 2,61 grömm af maríjúana sem lögregla lagði hald á við öryggisleit á manninum á lögreglustöðinni við Hverfisgötu.

Málið verður þingfest í Héraðsdómi Reykjavíkur í dag.