„Pabbi þinn er ekki fullkominn maður“

„Já ég var handtekin í lok árs 2010 fyrir kannabisræktun. Svo voru einhver heimskupör í fylleríi þegar ég var yngri, Það hefur aldrei verið leyndarmál. Árið 2010 var ég að horfa ofaní persónulegt gjaldþrot og gerði þau afdrifaríku mistök að ætla að bjarga mér með þessum hætti. Ég hef aldrei reynt að fegra það, réttlæta það, afsaka það eða gera lítið út þeim glæp.“ Svona hefst pistill sem Friðgeir Sveinsson skrifar á Facebooksíðu sína.

Friðgeir birti hjartnæman pistil á afmælisdegi dótturinnar í gær en hann hefur staðið í forræðisdeilu við barnsmóður sína frá því föstudaginn 13. ágúst 2010. Þremur vikum síðar fékk hann þau skilaboð, loforð, að hann fengi aldrei að sjá hana aftur.

Nú í dag rifjar hann upp sakaferill sinn og segir tilefnið vera að einn af fjölmiðlum landsins hafi ætlað að fjalla um hann í dag eða á morgun.

Sjá einnig: Af hverju áttu ekki pabba eins og allir hinir krakkarnir?

Í lok árs 2010 var Friðgeir handtekinn með 90 kannabisplöntur og rúm 2,5 kíló af kannabisstönglum. Í dómi vegna málsins segir að ræktunin hafi staðið yfir um nokkurt skeið. Var hann dæmdur í fjögurra mánaða fangelsi sem var skilorðsbundið til tveggja ára. Friðgeir játaði brotið.

Þar kemur einnig fram að hann var dæmdur fyrir líkamsárás árið 2001 og ölvunarakstur árið 2007.

Friðgeir segist þó aldrei hafa falið það að hann væri ekki heilagur maður.

„Því fer fjarri. Þvert á móti hef ég aldrei hulið fortíð mína eða reynt að gera lítið úr mistökum mínum.“ Þá segist Friðgeir hissa á að sakaferill hans hafi ekki komið til umfjöllunar áður, en hann hefur um nokkurt skeið tjáð sig opinberlega um forræðisbaráttu sína.

„Ég kýs að bera mig svo algjörlega fyrir alþjóð að þetta verði rifjað upp. Ég er þó allavega ekki að ræna barn æsku sinni og uppruna. Ég kýs að segja satt. Katrín Steina. Pabbi þinn er ekki fullkominn maður.. Og það er bara allt í lagi. Það er engin fullkominn.“

Jæja, eins og við var að búast verður sakaferill minn til umfjöllunar á einum af fjölmiðlum landsins í dag eða á morgun....

Posted by Friðgeir Sveinsson on Wednesday, February 17, 2016