Mikilvægt að börnin gefi leyfi

Lögfræðingur hjá Barnaheillum vill minna foreldra á þá miklu ábyrgð sem fylgir myndbirtingum á netinu. Það er mikilvægt að börn séu höfð með í ráðum þegar birtar eru myndir af þeim á opinberum vettvangi.

Þóra Jónsdóttir var ein þeirra sem hélt erindi á málþingi helguðu degi sjaldgæfra sjúkdóma, sem haldin er víða um heim í dag. Þó umfjöllunarefni málþingsins hafi verið börn sem glíma við sjaldgæfa sjúkdóma, og fjölskyldur þeirra, segir Þóra myndbirtingar á netinu eiga við öll börn.

Í fyrirlestri sínum kom Þóra inn á notkun á eignahugtökum þegar við tölum um börnin okkar.

„Við nýtum orðin sem hafa verið í hefðinni um ár og aldir og tölum til að mynda um að eignast börn og um börnin okkar. En hver er það í rauninni sem á börnin. Eiga þau sig ekki sjálf?" spyr Þóra.

„Við eignum ekki eitthvað barn sem við getum hreykt okkur af við hvaða tilefni sem er og byggt okkar sjálfsmynd á. Mér finnst stundum jaðra við að maður uppplifi það

Þóra segir samþykki barnsins fyrir myndbirtingu mjög mikilvæga, í leiðinni séu foreldrar að leiðbeina barninu um þá ábyrgð sem fylgir netnotkun. Ekki sé ætlunin að ala á ótta, en full ástæða sé til að minna á lögbundinn rétt barna til friðhelgi einkalífs. Gæta skuli til að mynda að friðhelgisstillingum og hverjir manni vinahópa á samskiptamiðlum. Einnig sé mikilvægt að birta aldrei myndir af börnum klæðalausum.

„Þó það virki afar saklaust og fallegt eru því miður mýmörg dæmi þess að slíkar myndir séu notaðar í annarlegum tilgangi," segir Þóra og bætir við að gera þurfi ráð fyrir að myndir sem einu sinni rati á netið verði þar um ókomna tíð.