Beraði sig fyrir framan ungar stúlkur í Seljahverfi

Lögreglunni á höfuðborgarsvæðinu barst í gær tilkynning um mann sem beraði sig fyrir framan tvær ungar stúlkur í Seljahverfinu í Reykjavík. Samkvæmt upplýsingum frá lögreglunni átti þetta sér stað á fimmta tímanum í gær en stúlkurnar voru á leið frá leikskólanum Jöklaborg í Jöklaseli yfir í Seljaskóla þegar þær mættu manni sem nálgaðist þær og beraði sig.

Lögreglan fór á vettvang og ræddi við tilkynnanda en maðurinn var sagður klæddur grænni úlpu og gallabuxum. Hann er ófundinn og málið til rannsóknar hjá lögreglu.