Norrænusmygl: Allir áfram í farbanni

Sunna Kristín Hilmarsdóttir skrifar 16. febrúar 2016 14:53

Frá tollaeftirliti við Seyðisfjörð. vísir

Búið er framlengja farbann yfir fjórum mönnum sem grunaðir eru um að hafa smyglað rúmlega 20 kílóum af fíkniefnum hingað til lands með Norrænu í september á síðasta ári.

Um er að ræða tvo Íslendinga og tvo Hollendinga. Farbann yfir mönnunum rann út í dag en Héraðsdómur Reykjaness hefur fallist á kröfu lögreglunnar um að þeir skyldu áfram sæta farbanni næstu fjórar vikurnar, eða til 15. mars.

Mennirnir sátu allir í gæsluvarðhaldi fyrir áramót en hafa síðan þeir losnuðu úr gæsluvarðhaldi í desember verið í farbanni. Engin takmörk eru fyrir því hversu lengi grunaðir menn geta sætt farbanni, svo framarlega sem að skilyrði fyrir farbanni samkvæmt sakamálalögum séu uppfyllt.

Tengdar fréttir

Systir Hreiðars Más um Angelo: „Einstaklega hlýr og góður drengur“

Angelo Uijleman, Hollendingur sem nú sætir farbanni vegna aðildar að umfangsmiklu fíkniefnasmygli, borðaði heima hjá Þórdísi Sigurðardóttur, systur Hreiðars Más Sigurðssonar, fyrrverandi forstjóra Kaupþings, á jóladag.

28. desember 2015 14:24

Norrænusmygl: Allir í farbanni fram á nýtt ár

Tveir Íslendingar og tveir Hollendingar munu sæta farbanni fram á nýtt ár en þeir eru grunaðir um að hafa smyglað 23 kílóum af sterkum fíkniefnum til landsins í september.

23. desember 2015 12:10

Eignaðist svo góða vini á Kvíabryggju

Angelo Uijleman hélt hann væri að fara í fría ævintýraferð til Íslands en var handtekinn fyrir grun um aðild að umfangsmiklu fíkniefnasmygli. Hann talar um þungbæra einangrun á Litla-Hrauni, bankamennina á Kvíabryggju og einmanaleg jól án fjölskyldunnar.

24. desember 2015 07:00

Norrænusmygl: Fjórmenningarnir áfram í farbanni

Búið er framlengja farbann yfir fjórum mönnum sem grunaðir eru um að hafa smyglað rúmlega 20 kílóum af fíkniefnum hingað til lands með Norrænu í september á síðasta ári.

21. janúar 2016 10:42