Korti Adele hafnað í H&M

Adele er talin vera níuanda hæst launaða manneskjan í afþreyingabransanum í dag, en hún þénaði 80 milljónir Bandaríkjadollara á síðasta ári eða því sem samsvarar um tíu milljarðar íslenskra króna.

Það geta aftur á móti allir lent í því að kortinu þeirra sé hafnað út í búð og þar er Adele enginn undantekning.

„Ég fór í H&M og kortinu mínu var hafnað,“ sagði Adele við aðdáendur sína á tónleikum sem hún hélt 31. júlí í San Jose.

„Þetta var sjúklega vandræðalegt fyrir mig, en það fattaði enginn að þetta væri ég inni í búðinni,“ sagði Adele sem var stödd í H&M nokkrum klukkustundum áður en hún steig á sviðið.