Djokovic úr leik á Wimbledon eftir óvænt tap

Novak Djokovic er úr leik á Wimbledon-mótinu í tennis eftir afar óvænt tap gegn Sam Querrey í þriðju umferð mótsins.

Þetta tap kemur gífurlega á óvart enda Djokovic einn sigursælasti tenniskappi heims og að mörgum talinn sá besti í dag, enda í toppsæti heimslistans.

Querrey er í 28. sæti heimslistans vann Djokovic í dag, 7-6 (8-6) 6-1 3-6 7-6 (7-5), en leik þeirra var frestað á föstudaginn vegna rigningar.

Þetta var fyrsta tap Serbans í alvöru móti síðan 2015 þegar hann tapaði í úrslitaleik á opna franska meistaramótinu og missir hann því af tækifærinu til þess að vinna þriðja Wimbledon-titilinn í röð.

Þessi 29 ára gamli hafði nú þegar unnið opna ástralska og opna franska á þessu ári, en hann dreymdi um að vera einungis annar til að vinna fimm stóra titla.

Aðspurður um hvort hann hafi verið 100% heill heilsu í leiknum svaraði hann: „Ekki alveg, en þetta er ekki staður né stund til að tala um það. Mótherji minn var að spila mjög vel og hann átti skilið að vinna,” sagði Serbinn.