Urðu heimsfrægir á einu augabragði: Damn, Daniel myndbandið er að brjóta internetið

Daniel og Josh eru gjörsamlega að brjóta internetið þessa dagana með myndbandi sínu, Damn, Daniel.

Josh tekur upp myndbandið og einfaldlega segir Damn, Daniel við öllu sem drengurinn gerir. Yfir 45 milljónir manna hafa horft á myndbandið þegar þessi frétt er skrifuð en báðir eru þeir í gagnfræðaskóla í Bandaríkjunum.

Þeir eru orðnir það vinsælir að Ellen bauð þeim í spjallþáttinn sinn í vikunni og ræddi við þá. Daniel hefur nú til að mynda fengið ævilangar byrðir af VANS skóm en þeir koma töluvert við sögu í myndbandinu.

Hér að neðan má sjá brot úr þætti Ellen en Stöð 2 mun hefja sýningar á geysivinsælum spjallþáttum hennar frá og með 7. mars næstkomandi.

Spjallþáttadrottningin Ellen fær allar stærstu stjörnur heimsins í viðtal til sín auk þess að bjóða upp á ýmis skemmtileg uppátæki í hverjum þætti. Þættirnir verða sýndir mánudaga til fimmtudaga á Stöð 2 kl 17:45 og endursýndir morguninn eftir.

Tweets about #DamnDaniel