Evróputilskipun um fjármálastofnanir samþykkt

Þingsályktunartillaga Lilju Alfreðsdóttur utanríkisráðherra um að tilskipun Evrópusambandsins um fjármálaþjónustu verði innleidd á Íslandi var samþykkt á Alþingi í dag með 31 atkvæði þingmanna stjórnarflokkanna gegn 18 atkvæðum stjórnarandstöðuflokkanna en 14 þingmenn voru fjarstaddir.

Farið var fram á nafnakall við atkvæðagreiðsluna og gerðu margir þingmenn grein fyrir atkvæði sínu. En áður hafði farið fram um klukkustundar umræða um málið.

Birgir Ármannsson formaður stjórnskipunar- og eftirlitsnefndar sagði stór orð sem fallið hefðu í umræðunni að hálfu þingmanna stjórnarandstöunnar væru innistæðulaus. Þingmenn stjórnarandstöðunnar sögðu hins vegar að Alþingi setti niður með samþykki tillögunnar þegar álit helstu stjórnlagasérfræðinga væri að tillagan bryti í bága við stjórnarskrána.

Með henni væri verið að framselja vald til yfirþjóðlegrar stofnunar innan Evrópusambandsins.