Rafmagnslaust í öllu Sýrlandi

Rafmagnslaust er nú í öllu Sýrlandi og liggur netþjónusta víða niðri. Sýrlenskir ríkisfjölmiðlar greina frá þessu.

Í frétt SVT um málið segir að rafmagnið hafi farið um klukkan 14 að staðartíma, en ekki liggur fyrir um ástæður bilunarinnar.

Fréttir af rafmagnsleysi hafa verið tíðar í landinu þar sem borgarastyrjöld hefur staðið allt frá 2011. Í flestum landshlutum er rafmagni skammtað og einungis aðgengilegt í nokkrar klukkustundir á dag.

Þó er óvanalegt að rafmagnið fari í öllu landinu á sama tíma.