Sagðir undirbúa nýja eldflaugatilraun

Yfirvöld Norður-Kóreu eru sögð undirbúa enn eina eldflaugatilraunina. Samkvæmt fjölmiðlum í Suður-Kóreu virðist sem að nágrannar þeirra í norðri ætli að nota eldflaug sem áður misheppnaðist að skjóta á loft.

Eldflaugatilraunir Norður-Kóreu eru taldar vera liður í áætlun ríkisins um að koma sér upp langdrægnum kjarnorkuvopnum sem mögulega væri hægt að skjóta að meginlandi Bandaríkjanna.

Þann 6. janúar var gerð fjórða kjarnorkusprengjutilraun Norður-Kóreu. Þann 7. febrúar var langdrægni eldflaug skotið á loft í trássi við samþykktir Sameinuðu þjóðanna og nú á laugardaginn var eldflaug skotið á loft úr kafbáti.