Bréfberi ógn við Batmanmynd Garðar Örn Úlfarsson skrifar 14. október 2016 07:00 Djúpavík er afskekkt og yfirleitt friðsæl en í nokkra daga eru þar nú mikil umsvif vegna upptöku á atriði í nýrri mynd um Batman og félaga. Myndin er samsett. Vísir/AFP/Stefán Póstburðarmaðurinn Jón Halldórsson á Hólmavík er ósáttur við að geta ekki tekið myndir óáreittur á athafnasvæði kvikmyndagerðarfólks sem nú er í Djúpuvík á Ströndum. Verið er að taka upp atriði í Hollywood-myndinni Justice League sem er með stórstjörnuna Ben Affleck í hlutverki Batmans. Gríðarleg umsvif kvikmyndagerðarmannanna hafa vakið athygli. Einkaþotur, þyrlur, rútuhersing og heilt húsbílahverfi koma þar við sögu. Jón segir að þegar hann hafi komið að Djúpuvík á mánudag hafi menn merktir Securitas tekið á móti honum um einum kílómetra utan við þorpið. „Einn þeirra stoppaði mig af og sagði að það væru bannaðar allar myndatökur,“ segir Jón. Hann hafi gengið upp í fjalllendi og tekið myndir þar yfir svæðið. Myndirnar birti hann á bloggsíðu sinni holmavik.123.is og á Facebook. Að kvöldi dagsins sem Jón birti myndirnar kveðst hann hafa fengið símhringingu frá yfirmanni öryggismála á tökustaðnum. Sá hafi verið gríðarlega hvass og sagt fyrirtæki sitt geta orðið gjaldþrota vegna myndbirtinganna. „Hann skipaði mér að taka þetta út – sem ég bara gerði ekki.“ Hannes Leifsson, aðalvarðstjóri lögreglunnar á Hólmavík, segir aðspurður að í raun hafi kvikmyndagerðarfólkið ekki vald til að banna fólki sem leið á um veginn um Djúpuvík að taka myndir. Hins vegar séu leikmunirnir á einkalóð og hægt sé að banna myndatökur af þeim og af fólkinu. „Þannig að væntanlega getur landeigandi eða þá leigjandi bannað slíkar myndatökur án þess að ég sé að fullyrða neitt,“ segir hann. Aðalvarðstjórinn kveðst hafa farið sjálfur norður í Djúpuvík á þriðjudaginn. Þar sé vel að öllu staðið. „Þeir vilja öllum vel og þeir hleypa allri umferð í gegn. Og eins og þeir sögðu við mig: Við getum náttúrlega ekki bannað mönnum að taka myndir en birting myndanna sem skaðar þetta verkefni er svolítið meinleg. Það er það sem þeir eru að reyna að koma í veg fyrir,“ segir hann. Að sögn Hannesar er verkefnið ótrúleg innspýting fyrir lítið samfélag með fábrotna atvinnustarfsemi. Jón sé hins vegar að spilla fyrir með birtingu myndanna. „Þessi ágæti aðili, hann Jón póstur, hann er svolítið að skemma fyrir öllum hinum, vegna þess að eins og gengur þá er þetta verkefni sem er háð ákveðnum reglum og þessir aðilar sem að þessu koma eru látnir skrifa undir samninga um að halda trúnað,“ segir Hannes. „Hann er virkilega að gera þetta í óþökk þeirra íbúa sem búa hérna. Þarna er fólk að fá vinnu við þetta verkefni og ég veit að íbúar hér vonast til þess að þetta kannski komi þessu svæði á kortið.“ Sem dæmi um mikla þátttöku heimamanna í Hollywoodmyndinni nefnir Hannes að í gær hafi tvær eða þrjár rútur farið frá Hólmavík með statista norður í Djúpuvík. Hann ber framleiðslufyrirtækinu, True North, afar vel söguna. „Það er afskaplega gott að eiga við þetta fólk. Ég skoðaði allt og þeir löbbuðu með mér út um allt og þeir reyna að standa að þessu eins vel og þeir mögulega geta,“ segir Hannes sem kveður beiðni kvikmyndagerðarfólksins vegna myndbirtinga setta kurteislega fram. „Þetta eru vinsamleg tilmæli um að virða það að þarna séu ákveðnir hlutir í gangi og það er eiginlega synd ef einhver er að skemma fyrir.“ Miðað við þær áætlanir sem aðalvarðstjórinn hefur heyrt verður tökum lokið í dag. „Þá pakka þeir saman og koma þessu öllu til byggða.“ Vegurinn norður Strandir er sérlega slæmur núna og Hannes segir viðbúið að vegna rigninganna verði talsvert hrun og að aka þurfi fyrir skriður. „En á móti kemur að Vegagerðin er með mannskap á tánum og það er í samvinnu við True North. Þannig að það eru allir að hjálpast að við að gera þetta dæmi svo sómi sé að. Það er gaman að fá svona stórt verkefni á þetta svæði og þess vegna er fólki umhugað um þetta gangi vel og að við fáum gott orð á okkur.“ Jón Halldórsson segist vera mjög forvitinn og hafa verið að spyrja aðra um bíómyndina. „En það vill enginn svara um eitt eða neitt; þeim er bara sagt að halda kjafti.“Fréttin birtist fyrst í Fréttablaðinu Birtist í Fréttablaðinu Mest lesið Varaforsetaefni í bobba vegna hundsdráps og meints fundar með Kim Erlent Katrín efst en Jón hrynur í nýrri könnun Innlent Kolbeinn hafi strokið kynfæri stúlkunnar ítrekað Innlent Ótrúlegustu aðskotahlutir gera óskunda í dósatalningarvélum Innlent Hafa rukkað þá sem valda sinubruna um kostnað við útkall Innlent Sólríkasta byrjun árs í Reykjavík í 77 ár Innlent Svona var Pallborðið með Höllu Hrund, Katrínu og Baldri Innlent Fjöldi verkfallsboðana á Keflavíkurflugvelli áhyggjuefni Innlent Svandís boðar til blaðamannafundar Innlent Forsetavaktin 2024: Hver verður sjöundi forseti lýðveldisins? Innlent Fleiri fréttir Sólríkasta byrjun árs í Reykjavík í 77 ár Hafa rukkað þá sem valda sinubruna um kostnað við útkall Ótrúlegustu aðskotahlutir gera óskunda í dósatalningarvélum Fjöldi verkfallsboðana á Keflavíkurflugvelli áhyggjuefni Kosið um sameiningu Húna- og Skagabyggðar í júní Nýjustu skoðanakannanir, verkfallsaðgerðir á flugvellinum og týndur gaffall Halla Hrund líka vinsæll annar kostur Kolbeinn hafi strokið kynfæri stúlkunnar ítrekað Segja lýðræðis- og mannréttindabakslag staðreynd Ný sendiskrifstofa opnuð í Síerra Leóne Baldur segir niðurstöður nýjustu kannana vonbrigði Halla Hrund mælist með mest fylgi í nýrri könnun Maskínu Tilvísunum vegna skekkju á höfuðkúpu ungbarna fjölgað mikið Fréttaskýring Maríu Sigrúnar kemur út á mánudag Einar segir forsetaembættið um ekki neitt Svona gæti bensínstöðvarreiturinn við Ægisíðu litið út Ákærð fyrir að kæfa son sinn með kodda Börn lögð inn með kíghósta „Við reyndum eins og við gátum“ Framkvæmdanefnd fyrir Grindavík sett á laggirnar Sambærileg rúðubrot í Lækjargötu og á Skólavörðustíg Skipar framkvæmdanefnd um málefni Grindavíkur Spellvirkinn lætur til skarar skríða á ný Svona var Pallborðið með Höllu Hrund, Katrínu og Baldri Svandís boðar til blaðamannafundar Heyrist meira af kjaftæði um lyf en vísindalegum staðreyndum Sautján greinst með kíghósta og inflúensan enn að dreifa sér Vilja svör um möguleg „óþægileg hagsmunatengsl“ borgar og RÚV „Fann það þegar ég vaknaði í morgun að þetta var lúmskt áfall“ Horfði á þegar vinur hans réðst á manninn sem braut á dóttur hans Sjá meira
Póstburðarmaðurinn Jón Halldórsson á Hólmavík er ósáttur við að geta ekki tekið myndir óáreittur á athafnasvæði kvikmyndagerðarfólks sem nú er í Djúpuvík á Ströndum. Verið er að taka upp atriði í Hollywood-myndinni Justice League sem er með stórstjörnuna Ben Affleck í hlutverki Batmans. Gríðarleg umsvif kvikmyndagerðarmannanna hafa vakið athygli. Einkaþotur, þyrlur, rútuhersing og heilt húsbílahverfi koma þar við sögu. Jón segir að þegar hann hafi komið að Djúpuvík á mánudag hafi menn merktir Securitas tekið á móti honum um einum kílómetra utan við þorpið. „Einn þeirra stoppaði mig af og sagði að það væru bannaðar allar myndatökur,“ segir Jón. Hann hafi gengið upp í fjalllendi og tekið myndir þar yfir svæðið. Myndirnar birti hann á bloggsíðu sinni holmavik.123.is og á Facebook. Að kvöldi dagsins sem Jón birti myndirnar kveðst hann hafa fengið símhringingu frá yfirmanni öryggismála á tökustaðnum. Sá hafi verið gríðarlega hvass og sagt fyrirtæki sitt geta orðið gjaldþrota vegna myndbirtinganna. „Hann skipaði mér að taka þetta út – sem ég bara gerði ekki.“ Hannes Leifsson, aðalvarðstjóri lögreglunnar á Hólmavík, segir aðspurður að í raun hafi kvikmyndagerðarfólkið ekki vald til að banna fólki sem leið á um veginn um Djúpuvík að taka myndir. Hins vegar séu leikmunirnir á einkalóð og hægt sé að banna myndatökur af þeim og af fólkinu. „Þannig að væntanlega getur landeigandi eða þá leigjandi bannað slíkar myndatökur án þess að ég sé að fullyrða neitt,“ segir hann. Aðalvarðstjórinn kveðst hafa farið sjálfur norður í Djúpuvík á þriðjudaginn. Þar sé vel að öllu staðið. „Þeir vilja öllum vel og þeir hleypa allri umferð í gegn. Og eins og þeir sögðu við mig: Við getum náttúrlega ekki bannað mönnum að taka myndir en birting myndanna sem skaðar þetta verkefni er svolítið meinleg. Það er það sem þeir eru að reyna að koma í veg fyrir,“ segir hann. Að sögn Hannesar er verkefnið ótrúleg innspýting fyrir lítið samfélag með fábrotna atvinnustarfsemi. Jón sé hins vegar að spilla fyrir með birtingu myndanna. „Þessi ágæti aðili, hann Jón póstur, hann er svolítið að skemma fyrir öllum hinum, vegna þess að eins og gengur þá er þetta verkefni sem er háð ákveðnum reglum og þessir aðilar sem að þessu koma eru látnir skrifa undir samninga um að halda trúnað,“ segir Hannes. „Hann er virkilega að gera þetta í óþökk þeirra íbúa sem búa hérna. Þarna er fólk að fá vinnu við þetta verkefni og ég veit að íbúar hér vonast til þess að þetta kannski komi þessu svæði á kortið.“ Sem dæmi um mikla þátttöku heimamanna í Hollywoodmyndinni nefnir Hannes að í gær hafi tvær eða þrjár rútur farið frá Hólmavík með statista norður í Djúpuvík. Hann ber framleiðslufyrirtækinu, True North, afar vel söguna. „Það er afskaplega gott að eiga við þetta fólk. Ég skoðaði allt og þeir löbbuðu með mér út um allt og þeir reyna að standa að þessu eins vel og þeir mögulega geta,“ segir Hannes sem kveður beiðni kvikmyndagerðarfólksins vegna myndbirtinga setta kurteislega fram. „Þetta eru vinsamleg tilmæli um að virða það að þarna séu ákveðnir hlutir í gangi og það er eiginlega synd ef einhver er að skemma fyrir.“ Miðað við þær áætlanir sem aðalvarðstjórinn hefur heyrt verður tökum lokið í dag. „Þá pakka þeir saman og koma þessu öllu til byggða.“ Vegurinn norður Strandir er sérlega slæmur núna og Hannes segir viðbúið að vegna rigninganna verði talsvert hrun og að aka þurfi fyrir skriður. „En á móti kemur að Vegagerðin er með mannskap á tánum og það er í samvinnu við True North. Þannig að það eru allir að hjálpast að við að gera þetta dæmi svo sómi sé að. Það er gaman að fá svona stórt verkefni á þetta svæði og þess vegna er fólki umhugað um þetta gangi vel og að við fáum gott orð á okkur.“ Jón Halldórsson segist vera mjög forvitinn og hafa verið að spyrja aðra um bíómyndina. „En það vill enginn svara um eitt eða neitt; þeim er bara sagt að halda kjafti.“Fréttin birtist fyrst í Fréttablaðinu
Birtist í Fréttablaðinu Mest lesið Varaforsetaefni í bobba vegna hundsdráps og meints fundar með Kim Erlent Katrín efst en Jón hrynur í nýrri könnun Innlent Kolbeinn hafi strokið kynfæri stúlkunnar ítrekað Innlent Ótrúlegustu aðskotahlutir gera óskunda í dósatalningarvélum Innlent Hafa rukkað þá sem valda sinubruna um kostnað við útkall Innlent Sólríkasta byrjun árs í Reykjavík í 77 ár Innlent Svona var Pallborðið með Höllu Hrund, Katrínu og Baldri Innlent Fjöldi verkfallsboðana á Keflavíkurflugvelli áhyggjuefni Innlent Svandís boðar til blaðamannafundar Innlent Forsetavaktin 2024: Hver verður sjöundi forseti lýðveldisins? Innlent Fleiri fréttir Sólríkasta byrjun árs í Reykjavík í 77 ár Hafa rukkað þá sem valda sinubruna um kostnað við útkall Ótrúlegustu aðskotahlutir gera óskunda í dósatalningarvélum Fjöldi verkfallsboðana á Keflavíkurflugvelli áhyggjuefni Kosið um sameiningu Húna- og Skagabyggðar í júní Nýjustu skoðanakannanir, verkfallsaðgerðir á flugvellinum og týndur gaffall Halla Hrund líka vinsæll annar kostur Kolbeinn hafi strokið kynfæri stúlkunnar ítrekað Segja lýðræðis- og mannréttindabakslag staðreynd Ný sendiskrifstofa opnuð í Síerra Leóne Baldur segir niðurstöður nýjustu kannana vonbrigði Halla Hrund mælist með mest fylgi í nýrri könnun Maskínu Tilvísunum vegna skekkju á höfuðkúpu ungbarna fjölgað mikið Fréttaskýring Maríu Sigrúnar kemur út á mánudag Einar segir forsetaembættið um ekki neitt Svona gæti bensínstöðvarreiturinn við Ægisíðu litið út Ákærð fyrir að kæfa son sinn með kodda Börn lögð inn með kíghósta „Við reyndum eins og við gátum“ Framkvæmdanefnd fyrir Grindavík sett á laggirnar Sambærileg rúðubrot í Lækjargötu og á Skólavörðustíg Skipar framkvæmdanefnd um málefni Grindavíkur Spellvirkinn lætur til skarar skríða á ný Svona var Pallborðið með Höllu Hrund, Katrínu og Baldri Svandís boðar til blaðamannafundar Heyrist meira af kjaftæði um lyf en vísindalegum staðreyndum Sautján greinst með kíghósta og inflúensan enn að dreifa sér Vilja svör um möguleg „óþægileg hagsmunatengsl“ borgar og RÚV „Fann það þegar ég vaknaði í morgun að þetta var lúmskt áfall“ Horfði á þegar vinur hans réðst á manninn sem braut á dóttur hans Sjá meira