Egill um orð Ingólfs: „Gróflega vegið að okkur í menningunni“

„Mér finnst Ingó Veðurguð vinur minn vega nokkuð gróflega að okkur í menningunni,“ segir einkaþjálfarinn, útvarpsmaðurinn og rithöfundurinn Egill Einarsson um þá gagnrýni sem Ingólfur Þórarinsson, lét falla í gær um úthlutun listamannalauna.

Egill segist hafa orðið mjög sár þegar hann las stöðufærslu Ingólfs en hann skrifaði á Facebook í gær;

„Fyrir mér snýst þetta aðallega um að allir listamenn sitji við sama borð. Aldrei hef ég fengið krónu úr þessum sjóðum og hef lítinn áhuga á því. Ég vil nefnilega ekki að skattpeningar sem móðir mín bankastarfsmaður eða pabbi minn kennari greiða til samfélagsins fari í að borga mér eða öðrum fyrir að skapa. Er ég eða aðrir listamenn eitthvað merkilegri en annað vinnandi fólk þannig að það sé þess virði að ríkið styrki okkur með þeirra skattpeningum?”

Sjá einnig: Fyrrum veðurguðinn Ingó mótfallinn listamannalaunum: Segir súrt að skattpeningar erfiðisvinnu sinnar fari í sköpun annarra

Egill segist ekki þekkja alla þá rithöfunda sem fengu úthlutað listamannalaun í ár.

„Ef til vill hefur þetta fólk skrifað geggjaðar umsóknir um listamannalaunin og látið það duga sem ritstörf fyrir árið. Svo er mjög leiðinlegt að sjá hve naumt er úthlutað til metsölurithöfundarins Gunnars Helgasonar miðað við Hallgrím bróðir hans, sem hefur fengið full laun alveg frá því hann réðist á bíl forsætisráðherra hér um árið. Svo var gróflega gengið framhjá Almari í kassanum sem hefði átt að fá þriggja ára laun.“

Egill Einarsson er meðlimur í rithöfundarsambandi Íslands og segist hann vera gríðarlega stoltur af því. Hann hefur gefið út fjórar bækur sem fengu fínar viðtökur.

Mér finnst Ingó Veðurguð vinur minn vega nokkuð gróflega að okkur í menningunni. Þetta er særandi. Jújú ég viðurkenni þa...

Posted by Egill Einarsson on 8. janúar 2016