Viðskipti innlent

Strætó-appið tilnefnt til umhverfisverðlauna Norðurlandaráðs

Nanna Elísa Jakobsdóttir skrifar
Strætó er vistvænn ferðamáti.
Strætó er vistvænn ferðamáti. Vísir/GVA
Strætó-appið hefur verið tilnefnt til umhverfisverðlauna Norðurlandaráðs 2016. Með appinu er hægt að kaupa farmiða og fylgjast með ferðum Strætó. Smáforritið er annað tveggja íslenskra smáforrita sem tilnefnd eru í ár en hitt heitir e1 og er smáforrit sem tengir saman rafbílaeigendur og eigendur hleðslustöðva.

Þema umhverfisverðlaunanna í ár er starfræn nýsköpun sem ýtir undir sjálfbæran lífsstíl. Þetta kemur fram á vefsíðu Norðurlandaráðs.

„Verðlaunin hreppir norrænt fyrirtæki, samtök eða einstaklingur sem stuðlar að sjálfbærum lífsstíl og hvetur til hans með skapandi stafrænum lausnum,“ segir á síðunni.

Umhverfisverðlaunin verða afhent í Kaupmannahöfn þann 1. nóvember næstkomandi. Fær vinningshafi 350 þúsund danskar krónur í sinn hlut en það nemur sex og hálfri milljón íslenskra króna. Þetta er í 22. sinn sem verðlaunin eru veitt.

Hér má sjá öll verkefnin sem tilnefnd eru:

Danmörk

Energiakademiet: Hnattrænn stafrænn fundarstaður fyrir sjálfbæra staðbundna frumkvöðla

Kemiluppen: Smáforrit sem auðveldar neytendum að forðast óæskileg efni í snyrtivörum

Too Good To Go: Smáforrit sem gerir neytendum kleift að versla ódýr matvæli skömmu fyrir lokunartíma og sporna þannig gegn matarsóun

Finnland

Aidon: Snjallir rafmagnsmælar – mikilvæg tækninýjung í endurnýjanlegu orkukerfi

ENO netskolen: Hnattrænn námsvefur og samstarfsnet um sjálfbæra þróun

Ísland

e1: Smáforrit sem tengir saman rafbílaeigendur og eigendur hleðslustöðva

Strætó-appið: Með Strætó-appinu er hægt að kaupa farmiða og fylgjast með ferðum strætó

Noregur og Svíþjóð

Sjømatguiden / Fiskguiden frá Alþjóðanátturuverndarsjóðnum: Með Sjømatguiden, leiðarvísi WWF, er auðvelt að velja sjálfbært fiskmeti og skelfisk

Svíþjóð

Workaround: Deiliþjónusta til að auka nýtingu á skrifstofurýmum 






Fleiri fréttir

Sjá meira


×