SÍM harmar söluna á Ásmundarsal Kolbeinn Tumi Daðason skrifar 2. maí 2016 16:40 Úr sýningarrými Listasafns ASÍ. Vísir/Valli Samband íslenskra myndlistarmanna skorar á rekstrarfélag Listasafns ASÍ og Alþýðusamband Íslands að endurskoða sölu á Ásmundarsal við Freyjugötu. Þá kallar SÍM eftir því að mennta- og menningarmálaráðuneytið og Reykjavíkurborg komi að málum safnsins og fari yfir tillögur varðandi rekstur sérhæfðs sýningarrýmis í Ásmundarsal. Þetta kemur fram í tilkynningu frá SÍM.Á föstudaginn var tilkynnt um fyrirhugaða sölu á Ásmundarsalnum og væntanlega flutning safnsins í nýtt húsnæði.„Stjórn SÍM harmar að þessi staða sé komin upp, að hafið sé söluferli á einu sögufrægasta húsnæði íslenskrar listasögu, án þess að til samráðs við hagsmunaaðila hafi komið. Tíðindin hafa komið listasamfélaginu í opna skjöldu,“ segir í tilkynningunni. „Ríkjandi er tvenns konar óvissa, annars vegar um framtíð Listasafns ASÍ og sýningarmöguleika á safneigninni og hins vegar varðandi framtíðareignarhald á Ásmundarsal. Stjórn SÍM telur brýnt að listasafn ASÍ skýri hvernig framtíðin verði á sýningum á sögufrægri safneign safnsins. Safneignin telur mörg verk eftir fremstu listamenn þjóðarinnar, svo sem Ásgrím Jónsson, Gunnlaug Scheving, Jóhannes Kjarval, Jón Stefánsson, Júlíönu Sveinsdóttur, Nínu Tryggvadóttur, Svavar Guðnason og Þorvaldi Skúlason. Safneignina hefur listasafn ASÍ eignast eftir virka söfnun, eftir stofngjöf frá Ragnari í Smára og eftir gjafir frá ýmsum myndlistarmönnum.“Stjórn SÍM telur einnig mikilvægt að framtíð Ásmundarsals verði skýrð. SÍM telur að hætta ætti við fyrirhugaða sölu á Ásmundarsal, eða að öðrum kosti tryggja að salurinn verði í eigu aðila sem munu sinna myndlist. „Ásmundur Sveinsson myndhöggvari, einn af fremstu myndhöggvurum þjóðarinnar, lét reisa húsið. Húsið er sérhæft til að vinna að höggmyndalist og eitt af fáum sérhæfðum rýmum sem nýtast til að vinna að myndlist sérstaklega. Ósk Ásmundar var sú að húsið yrði nýtt eftir hans dag í þágu myndlistar. Stjórn SÍM telur annað en að verða við ósk Ásmundar Sveinsson vera virðingarleysi.Stjórn SÍM telur heppilegast að safnið starfi í óbreyttri mynd í Freyjugötu, enda fara þá áfram saman hagsmunir safneignar Listasafns ASÍ og framtíð Ásmundarsals. Að öðrum kosti telur stjórn SÍM að vinna ætti að því að tryggja að sérstaða Ásmundarsals verði áfram undirstrikið og tryggð, með því að salurinn nýtist áfram til að sinna myndlist eða myndlistartengdu starfi. Stjórn SÍM lýsir sig reiðubúið að koma á samtali við Listasafn ASÍ og viðeigandi hagsmunaaðila, svo sem mennta- og menningarmálaráðuneytið, Listasafn Íslands og Reykjavíkurborg, og vinna að tillögum í þessa veru í samvinnu við Listasafn ASÍ og rekstrarfélag þess.Að lokum bendir stjórn SÍM á að tímasetning tilkynningarinnar er afar óheppileg. Óvissan um framtíð Listasafns ASÍ hefur verið fáum listamönnum fagnaðarefni og skyggnt á yfirstandandi hátíðarhöld, nú þegar 100 ár eru liðin frá stofnun ASÍ.“Ólíklegt verði að telja að 100 ára afmæli ASÍ marki þau tímamót að sambandið hætti alfarið afskiptum af myndlist og breyti um stefnu vegna hins fræga listasafns sem sambandið á. „Því er brýnt að ASÍ taki undir með SÍM um nauðsyn þess að hverfa frá fyrirhugaðri sölu á Ásmundarsal og skoði með SÍM möguleika á frekari nýtingu rýmisins í þágu myndlistarinnar.“ Mest lesið Varaforsetaefni í bobba vegna hundsdráps og meints fundar með Kim Erlent Ók á tvö hundruð með lögguna á hælunum Innlent Katrín efst en Jón hrynur í nýrri könnun Innlent Ótrúlegustu aðskotahlutir gera óskunda í dósatalningarvélum Innlent „Lífið heldur áfram eftir svona áfall“ Innlent Flugvél Atlanta á tæpasta vaði í Ríad Erlent Sigu niður í Gretti sterka og dældu úr honum sjó Innlent Hafa rukkað þá sem valda sinubruna um kostnað við útkall Innlent Kolbeinn hafi strokið kynfæri stúlkunnar ítrekað Innlent Sólríkasta byrjun árs í Reykjavík í 77 ár Innlent Fleiri fréttir „Lífið heldur áfram eftir svona áfall“ Sigu niður í Gretti sterka og dældu úr honum sjó Ók á tvö hundruð með lögguna á hælunum Sólríkasta byrjun árs í Reykjavík í 77 ár Hafa rukkað þá sem valda sinubruna um kostnað við útkall Ótrúlegustu aðskotahlutir gera óskunda í dósatalningarvélum Fjöldi verkfallsboðana á Keflavíkurflugvelli áhyggjuefni Kosið um sameiningu Húna- og Skagabyggðar í júní Nýjustu skoðanakannanir, verkfallsaðgerðir á flugvellinum og týndur gaffall Halla Hrund líka vinsæll annar kostur Kolbeinn hafi strokið kynfæri stúlkunnar ítrekað Segja lýðræðis- og mannréttindabakslag staðreynd Ný sendiskrifstofa opnuð í Síerra Leóne Baldur segir niðurstöður nýjustu kannana vonbrigði Halla Hrund mælist með mest fylgi í nýrri könnun Maskínu Tilvísunum vegna skekkju á höfuðkúpu ungbarna fjölgað mikið Fréttaskýring Maríu Sigrúnar kemur út á mánudag Einar segir forsetaembættið um ekki neitt Svona gæti bensínstöðvarreiturinn við Ægisíðu litið út Ákærð fyrir að kæfa son sinn með kodda Börn lögð inn með kíghósta „Við reyndum eins og við gátum“ Framkvæmdanefnd fyrir Grindavík sett á laggirnar Sambærileg rúðubrot í Lækjargötu og á Skólavörðustíg Skipar framkvæmdanefnd um málefni Grindavíkur Spellvirkinn lætur til skarar skríða á ný Svona var Pallborðið með Höllu Hrund, Katrínu og Baldri Svandís boðar til blaðamannafundar Heyrist meira af kjaftæði um lyf en vísindalegum staðreyndum Sautján greinst með kíghósta og inflúensan enn að dreifa sér Sjá meira
Samband íslenskra myndlistarmanna skorar á rekstrarfélag Listasafns ASÍ og Alþýðusamband Íslands að endurskoða sölu á Ásmundarsal við Freyjugötu. Þá kallar SÍM eftir því að mennta- og menningarmálaráðuneytið og Reykjavíkurborg komi að málum safnsins og fari yfir tillögur varðandi rekstur sérhæfðs sýningarrýmis í Ásmundarsal. Þetta kemur fram í tilkynningu frá SÍM.Á föstudaginn var tilkynnt um fyrirhugaða sölu á Ásmundarsalnum og væntanlega flutning safnsins í nýtt húsnæði.„Stjórn SÍM harmar að þessi staða sé komin upp, að hafið sé söluferli á einu sögufrægasta húsnæði íslenskrar listasögu, án þess að til samráðs við hagsmunaaðila hafi komið. Tíðindin hafa komið listasamfélaginu í opna skjöldu,“ segir í tilkynningunni. „Ríkjandi er tvenns konar óvissa, annars vegar um framtíð Listasafns ASÍ og sýningarmöguleika á safneigninni og hins vegar varðandi framtíðareignarhald á Ásmundarsal. Stjórn SÍM telur brýnt að listasafn ASÍ skýri hvernig framtíðin verði á sýningum á sögufrægri safneign safnsins. Safneignin telur mörg verk eftir fremstu listamenn þjóðarinnar, svo sem Ásgrím Jónsson, Gunnlaug Scheving, Jóhannes Kjarval, Jón Stefánsson, Júlíönu Sveinsdóttur, Nínu Tryggvadóttur, Svavar Guðnason og Þorvaldi Skúlason. Safneignina hefur listasafn ASÍ eignast eftir virka söfnun, eftir stofngjöf frá Ragnari í Smára og eftir gjafir frá ýmsum myndlistarmönnum.“Stjórn SÍM telur einnig mikilvægt að framtíð Ásmundarsals verði skýrð. SÍM telur að hætta ætti við fyrirhugaða sölu á Ásmundarsal, eða að öðrum kosti tryggja að salurinn verði í eigu aðila sem munu sinna myndlist. „Ásmundur Sveinsson myndhöggvari, einn af fremstu myndhöggvurum þjóðarinnar, lét reisa húsið. Húsið er sérhæft til að vinna að höggmyndalist og eitt af fáum sérhæfðum rýmum sem nýtast til að vinna að myndlist sérstaklega. Ósk Ásmundar var sú að húsið yrði nýtt eftir hans dag í þágu myndlistar. Stjórn SÍM telur annað en að verða við ósk Ásmundar Sveinsson vera virðingarleysi.Stjórn SÍM telur heppilegast að safnið starfi í óbreyttri mynd í Freyjugötu, enda fara þá áfram saman hagsmunir safneignar Listasafns ASÍ og framtíð Ásmundarsals. Að öðrum kosti telur stjórn SÍM að vinna ætti að því að tryggja að sérstaða Ásmundarsals verði áfram undirstrikið og tryggð, með því að salurinn nýtist áfram til að sinna myndlist eða myndlistartengdu starfi. Stjórn SÍM lýsir sig reiðubúið að koma á samtali við Listasafn ASÍ og viðeigandi hagsmunaaðila, svo sem mennta- og menningarmálaráðuneytið, Listasafn Íslands og Reykjavíkurborg, og vinna að tillögum í þessa veru í samvinnu við Listasafn ASÍ og rekstrarfélag þess.Að lokum bendir stjórn SÍM á að tímasetning tilkynningarinnar er afar óheppileg. Óvissan um framtíð Listasafns ASÍ hefur verið fáum listamönnum fagnaðarefni og skyggnt á yfirstandandi hátíðarhöld, nú þegar 100 ár eru liðin frá stofnun ASÍ.“Ólíklegt verði að telja að 100 ára afmæli ASÍ marki þau tímamót að sambandið hætti alfarið afskiptum af myndlist og breyti um stefnu vegna hins fræga listasafns sem sambandið á. „Því er brýnt að ASÍ taki undir með SÍM um nauðsyn þess að hverfa frá fyrirhugaðri sölu á Ásmundarsal og skoði með SÍM möguleika á frekari nýtingu rýmisins í þágu myndlistarinnar.“
Mest lesið Varaforsetaefni í bobba vegna hundsdráps og meints fundar með Kim Erlent Ók á tvö hundruð með lögguna á hælunum Innlent Katrín efst en Jón hrynur í nýrri könnun Innlent Ótrúlegustu aðskotahlutir gera óskunda í dósatalningarvélum Innlent „Lífið heldur áfram eftir svona áfall“ Innlent Flugvél Atlanta á tæpasta vaði í Ríad Erlent Sigu niður í Gretti sterka og dældu úr honum sjó Innlent Hafa rukkað þá sem valda sinubruna um kostnað við útkall Innlent Kolbeinn hafi strokið kynfæri stúlkunnar ítrekað Innlent Sólríkasta byrjun árs í Reykjavík í 77 ár Innlent Fleiri fréttir „Lífið heldur áfram eftir svona áfall“ Sigu niður í Gretti sterka og dældu úr honum sjó Ók á tvö hundruð með lögguna á hælunum Sólríkasta byrjun árs í Reykjavík í 77 ár Hafa rukkað þá sem valda sinubruna um kostnað við útkall Ótrúlegustu aðskotahlutir gera óskunda í dósatalningarvélum Fjöldi verkfallsboðana á Keflavíkurflugvelli áhyggjuefni Kosið um sameiningu Húna- og Skagabyggðar í júní Nýjustu skoðanakannanir, verkfallsaðgerðir á flugvellinum og týndur gaffall Halla Hrund líka vinsæll annar kostur Kolbeinn hafi strokið kynfæri stúlkunnar ítrekað Segja lýðræðis- og mannréttindabakslag staðreynd Ný sendiskrifstofa opnuð í Síerra Leóne Baldur segir niðurstöður nýjustu kannana vonbrigði Halla Hrund mælist með mest fylgi í nýrri könnun Maskínu Tilvísunum vegna skekkju á höfuðkúpu ungbarna fjölgað mikið Fréttaskýring Maríu Sigrúnar kemur út á mánudag Einar segir forsetaembættið um ekki neitt Svona gæti bensínstöðvarreiturinn við Ægisíðu litið út Ákærð fyrir að kæfa son sinn með kodda Börn lögð inn með kíghósta „Við reyndum eins og við gátum“ Framkvæmdanefnd fyrir Grindavík sett á laggirnar Sambærileg rúðubrot í Lækjargötu og á Skólavörðustíg Skipar framkvæmdanefnd um málefni Grindavíkur Spellvirkinn lætur til skarar skríða á ný Svona var Pallborðið með Höllu Hrund, Katrínu og Baldri Svandís boðar til blaðamannafundar Heyrist meira af kjaftæði um lyf en vísindalegum staðreyndum Sautján greinst með kíghósta og inflúensan enn að dreifa sér Sjá meira