Rut Guðnadóttir opnar sig: Eyddi kynlífsblogginu því hún vildi ekki smána framboð föður síns Sunna Kristín Hilmarsdóttir skrifar 9. ágúst 2016 11:55 Rut Guðnadóttir ásamt Guðna Th. Jóhannessyni föður sínum og Elizu Reid stjúpmóður sinni á kosningavöku pabba síns í júní síðastliðnum. vísir/hanna Rut Guðnadóttir háskólanemi og dóttir Guðna Th. Jóhannessonar forseta Íslands hefur opnað nýja bloggsíðu undir heitinu „My Awesome, Awkward Sex Life“ sem á íslensku gæti útlagst sem „Hið stórkostlega og vandræðalega ástarlíf mitt.“ Rut skrifar á ensku en í fyrstu færslunni er hún á einlægu nótunum þar sem hún lýsir því hvernig hún hafi nú í dálítinn tíma verið mjög leitandi varðandi það hvað hún vill gera í framtíðinni, hvað hún vill læra og starfa við. Nú er hún hins vegar búin að komast að niðurstöðu og hún ætlar að láta draum sinn rætast þó að það muni vissulega taka tíma, kosta peninga og mikla vinnu. Það sem truflar Rut er þó það að ef hún uppfyllir draum sinn þá muni það jafnvel koma fólki í uppnám, en hér á eftir fer þýðing blaðamanns á hluta úr bloggfærslu Rutar:„Mér líkar að vera ég og mér líkar við drauminn minn“ „Draumurinn minn er alls ekki samþykktur í samfélaginu og ég skammast mín fyrir að vilja uppfylla hann. Draumur minn er kynlíf. Getið þið ímyndað ykkur? Að hafa eytt öllum þessum tíma í að hugsa, berjast, vesenast fram og til baka, leita inn á við og hugleiða og niðurstaðan er: kynlíf. Hvernig útskýrirðu þetta fyrir foreldrum þínum? Sérstaklega þegar annað þeirra er allt í einu orðinn mjög opinber persóna og þú þarft að viðhalda einhverri ímynd. Ég er ekki góð í að viðhalda ímynd. Ég er hávær og þrjósk og ódömuleg, og ég vil ekki breyta neinu af þessu. Mér líkar að vera ég og mér líkar við drauminn minn.“Rut ásamt systkinum sínum á afmælisdegi föður þeirra þegar mannfjöldi kom saman við heimili fjölskyldunnar á Seltjarnarnesi til að hylla nýkjörinn forseta.Ætlar í nám í kynlífsfræðum Rut greinir síðan frá því að nú þegar styttist í að hún ljúki háskólanámi sínu í sálfræði þá sé hún búin að ákveða að fara erlendis í mastersnám í kynlífsfræðum. Hún hafi mikinn áhuga á kynlífi, eigi margar bækur sem fjalla um það og vilji gera það að lifibrauði sínu. Það er þó greinilegt af lestri færslunnar að það hefur ekki verið auðvelt fyrir Rut að láta slag standa og láta draum sinn rætast þar sem henni hefur kannski ekki alltaf þótt auðvelt að vera bara hún sjálf: „Í kosningabaráttu pabba míns brotnaði ég saman; ég eyddi bloggsíðunum mínum tveimur, önnur var mjög kynferðisleg, hin bara heimskuleg, ég eyddi Twitter-aðgangnum mínum og Tinder-aðgangnum. Ég vildi ekki að fólk myndi horfa til pabba míns með svona mikilli aðdáun og sæi síðan mig, svarta sauðinn í horninu og smán á göfugum málstað hans. Síðan vann hann kosningarnar og fékk vinnuna næstu fjögur árin, algjörlega óháð mér, og mér fór að líða aðeins betur í eigin skinni. Ég fór því aftur á Tinder og var á hverju kvöldi næstu vikuna með nýjum bólfélaga. Það er ótrúlegt hvað kynlíf getur hjálpað til við að hreinsa hugann.“ Í lok bloggfærslu sinnar segir Rut að hennar niðurstaða sé sú að þó að hún vilji ekki móðga fólk eða láta þeim líða illa þá vilji hún meira vera hún sjálf. Hún segist trúa því að sögurnar hennar eigi eftir að lífga upp á tilveruna hjá fólki og að hún verði einn daginn góður kynlífsráðgjafi. Þá trúir Rut því einnig að hún muni geta hjálpað fólki og svarað spurningum þeirra á faglegan og opinn hátt. Bloggfærslu Rutar má sjá í heild sinni hér. Mest lesið Hvernig bíla eiga frambjóðendur? Bílablinda, lögregluleyfi og draumur um Volvo Lífið Mörg hundruð manns á opnun kosningamiðstöðvar Katrínar Lífið „Ég dreg mig í hlé og fer bara og stofna kaffihús“ Lífið Vinskapurinn og gleðin staðið upp úr Lífið Fataherbergið seldi henni íbúðina strax Tíska og hönnun Krakkatían: Kolbeinn kafteinn, langspil og hvolpar Lífið Fréttatía vikunnar: Lögreglan, körfubolti og frambjóðendur Lífið Tróð upp í Norræna partýinu Lífið Sígó eftir hvern hring og undir lokin þurfti að lyfta Mari upp úr stólnum en hún hljóp af stað Lífið „Veit ekkert hvernig þessi ferð endar, en ég er samt mjög ánægð með að hafa lagt af stað“ Lífið Fleiri fréttir Krakkatían: Kolbeinn kafteinn, langspil og hvolpar Hvernig bíla eiga frambjóðendur? Bílablinda, lögregluleyfi og draumur um Volvo Vinskapurinn og gleðin staðið upp úr Mörg hundruð manns á opnun kosningamiðstöðvar Katrínar Tróð upp í Norræna partýinu Gaman að geta grætt fólk á góðan hátt Bakaríið í beinni Fréttatía vikunnar: Lögreglan, körfubolti og frambjóðendur Fjórar dýrindis diskósúpur úr hráefnum sem annars hefði verið hent Kynfræðingur selur slotið á landsbyggðinni Bakaríið í beinni Sérfræðingar rýna í Bakgarðshlaupið: „Endamarkið er í hausnum á þér“ „Ég dreg mig í hlé og fer bara og stofna kaffihús“ Grænmetisæta í 38 ár en ekki lengur Una Torfadóttir með sína útgáfu af Bubbalagi frá 1998 Hyggjast renna fimmtíu íslenskum lögum inn í karaokívélarnar Magnús Árni selur sögufrægt hús með kastalaturni „Veit ekkert hvernig þessi ferð endar, en ég er samt mjög ánægð með að hafa lagt af stað“ Ekki með mönnum á hennar aldri því „þeir eru allir látnir“ Minningar um líf sem er að hverfa Lolla í Litlu hryllingsbúðinni:„Þetta er auðvitað geggjað hlutverk“ Jón Daði og María Ósk eignuðust dreng Tíu ár og aukin meðvitund í bransanum Hvetur fólk til þess að leika sér Sígó eftir hvern hring og undir lokin þurfti að lyfta Mari upp úr stólnum en hún hljóp af stað Annie Mist og Frederik eignuðust dreng Hljómborðsleikari ELO fallinn frá Engir palestínskir fánar í Eurovision-höllinni Mikið fjör á opnun kosningaskrifstofu Gnarr Sjarmerandi og seiðandi á sjötugsaldri Sjá meira
Rut Guðnadóttir háskólanemi og dóttir Guðna Th. Jóhannessonar forseta Íslands hefur opnað nýja bloggsíðu undir heitinu „My Awesome, Awkward Sex Life“ sem á íslensku gæti útlagst sem „Hið stórkostlega og vandræðalega ástarlíf mitt.“ Rut skrifar á ensku en í fyrstu færslunni er hún á einlægu nótunum þar sem hún lýsir því hvernig hún hafi nú í dálítinn tíma verið mjög leitandi varðandi það hvað hún vill gera í framtíðinni, hvað hún vill læra og starfa við. Nú er hún hins vegar búin að komast að niðurstöðu og hún ætlar að láta draum sinn rætast þó að það muni vissulega taka tíma, kosta peninga og mikla vinnu. Það sem truflar Rut er þó það að ef hún uppfyllir draum sinn þá muni það jafnvel koma fólki í uppnám, en hér á eftir fer þýðing blaðamanns á hluta úr bloggfærslu Rutar:„Mér líkar að vera ég og mér líkar við drauminn minn“ „Draumurinn minn er alls ekki samþykktur í samfélaginu og ég skammast mín fyrir að vilja uppfylla hann. Draumur minn er kynlíf. Getið þið ímyndað ykkur? Að hafa eytt öllum þessum tíma í að hugsa, berjast, vesenast fram og til baka, leita inn á við og hugleiða og niðurstaðan er: kynlíf. Hvernig útskýrirðu þetta fyrir foreldrum þínum? Sérstaklega þegar annað þeirra er allt í einu orðinn mjög opinber persóna og þú þarft að viðhalda einhverri ímynd. Ég er ekki góð í að viðhalda ímynd. Ég er hávær og þrjósk og ódömuleg, og ég vil ekki breyta neinu af þessu. Mér líkar að vera ég og mér líkar við drauminn minn.“Rut ásamt systkinum sínum á afmælisdegi föður þeirra þegar mannfjöldi kom saman við heimili fjölskyldunnar á Seltjarnarnesi til að hylla nýkjörinn forseta.Ætlar í nám í kynlífsfræðum Rut greinir síðan frá því að nú þegar styttist í að hún ljúki háskólanámi sínu í sálfræði þá sé hún búin að ákveða að fara erlendis í mastersnám í kynlífsfræðum. Hún hafi mikinn áhuga á kynlífi, eigi margar bækur sem fjalla um það og vilji gera það að lifibrauði sínu. Það er þó greinilegt af lestri færslunnar að það hefur ekki verið auðvelt fyrir Rut að láta slag standa og láta draum sinn rætast þar sem henni hefur kannski ekki alltaf þótt auðvelt að vera bara hún sjálf: „Í kosningabaráttu pabba míns brotnaði ég saman; ég eyddi bloggsíðunum mínum tveimur, önnur var mjög kynferðisleg, hin bara heimskuleg, ég eyddi Twitter-aðgangnum mínum og Tinder-aðgangnum. Ég vildi ekki að fólk myndi horfa til pabba míns með svona mikilli aðdáun og sæi síðan mig, svarta sauðinn í horninu og smán á göfugum málstað hans. Síðan vann hann kosningarnar og fékk vinnuna næstu fjögur árin, algjörlega óháð mér, og mér fór að líða aðeins betur í eigin skinni. Ég fór því aftur á Tinder og var á hverju kvöldi næstu vikuna með nýjum bólfélaga. Það er ótrúlegt hvað kynlíf getur hjálpað til við að hreinsa hugann.“ Í lok bloggfærslu sinnar segir Rut að hennar niðurstaða sé sú að þó að hún vilji ekki móðga fólk eða láta þeim líða illa þá vilji hún meira vera hún sjálf. Hún segist trúa því að sögurnar hennar eigi eftir að lífga upp á tilveruna hjá fólki og að hún verði einn daginn góður kynlífsráðgjafi. Þá trúir Rut því einnig að hún muni geta hjálpað fólki og svarað spurningum þeirra á faglegan og opinn hátt. Bloggfærslu Rutar má sjá í heild sinni hér.
Mest lesið Hvernig bíla eiga frambjóðendur? Bílablinda, lögregluleyfi og draumur um Volvo Lífið Mörg hundruð manns á opnun kosningamiðstöðvar Katrínar Lífið „Ég dreg mig í hlé og fer bara og stofna kaffihús“ Lífið Vinskapurinn og gleðin staðið upp úr Lífið Fataherbergið seldi henni íbúðina strax Tíska og hönnun Krakkatían: Kolbeinn kafteinn, langspil og hvolpar Lífið Fréttatía vikunnar: Lögreglan, körfubolti og frambjóðendur Lífið Tróð upp í Norræna partýinu Lífið Sígó eftir hvern hring og undir lokin þurfti að lyfta Mari upp úr stólnum en hún hljóp af stað Lífið „Veit ekkert hvernig þessi ferð endar, en ég er samt mjög ánægð með að hafa lagt af stað“ Lífið Fleiri fréttir Krakkatían: Kolbeinn kafteinn, langspil og hvolpar Hvernig bíla eiga frambjóðendur? Bílablinda, lögregluleyfi og draumur um Volvo Vinskapurinn og gleðin staðið upp úr Mörg hundruð manns á opnun kosningamiðstöðvar Katrínar Tróð upp í Norræna partýinu Gaman að geta grætt fólk á góðan hátt Bakaríið í beinni Fréttatía vikunnar: Lögreglan, körfubolti og frambjóðendur Fjórar dýrindis diskósúpur úr hráefnum sem annars hefði verið hent Kynfræðingur selur slotið á landsbyggðinni Bakaríið í beinni Sérfræðingar rýna í Bakgarðshlaupið: „Endamarkið er í hausnum á þér“ „Ég dreg mig í hlé og fer bara og stofna kaffihús“ Grænmetisæta í 38 ár en ekki lengur Una Torfadóttir með sína útgáfu af Bubbalagi frá 1998 Hyggjast renna fimmtíu íslenskum lögum inn í karaokívélarnar Magnús Árni selur sögufrægt hús með kastalaturni „Veit ekkert hvernig þessi ferð endar, en ég er samt mjög ánægð með að hafa lagt af stað“ Ekki með mönnum á hennar aldri því „þeir eru allir látnir“ Minningar um líf sem er að hverfa Lolla í Litlu hryllingsbúðinni:„Þetta er auðvitað geggjað hlutverk“ Jón Daði og María Ósk eignuðust dreng Tíu ár og aukin meðvitund í bransanum Hvetur fólk til þess að leika sér Sígó eftir hvern hring og undir lokin þurfti að lyfta Mari upp úr stólnum en hún hljóp af stað Annie Mist og Frederik eignuðust dreng Hljómborðsleikari ELO fallinn frá Engir palestínskir fánar í Eurovision-höllinni Mikið fjör á opnun kosningaskrifstofu Gnarr Sjarmerandi og seiðandi á sjötugsaldri Sjá meira