Dagur uppljóstrar leyndarmálinu

Landsliðsþjálfari Evrópumeistara Þýskalands, Dagur Sigurðsson, birti á samfélagsmiðlum á morgun mynd af leikáætlun sinni fyrir úrslitaleikinn gegn Spánverjum.

„Master Plan“ og „Keep it simple“ er það eina sem Dagur skrifar með myndunum. Hann bætir svo að sjálfsögðu við einum bikar.

Á blaðinu sem Dagur teiknaði upp fyrir leikinn er líka skrifað á íslensku: „Yfirvegun, harka og alvöru blokk“.

Þar má sjá hvernig Dagur ætlar að láta sitt lið spila og einnig hvernig hann ætli sér að bregðast við leik spænska liðsins.

Landsliðsþjálfarinn fékk mikið hrós fyrir frábæran taktískan leik á EM og hversu vel honum gekk að koma andstæðingum sínum á óvart með fjölbreyttum varnarleik.

Þetta blað er minning sem Dagur vill líklega alltaf eiga.

#MasterPlan #keepitsimple pic.twitter.com/5ZhJpp9SxH

— Dagur Sigurdsson (@DagurSigurdsson) February 3, 2016