Karlmaður um fertugt hefur verið handtekinn í tengslum við rannsókn embættis Ríkissaksóknara á alvarlegum brotum lögreglumanns sem verið hefur í einangrun og gæsluvarðhaldi frá 29. desember. RÚV greinir frá.
Samkvæmt frétt RÚV hefur maðurinn sem var handtekinn í dag hlotið dóm fyrir brot á fíkniefnalögum.
Lögreglumaðurinn verður í gæsluvarðhaldi til föstudags. Hann er grunaður um að hafa átt í óeðlilegum samskiptum við brotamenn. Hann er á fimmtugsaldri og reynslumikill þegar kemur að rannsóknum á fíkniefnamálum. Gæsluvarðhald yfir honum rennur út á föstudag.
Annar lögreglumaður sætir ásökunum um leka á upplýsingum um starfi. Þrátt fyrir endurteknar athugasemdir við störf hans um árabil hefur hans mál aldrei sætt rannsókn að því er fréttastofa kemst næst. Hann er enn við störf.
Hann gegndi um tíma yfirmannsstöðu bæði hjá fíkniefnadeild og upplýsingadeild sem þykir óvenjulegt fyrirkomulag og hefur verið gagnrýnt af yfirmanni hjá dönsku lögreglunni.
Maður um fertugt handtekinn
Tengdar fréttir
Lögreglumaður í gæsluvarðhaldi: Er á fimmtugsaldri og enginn nýgræðingur
Ríkissaksóknari fær aðstoð lögreglu við rannsókn á alvarlegum brotum lögreglumanns sem situr í gæsluvarðhaldi. Þingmaður Pírata segir nauðsyn að koma upp virku eftirliti með störfum lögreglu.
Kollegar lögreglumannsins steinhissa
Sigríður Björk Guðjónsdóttir lögreglustjóri segir að kollegum mannsins verði boðin áfallahjálp.
Lögreglumaðurinn ekki fengið að svara fyrir alvarlegu ásakanirnar
"Ég hef óskað eftir því að sakarefnið verði borið undir hann svo að það sé hægt að leysa þetta mál,“ segir Ómar Örn Bjarnþórsson, verjandi mannsins.
