Stórkostleg viðbrögð Adele þegar hún gleymdi textanum á tónleikum

Breska söngkonan Adele er nú á tónleikaferð um heiminn til að kynna nýjustu plötuna sína, 25.

Henni, eins og öðrum, verða af og til á mistök og það var raunin á tónleikum söngkonunnar í Lissabon í Portúgal í síðustu viku þegar hún gleymdi textanum við lagið A Million Years Ago sem er af nýju plötunni.

Adele lét það hins vegar ekki á sig fá heldur hló að mistökunum eins og sjá má í myndbrotinu hér að neðan:

„Fjandinn, vitlaus texti. Ég byrjaði að syngja viðlagið,“ sagði söngkonan. Í myndbandinu má heyra áhorfendur klappa og hlæja með söngkonunni.

Adele forgot the lyrics to her song and this was her reaction.pic.twitter.com/n1EyHwXM56

— Pop Crave (@PopCrave) May 25, 2016