Körfubolti

Mutombo var á flugvellinum í Brussel í gær

Henry Birgir Gunnarsson skrifar
Mutombo er hér að horfa á leik með Bill Clinton, fyrrum Bandaríkjaforseta.
Mutombo er hér að horfa á leik með Bill Clinton, fyrrum Bandaríkjaforseta. vísir/getty
Körfuboltagoðsögnin Dikembe Mutombo var á meðal þeirra sem voru í flugstöðinni í Brussel í gær er hryðjuverkaárás var gerð á flugvöllinn.

Mutombo var á meðal þeirra heppnu því hann slapp án nokkurra meiðsla. Hann birti tvær færslur á Facebook til að láta vita af sér.

Að minnsta kosti 34 létust í árásunum á Brussel í gær.

Hinn 49 ára gamli Mutombo var átta sinnum valinn í stjörnulið NBA-deildarinnar á 19 ára ferli og hann er í heiðurshöll körfuboltans.

Hann rekur mikið góðgerðarstarf víða um heim og var í Brussel að athuga með stöðuna á sínum góðgerðarmálum þar.

Mutombo var sofandi þegar árásin var gerð.

„Ég var að leggja mig og svo heyri ég fólk öskra út um allt. Ég skildi ekki hvað var í gangi og hélt í fyrstu að það væri verið að grínast,“ sagði Mutombo.

„Svo sagði einhver kona að allir ættu að hlaupa út. Fólk var blóðugt út um allt. Ég hikaði ekki, greip töskurnar mínar og hljóp út eins hratt og ég gat.“

God is good. I am in Brussels Airport with this craziness. I am fine.

Posted by Dikembe Mutombo on Tuesday, March 22, 2016

Thank you everyone. I am safe here. God is good.

Posted by Dikembe Mutombo on Tuesday, March 22, 2016
NBA

Tengdar fréttir




Fleiri fréttir

Sjá meira


×