Slasaður vélsleðamaður sóttur á Kjalveg

Meðlimir Björgunarsveitarinnar Eyvinds á Flúðum sóttu í kvöld vélsleðamanna sem hafði slasast á Kjalvegi. Nánar tiltekið við Innriskúta og meiddist maðurinn á fæti. Tveir félagar mannsins sem voru með honum á ferð óku honum til móts við björgunarsveitarmennina.

Sjúkraflutningamenn voru með í för og reyndust meiðsl hans ekki vera alvarleg.

Þá var Björgunarsveitin Stefán á Mývatni einnig kölluð út í kvöld. Leita þurfti að fjórum erlendum ferðamönnum. Þeir höfðu hringt eftir aðstoð þegar þeir villtust í Dimmuborgum. Mennirnir gátu gefið upp staðsetningarhnit og fundust í um þrjú til fjögur hundruð metra fjarlægð frá bílaplaninu við Dimmuborgir.

Allir voru heilir á húfi.