Í viðræðum við stórar kvikmyndahátíðir Guðrún Jóna Stefándóttir skrifar 2. maí 2016 10:00 Aðalleikararnir eru þeir Baldur Einarsson og Blær Hinriksson. Ingibjörg Torfadóttir „Hugmyndin að kvikmyndinni kviknaði fyrir um tíu árum og er byggð að hluta til á æskuárum mínum. Það er óhætt að segja að myndin sé blanda af skáldsögu og minni eigin reynslu frá æsku,“ segir Guðmundur Arnar Guðmundsson kvikmyndagerðarmaður, spurður út í hugmyndina á bak við myndina Hjartasteinn, sem er fyrsta kvikmynd Guðmundar í fullri lengd, en framleiðendur myndarinnar eru Anton Máni Svansson fyrir Join Motion Pictures ásamt Lise Orheim Stender og Jesper Morthorst fyrir danska félagið SF film Productions. Hjartasteinn á sér stað yfir sumartíma í litlu sjávarþorpi á Austfjörðum og fjallar myndin um sterka vináttu tveggja drengja sem eru að taka sín fyrstu skref inn í unglingsárin og uppgötva ástina og tilfinningar sem fylgja því að þroskast og verða að manni. Tökur fóru fram í fyrrasumar á Borgarfirði eystri. „Borgarfjörður eystri er alveg mögnuð náttúruperla, við erum alveg ótrúlega ánægðir með að hafa valið þann stað sem tökustað, bæði vegna þess hversu fallegur hann er, og vegna þess hversu mikla aðstoð við fengum frá heimamönnum sem voru boðnir og búnir að aðstoða okkur. Ferlið hefur gengið vonum framar, verið mjög krefjandi og skemmtilegt,“ segir Guðmundur og bætir við að stefnt sé á að klára eftirvinnslu myndarinnar í sumar og frumsýna hana á Íslandi í haust. Leikhópurinn er alls ekki af verri endanum, en fjöldi upprennandi leikara fara með aðalhlutverkin og leika á móti nokkrum af bestu leikurum þjóðarinnar ásamt danska stórleikaranum Søren Malling, en hann lék meðal annars í hinum geysivinsælu spennuþáttum Forbrydelsen. „Aðalleikararnir eru þeir Baldur Einarsson og Blær Hinriksson, en einnig erum við með fjölda annarra hæfileikaríkra krakka í burðarhlutverkum sem eru að stíga sín fyrstu skref í kvikmyndabransanum. Nína Dögg Filippusdóttir, Sveinn Ólafur Gunnarsson, Nanna Kristín Magnúsdóttir, Gunnar Jónsson og Søren Malling fara svo líka með hlutverk í myndinni,“ segir Guðmundur.Guðmundur Arnar Guðmundsson kvikmyndagerðamaðurIngibjörg TorfadóttirEn hvernig stóð á því að Søren Malling fékk hlutverk í myndinni? „Ég kynntist Søren þegar ég gerði stuttmynd í Danmörku fyrir nokkrum árum, hann lék í myndinni, en síðan þá höfum við verið góðir vinir. Hann er virkilega mikill fagmaður og frábært að vinna með honum,“ segir Guðmundur sem hefur gert tvær stuttmyndir sem fengu góðar viðtökur á erlendum kvikmyndahátíðum og hafa unnið fjöldann allan af verðlaunum. Stuttmyndirnar tvær, Ártún og Hvalfjörður, hafa farið á yfir tvö hundruð erlendar kvikmyndahátíðir og sópað að sér verðlaunum, meðal annars hlaut Hvalfjörður sérstök dómnefndarverðlaun á kvikmyndahátíðinni í Cannes árið 2013. „Út frá velgengni stuttmyndanna, hefur ferlið í kring um Hjartastein orðið mun auðveldara, bæði hvað varðar fjármagn og það að koma myndinni inn á kvikmyndahátíðir. En við erum nú þegar komnir í viðræður við stórar kvikmyndahátíðir þar sem við vonumst til að geta frumsýnt myndina,“ segir Guðmundur og bætir við að fram undan séu spennandi tímar. Mest lesið Keppendur í Ungfrú Ísland 2024 Lífið Egill mætti með barnabörnin á forsýningu Snertingar Bíó og sjónvarp Glæsihús Gerðar í Blush aftur á sölu Lífið Clooney mælti með handtöku Netanyahu Lífið Forsetaáskorunin: Höfuðborgin ætti að vera í góða veðrinu fyrir norðan eða austan Lífið Með átján husky hunda á heimilinu og mæla með Lífið Stjörnulífið: Löng helgi, hátíðarsýning og tónleikar Lífið Forðast drama eins og heitan eldinn Lífið Myndaveisla: Ekkert gefið eftir í forsetafögnuði ísdrottningarinnar Lífið Endurkast sólarljóss jafn skaðlegt og beint sólarljós Lífið samstarf Fleiri fréttir Mætti í sjónvarpið eftir nokkurra ára hlé og segist hafa lært sína lexíu Er hægt að „lækna“ lélegt kynlíf? Forsetaáskorunin: Hljóp í skarðið á Stuðmannaballi en í basli með textann Prinsinn hélt blautt garðpartý Keppendur í Ungfrú Ísland 2024 Glæsihús Gerðar í Blush aftur á sölu Clooney mælti með handtöku Netanyahu Stjörnulífið: Löng helgi, hátíðarsýning og tónleikar Með átján husky hunda á heimilinu og mæla með Forsetaáskorunin: Höfuðborgin ætti að vera í góða veðrinu fyrir norðan eða austan Sungið og sungið á Sauðárkróki Elín Metta og Sigurður eiga von á barni Forðast drama eins og heitan eldinn Myndaveisla: Ekkert gefið eftir í forsetafögnuði ísdrottningarinnar „Þetta voru flottustu tónleikar sem haldnir hafa verið á Íslandi“ Krakkatían: Frambjóðendur, rapparar og ofurhetjur Fréttatía vikunnar: Forsetakosningar, sjóslys og mýflugnafaraldur Af vængjum fram: „Ég ætla ekkert að fara að gráta hérna“ Öll með aðstöðu til að fagna sigri með stuðningsmönnum Diskóstemming í Bíóhöllinni á Akranesi Setja upp söngleiki, leikrit og tónleika í Háskólabíó í sumar Hönnunarhús Markúsar Mána og Kristínar til sölu Myndaveisla: Sællegar skvísur í sumarfíling Andri og Erla selja í Seljunum „Fengum ekki sjokk, en við fengum sjokk að hann væri með hjartagalla“ Hafa ekki sést saman í sjö vikur Elísabet og Áki nefndu stúlkuna Fantaflott með frönskum gluggum í Vesturbænum Heitustu trendin fyrir sumarið 2024 „Lítið rauðhært kríli væntanlegt í nóvember“ Sjá meira
„Hugmyndin að kvikmyndinni kviknaði fyrir um tíu árum og er byggð að hluta til á æskuárum mínum. Það er óhætt að segja að myndin sé blanda af skáldsögu og minni eigin reynslu frá æsku,“ segir Guðmundur Arnar Guðmundsson kvikmyndagerðarmaður, spurður út í hugmyndina á bak við myndina Hjartasteinn, sem er fyrsta kvikmynd Guðmundar í fullri lengd, en framleiðendur myndarinnar eru Anton Máni Svansson fyrir Join Motion Pictures ásamt Lise Orheim Stender og Jesper Morthorst fyrir danska félagið SF film Productions. Hjartasteinn á sér stað yfir sumartíma í litlu sjávarþorpi á Austfjörðum og fjallar myndin um sterka vináttu tveggja drengja sem eru að taka sín fyrstu skref inn í unglingsárin og uppgötva ástina og tilfinningar sem fylgja því að þroskast og verða að manni. Tökur fóru fram í fyrrasumar á Borgarfirði eystri. „Borgarfjörður eystri er alveg mögnuð náttúruperla, við erum alveg ótrúlega ánægðir með að hafa valið þann stað sem tökustað, bæði vegna þess hversu fallegur hann er, og vegna þess hversu mikla aðstoð við fengum frá heimamönnum sem voru boðnir og búnir að aðstoða okkur. Ferlið hefur gengið vonum framar, verið mjög krefjandi og skemmtilegt,“ segir Guðmundur og bætir við að stefnt sé á að klára eftirvinnslu myndarinnar í sumar og frumsýna hana á Íslandi í haust. Leikhópurinn er alls ekki af verri endanum, en fjöldi upprennandi leikara fara með aðalhlutverkin og leika á móti nokkrum af bestu leikurum þjóðarinnar ásamt danska stórleikaranum Søren Malling, en hann lék meðal annars í hinum geysivinsælu spennuþáttum Forbrydelsen. „Aðalleikararnir eru þeir Baldur Einarsson og Blær Hinriksson, en einnig erum við með fjölda annarra hæfileikaríkra krakka í burðarhlutverkum sem eru að stíga sín fyrstu skref í kvikmyndabransanum. Nína Dögg Filippusdóttir, Sveinn Ólafur Gunnarsson, Nanna Kristín Magnúsdóttir, Gunnar Jónsson og Søren Malling fara svo líka með hlutverk í myndinni,“ segir Guðmundur.Guðmundur Arnar Guðmundsson kvikmyndagerðamaðurIngibjörg TorfadóttirEn hvernig stóð á því að Søren Malling fékk hlutverk í myndinni? „Ég kynntist Søren þegar ég gerði stuttmynd í Danmörku fyrir nokkrum árum, hann lék í myndinni, en síðan þá höfum við verið góðir vinir. Hann er virkilega mikill fagmaður og frábært að vinna með honum,“ segir Guðmundur sem hefur gert tvær stuttmyndir sem fengu góðar viðtökur á erlendum kvikmyndahátíðum og hafa unnið fjöldann allan af verðlaunum. Stuttmyndirnar tvær, Ártún og Hvalfjörður, hafa farið á yfir tvö hundruð erlendar kvikmyndahátíðir og sópað að sér verðlaunum, meðal annars hlaut Hvalfjörður sérstök dómnefndarverðlaun á kvikmyndahátíðinni í Cannes árið 2013. „Út frá velgengni stuttmyndanna, hefur ferlið í kring um Hjartastein orðið mun auðveldara, bæði hvað varðar fjármagn og það að koma myndinni inn á kvikmyndahátíðir. En við erum nú þegar komnir í viðræður við stórar kvikmyndahátíðir þar sem við vonumst til að geta frumsýnt myndina,“ segir Guðmundur og bætir við að fram undan séu spennandi tímar.
Mest lesið Keppendur í Ungfrú Ísland 2024 Lífið Egill mætti með barnabörnin á forsýningu Snertingar Bíó og sjónvarp Glæsihús Gerðar í Blush aftur á sölu Lífið Clooney mælti með handtöku Netanyahu Lífið Forsetaáskorunin: Höfuðborgin ætti að vera í góða veðrinu fyrir norðan eða austan Lífið Með átján husky hunda á heimilinu og mæla með Lífið Stjörnulífið: Löng helgi, hátíðarsýning og tónleikar Lífið Forðast drama eins og heitan eldinn Lífið Myndaveisla: Ekkert gefið eftir í forsetafögnuði ísdrottningarinnar Lífið Endurkast sólarljóss jafn skaðlegt og beint sólarljós Lífið samstarf Fleiri fréttir Mætti í sjónvarpið eftir nokkurra ára hlé og segist hafa lært sína lexíu Er hægt að „lækna“ lélegt kynlíf? Forsetaáskorunin: Hljóp í skarðið á Stuðmannaballi en í basli með textann Prinsinn hélt blautt garðpartý Keppendur í Ungfrú Ísland 2024 Glæsihús Gerðar í Blush aftur á sölu Clooney mælti með handtöku Netanyahu Stjörnulífið: Löng helgi, hátíðarsýning og tónleikar Með átján husky hunda á heimilinu og mæla með Forsetaáskorunin: Höfuðborgin ætti að vera í góða veðrinu fyrir norðan eða austan Sungið og sungið á Sauðárkróki Elín Metta og Sigurður eiga von á barni Forðast drama eins og heitan eldinn Myndaveisla: Ekkert gefið eftir í forsetafögnuði ísdrottningarinnar „Þetta voru flottustu tónleikar sem haldnir hafa verið á Íslandi“ Krakkatían: Frambjóðendur, rapparar og ofurhetjur Fréttatía vikunnar: Forsetakosningar, sjóslys og mýflugnafaraldur Af vængjum fram: „Ég ætla ekkert að fara að gráta hérna“ Öll með aðstöðu til að fagna sigri með stuðningsmönnum Diskóstemming í Bíóhöllinni á Akranesi Setja upp söngleiki, leikrit og tónleika í Háskólabíó í sumar Hönnunarhús Markúsar Mána og Kristínar til sölu Myndaveisla: Sællegar skvísur í sumarfíling Andri og Erla selja í Seljunum „Fengum ekki sjokk, en við fengum sjokk að hann væri með hjartagalla“ Hafa ekki sést saman í sjö vikur Elísabet og Áki nefndu stúlkuna Fantaflott með frönskum gluggum í Vesturbænum Heitustu trendin fyrir sumarið 2024 „Lítið rauðhært kríli væntanlegt í nóvember“ Sjá meira