Danskt tryggingafélag endurgreiðir viðskiptavinum 14 milljarða

ingvar haraldsson skrifar 7. mars 2016 10:30

Danska tryggingafélagið Tryg hyggst endurgreiða milljón viðskiptavinum sínum 750 milljónir danskra króna, jafnvirði ríflega 14 milljarða íslenskrar króna vegna góðrar afkomu á síðasta ári. Upphæðin samsvarar 8 prósent af iðgjöldum síðasta árs samkvæmt frétt DR um málið.

TryghedsGruppen, eigandi Tryg, hagnaðist um 1,9 milljarða danskra króna, um 36 milljarða íslenskra króna á síðasta ári.

Þar af hyggst félagið endurgreiða viðskiptavinum 750 milljónir danskra króna íslenskra króna og gefa 550 milljónir danskra króna, ríflega 10 milljarða íslenskra króna, til samtaka sem ekki eru rekin í hagnaðarskyni.

Tengdar fréttir

Ný reikningsskil skapa milljarða í arð

VÍS, Sjóvá og TM munu hafa greitt tæpa 30 milljarða til eigenda sinna frá 2013 gangi áform um arðgreiðslur og endurkaup hlutabréfa eftir. Félögin drógu úr afsláttum og hækkuðu iðgjöld í fyrra. Tryggingarekstur á að standa undir sér

2. mars 2016 14:00

Arðgreiðslur tryggingafélaganna: „Við förum fram á það að þessir peningar fari til þeirra sem lögðu þá til“

Formaður FÍB gagnrýnir milljarða arðgreiðslur tryggingafélaganna harðlega.

6. mars 2016 14:00

Ofbýður framferði tryggingafélaganna

Jóhanna Sigurðardóttir og Árni Snævarr vilja að gripið verði til aðgerða vegna arðgreiðslna tryggingarfélaganna.

3. mars 2016 10:51

„Fjármálaeftirlitið hefur lagt blessun sína yfir það að eigendur tryggingafélaganna tæmi bótasjóðina og stingi þeim í eigin vasa“

FÍB, Félag íslenskra bifreiðaeigenda, hefur sent Bjarna Benediktssyni fjármálaráðherra áskorun um að grípa tafarlaust til aðgerða til að stöðva milljarða arðgreiðslur sem tryggingafélögin hyggjast greiða hluthöfum sínum á næstu misserum.

6. mars 2016 11:47