Vonast til að geta stutt strákana úr stúkunni Eiríkur Stefán Ásgeirsson skrifar 15. janúar 2016 11:30 Aron hefur átt erfiðar vikur og mánuði vegna meiðsla. Vísir/Getty Aron Jóhannsson hefur ekkert getað spilað með liði sínu, Werder Bremen í Þýskalandi, síðan í september og enn er ekki vitað hvenær hann geti snúið til baka inn á völlinn. Aron segir í viðtali við Vísi að óvissan sé mikil út af meiðslunum og að staðan á honum sé í raun ekki góð. „Ég er enn meiddur og get ekki gert mikið. Ég er nú í meðhöndlun hjá sjúkraþjálfurum og engu öðru. Þeir vita ekki nákvæmlega hversu langan tíma þetta mun taka hjá mér og það er kannski það sem er erfiðast við þessi meiðsli,“ segir Aron. Aron fór í aðgerð vegna verks í mjöðm í Berlín fyrr í haust. Það lagaði verkinn en Aron getur enn ekki byrjað að æfa á nýjan leik þar sem að rót vandans liggur í náranum.Sjá einnig: Aron með slæma taug í mjöðm Hann segir að það hafi hafi ekki verið hægt að fá skýr svör frá læknum um hversu langa tíma það mun taka að ná honum góðum. „Það er rosalega erfitt, sérstklega að vita ekki nákvæmlega hvað er í gangi. Það sem er leiðinlegt við nárameiðsli er að það geta verið svo margir hlutir í gangi sem flækir málin mikið. En það er mikilvægt að vera jákvæður og hafa trú á þeim mönnum sem eru að hjálpa mér,“ segir Aron.Aron fagnar með stuðningsmönnum Bremen.Vísir/GettyNáði að aðlagast hratt Aron kom til Werder Bremen frá AZ Alkmaar í Hollandi í sumar og segist líka vistin vel, þrátt fyrir að síðustu vikur og mánuðir hafi verið erfiðir vegna meiðslanna. Hann náði aðeins að spila sex leiki áður en hann meiddist en skoraði þó tvö mörk í þeim. „Mér líkar mjög vel hérna. Þýska deildin er töluvert sterkari en sú hollenska og betra skipulag á liðunum og menn hafa minni tíma með boltann. En mér finnst að ég hafi náð að aðlagast hratt og vel.“ Bremen er í sextándu sæti þýsku deildarinnar sem stendur og Aron segir að liðið eigi að geta betur. „Menn eru auðvitað mjög ósáttir við stöðuna en ég hef mikla trú á því að við náum að snúa þessu okkur í vil á nýju ári og rífa okkur upp töfluna.“Aron og Jürgen Klinsmann.Vísir/GettyTala reglulega við Klinsmann Aron er leikmaður bandaríska landsliðsins en hefur eðlilega misst af síðustu landsliðsverkefnum vegna meiðslanna. En hann segist reglulega heyra í þjálfara sínum í bandaríska landsliðinu, Jürgen Klinsmann. „Ég tala reglulega við Jürgen og hann er duglegur að hvetja mig áfram. Ég finn að þeir eru að fylgjast vel með mér og bíða eftir að ég geti byrjað að spila aftur,“ segir Aron.Sjá einnig: Aron fær ekki að taka þátt í Álfukeppninni 2017 Ísland mætir Bandaríkjunum í lok mánaðarins í vináttulandsleik sem fer fram ytra. Þar sem leikurinn fer ekki fram á alþjóðlegum leikdegi hefði Aron hvort eð er ekki átt kost á að spila leikinn. Hann vonast til að geta þess í stað mætt Íslandi síðar. „Við mætumst bara á HM 2018,“ bætir Aron við.Aron og Clint Dempsey.Vísir/GettyVar í viðræðum við MLS í sumar Aron, sem er uppalinn Fjölnismaður og hóf atvinnumannaferilinn í Danmörku, hefur áður sagt að hann vilji síðar á ferlinum spila í bandarísku MLS-deildinni. Hann segir að sá möguleiki hafi komið upp í sumar.Sjá einnig: Aron á leið í MLS-deildina? „Ég hef mikinn áhuga á að spila í Bandaríkjunum og vona að það gerist í framtíðinni. Ég er ekki mikið byrjaður að pæla í því hvenær það muni gerast en tímapunkturinn þarf að vera réttur,“ segir Aron. „Það voru einhverjar viðræður síðasta sumar en þegar Werder kom til sögunnar fannst mér það vera rétti kosturinn núna.“Aron í leik með U-21 liði Íslands árið 2011.Vísir/AntonÍsland betra en Grikkland 2004 Aron, sem fæddist í Bandaríkjunum en á íslenska foreldra, lék með yngri landsliðum Íslands og er vitanlega mikill stuðningsmaður íslenska liðsins. Hann segir að strákarnir eigi möguleika á að gera góða hluti á EM í Frakklandi í sumar.Sjá einnig: Aron tjáir sig um ákvörðun sína „Ég á marga vini liðinu og styð það heilshugar. Ísland er með betra lið en Grikkland var með árið 2004 [þegar Grikkir urðu Evróupumeistarar] þannig að af hverju ættum við ekki að fara bara alla leið? Það getur allt gerst,“ segir Aron sem vonast til að geta farið á leiki Íslands í Frakklandi. „Ef ég verð í fríi á þessum tíma þá er alveg klárt að ég reyni að sníkja miða hjá vinum mínum í liðinu eða hjá Agga [Magnúsi Agnari Magnússyni, umboðsmanni Arons],“ segir Aron að lokum. EM 2016 í Frakklandi Fótbolti Þýski boltinn Mest lesið „Núna ætla ég að klára þetta þar sem þetta er síðasta tímabilið mitt hérna“ Sport Tiger trúir enn á sjálfan sig: „Líður enn eins og ég geti unnið golfmót“ Golf Gerir sér grein fyrir erfiðu tímabili: „Þið eruð bestu stuðningsmenn í heimi“ Fótbolti „Þetta var eitt það erfiðasta sem ég hef farið í gegnum“ Sport Birna með slitið krossband og missir af úrslitaeinvíginu Körfubolti Uppgjörið og viðtöl: Valur - Afturelding 27-29 | Mosfellingar í úrslit Handbolti Evrópudraumurinn lifir góðu lífi eftir fjórða sigurinn í röð Enski boltinn United lyfti sér upp að hlið Newcastle Enski boltinn Albert gáttaður á Lárusi Orra: „Hvað meinarðu? Hvað er í gangi hérna?“ Íslenski boltinn „Þetta var ótrúlega erfitt“ Fótbolti Fleiri fréttir Gerir sér grein fyrir erfiðu tímabili: „Þið eruð bestu stuðningsmenn í heimi“ „Þetta var ótrúlega erfitt“ Vlahovic tryggði Juventus bikarmeistaratitilinn United lyfti sér upp að hlið Newcastle Evrópudraumurinn lifir góðu lífi eftir fjórða sigurinn í röð KA sneri taflinu við í seinni hálfleik Gísli lagði upp í Íslendingaslag og Elfsborg vann risasigur Uppgjörið og viðtöl: Fylkir - Breiðablik 0-2 | Blikar enn með fullt hús Ásdís Karen kom Lilleström á bragðið Kjósa um hvort notkun VAR verði hætt Uppgjörið: Þróttur - Víkingur 0-1 | Þróttarar enn án sigurs Everton boðið neyðarlán til að klára nýja heimavöllinn Gæti haldið áfram eftir allt saman FIFA íhugar að leyfa deildarleiki í öðrum löndum Félagaskiptaglugganum lokað fyrr en vanalega í sumar Fækka landsleikjagluggum og koma á fót HM félagsliða Segja að Mbappé og forseti PSG hafi öskrað á hvor annan Stjóri Spurs ósáttur við viðhorfið: „Þetta er utan félagsins, innan þess, alls staðar“ Jói Kalli hættir hjá landsliðinu og fer til Danmerkur Illa orðað samningsákvæði varð KA að falli Albert gáttaður á Lárusi Orra: „Hvað meinarðu? Hvað er í gangi hérna?“ Segir að Ortega hafi unnið titilinn fyrir City Ten Hag vísar gagnrýni Rooneys til föðurhúsanna United íhugar að ráða stjóra Ipswich sem eftirmann Ten Hags Telja að Bruno verði áfram á Old Trafford Sagði sína menn hafa þurft að þjást og hrósaði varamarkverðinum Spánarmeistarar Real skoruðu fimm „Þegar við skorum að þá er gaman“ „Þetta var eins og handboltaleikur“ Varamarkmaðurinn og Håland hetjurnar: Man City á toppinn fyrir lokaumferðina Sjá meira
Aron Jóhannsson hefur ekkert getað spilað með liði sínu, Werder Bremen í Þýskalandi, síðan í september og enn er ekki vitað hvenær hann geti snúið til baka inn á völlinn. Aron segir í viðtali við Vísi að óvissan sé mikil út af meiðslunum og að staðan á honum sé í raun ekki góð. „Ég er enn meiddur og get ekki gert mikið. Ég er nú í meðhöndlun hjá sjúkraþjálfurum og engu öðru. Þeir vita ekki nákvæmlega hversu langan tíma þetta mun taka hjá mér og það er kannski það sem er erfiðast við þessi meiðsli,“ segir Aron. Aron fór í aðgerð vegna verks í mjöðm í Berlín fyrr í haust. Það lagaði verkinn en Aron getur enn ekki byrjað að æfa á nýjan leik þar sem að rót vandans liggur í náranum.Sjá einnig: Aron með slæma taug í mjöðm Hann segir að það hafi hafi ekki verið hægt að fá skýr svör frá læknum um hversu langa tíma það mun taka að ná honum góðum. „Það er rosalega erfitt, sérstklega að vita ekki nákvæmlega hvað er í gangi. Það sem er leiðinlegt við nárameiðsli er að það geta verið svo margir hlutir í gangi sem flækir málin mikið. En það er mikilvægt að vera jákvæður og hafa trú á þeim mönnum sem eru að hjálpa mér,“ segir Aron.Aron fagnar með stuðningsmönnum Bremen.Vísir/GettyNáði að aðlagast hratt Aron kom til Werder Bremen frá AZ Alkmaar í Hollandi í sumar og segist líka vistin vel, þrátt fyrir að síðustu vikur og mánuðir hafi verið erfiðir vegna meiðslanna. Hann náði aðeins að spila sex leiki áður en hann meiddist en skoraði þó tvö mörk í þeim. „Mér líkar mjög vel hérna. Þýska deildin er töluvert sterkari en sú hollenska og betra skipulag á liðunum og menn hafa minni tíma með boltann. En mér finnst að ég hafi náð að aðlagast hratt og vel.“ Bremen er í sextándu sæti þýsku deildarinnar sem stendur og Aron segir að liðið eigi að geta betur. „Menn eru auðvitað mjög ósáttir við stöðuna en ég hef mikla trú á því að við náum að snúa þessu okkur í vil á nýju ári og rífa okkur upp töfluna.“Aron og Jürgen Klinsmann.Vísir/GettyTala reglulega við Klinsmann Aron er leikmaður bandaríska landsliðsins en hefur eðlilega misst af síðustu landsliðsverkefnum vegna meiðslanna. En hann segist reglulega heyra í þjálfara sínum í bandaríska landsliðinu, Jürgen Klinsmann. „Ég tala reglulega við Jürgen og hann er duglegur að hvetja mig áfram. Ég finn að þeir eru að fylgjast vel með mér og bíða eftir að ég geti byrjað að spila aftur,“ segir Aron.Sjá einnig: Aron fær ekki að taka þátt í Álfukeppninni 2017 Ísland mætir Bandaríkjunum í lok mánaðarins í vináttulandsleik sem fer fram ytra. Þar sem leikurinn fer ekki fram á alþjóðlegum leikdegi hefði Aron hvort eð er ekki átt kost á að spila leikinn. Hann vonast til að geta þess í stað mætt Íslandi síðar. „Við mætumst bara á HM 2018,“ bætir Aron við.Aron og Clint Dempsey.Vísir/GettyVar í viðræðum við MLS í sumar Aron, sem er uppalinn Fjölnismaður og hóf atvinnumannaferilinn í Danmörku, hefur áður sagt að hann vilji síðar á ferlinum spila í bandarísku MLS-deildinni. Hann segir að sá möguleiki hafi komið upp í sumar.Sjá einnig: Aron á leið í MLS-deildina? „Ég hef mikinn áhuga á að spila í Bandaríkjunum og vona að það gerist í framtíðinni. Ég er ekki mikið byrjaður að pæla í því hvenær það muni gerast en tímapunkturinn þarf að vera réttur,“ segir Aron. „Það voru einhverjar viðræður síðasta sumar en þegar Werder kom til sögunnar fannst mér það vera rétti kosturinn núna.“Aron í leik með U-21 liði Íslands árið 2011.Vísir/AntonÍsland betra en Grikkland 2004 Aron, sem fæddist í Bandaríkjunum en á íslenska foreldra, lék með yngri landsliðum Íslands og er vitanlega mikill stuðningsmaður íslenska liðsins. Hann segir að strákarnir eigi möguleika á að gera góða hluti á EM í Frakklandi í sumar.Sjá einnig: Aron tjáir sig um ákvörðun sína „Ég á marga vini liðinu og styð það heilshugar. Ísland er með betra lið en Grikkland var með árið 2004 [þegar Grikkir urðu Evróupumeistarar] þannig að af hverju ættum við ekki að fara bara alla leið? Það getur allt gerst,“ segir Aron sem vonast til að geta farið á leiki Íslands í Frakklandi. „Ef ég verð í fríi á þessum tíma þá er alveg klárt að ég reyni að sníkja miða hjá vinum mínum í liðinu eða hjá Agga [Magnúsi Agnari Magnússyni, umboðsmanni Arons],“ segir Aron að lokum.
EM 2016 í Frakklandi Fótbolti Þýski boltinn Mest lesið „Núna ætla ég að klára þetta þar sem þetta er síðasta tímabilið mitt hérna“ Sport Tiger trúir enn á sjálfan sig: „Líður enn eins og ég geti unnið golfmót“ Golf Gerir sér grein fyrir erfiðu tímabili: „Þið eruð bestu stuðningsmenn í heimi“ Fótbolti „Þetta var eitt það erfiðasta sem ég hef farið í gegnum“ Sport Birna með slitið krossband og missir af úrslitaeinvíginu Körfubolti Uppgjörið og viðtöl: Valur - Afturelding 27-29 | Mosfellingar í úrslit Handbolti Evrópudraumurinn lifir góðu lífi eftir fjórða sigurinn í röð Enski boltinn United lyfti sér upp að hlið Newcastle Enski boltinn Albert gáttaður á Lárusi Orra: „Hvað meinarðu? Hvað er í gangi hérna?“ Íslenski boltinn „Þetta var ótrúlega erfitt“ Fótbolti Fleiri fréttir Gerir sér grein fyrir erfiðu tímabili: „Þið eruð bestu stuðningsmenn í heimi“ „Þetta var ótrúlega erfitt“ Vlahovic tryggði Juventus bikarmeistaratitilinn United lyfti sér upp að hlið Newcastle Evrópudraumurinn lifir góðu lífi eftir fjórða sigurinn í röð KA sneri taflinu við í seinni hálfleik Gísli lagði upp í Íslendingaslag og Elfsborg vann risasigur Uppgjörið og viðtöl: Fylkir - Breiðablik 0-2 | Blikar enn með fullt hús Ásdís Karen kom Lilleström á bragðið Kjósa um hvort notkun VAR verði hætt Uppgjörið: Þróttur - Víkingur 0-1 | Þróttarar enn án sigurs Everton boðið neyðarlán til að klára nýja heimavöllinn Gæti haldið áfram eftir allt saman FIFA íhugar að leyfa deildarleiki í öðrum löndum Félagaskiptaglugganum lokað fyrr en vanalega í sumar Fækka landsleikjagluggum og koma á fót HM félagsliða Segja að Mbappé og forseti PSG hafi öskrað á hvor annan Stjóri Spurs ósáttur við viðhorfið: „Þetta er utan félagsins, innan þess, alls staðar“ Jói Kalli hættir hjá landsliðinu og fer til Danmerkur Illa orðað samningsákvæði varð KA að falli Albert gáttaður á Lárusi Orra: „Hvað meinarðu? Hvað er í gangi hérna?“ Segir að Ortega hafi unnið titilinn fyrir City Ten Hag vísar gagnrýni Rooneys til föðurhúsanna United íhugar að ráða stjóra Ipswich sem eftirmann Ten Hags Telja að Bruno verði áfram á Old Trafford Sagði sína menn hafa þurft að þjást og hrósaði varamarkverðinum Spánarmeistarar Real skoruðu fimm „Þegar við skorum að þá er gaman“ „Þetta var eins og handboltaleikur“ Varamarkmaðurinn og Håland hetjurnar: Man City á toppinn fyrir lokaumferðina Sjá meira