Emmsjé Gauti mætti í Kronik og tók lagið

Emmsjé Gauti kom í Kronik á X-inu 977 á laugardaginn og tók lagið Strákarnir.

Útvarps þátturinn Kronik er hafinn á ný eftir 10 ára hlé. Þátturinn hóf göngu sína á X-inu 1993 og eins og flestir kannski muna þá sérhæfði þátturinn sig í hip hop og rap tónlist og ruddi veginn fyrir íslensku hip hop og rap senunni.

Umsjónar menn þáttarins eru Róbert Aron Magnusson og Benedikt Freyr Jónsson en í hverri viku þá munu þeir fá til sín góða gesti og gesta plötsnúða. Kronik er á dagskrá á laugardögum milli klukkan 17 og 19.

Hér að ofan má sjá myndband af því þegar Gauti Þeyr mætti í hljóðver X-ins. Fyrir neðan er síðan hljóðupptaka af þættinum öllum síðan á laugardag en viðtalið við Gauta byrjar eftir um klukkustund.