Verkfall vélstjóra á fiskiskipum samþykkt

Ótímabundið verkfall vélstjóra á fiskiskipum var samþykkt með 90 prósentum atkvæða í kosningu í dag.

Þetta kemur fram í tilkynningu frá félagi vélstjóra og málmtæknimanna en þar segir að kosningu um verkfallið lauk á hádegi í dag.

Á kjörskrá voru 472 en af þeim kusu 339 eða 71,8 prósent. Já sögðu 308, eða 90,8 prósent, en nei sögðu 26, 7,7 prósent. Fimm skiluðu auðu, eða 1,5 prósent.

Ótímabundið verkfall vélstjóra á fiskiskipum, sem mun hefjast kl. 23:00 þann 10. nóvember 2016, var því samþykkt með tæplega 91% atkvæða.