Fyrrverandi kærasti dæmdur í sextíu daga fangelsi 2. apríl 2015 08:00 Katrín Lilja treysti fyrrverandi kærasta sínum sem braut á henni með því að birta af henni nektarmyndir. „Takk fyrir að halda fram hjá mér sæta.“ Þetta stóð við nektarmyndir af Katrínu Lilju Sigurjónsdóttur sem fyrrverandi kærasti hennar birti af henni á Facebook í febrúar í fyrra. Katrín Lilja er þolandi hefndarkláms og varð eðlilega fyrir miklu áfalli en er óðum að ná fyrri styrk. Sá sem braut á henni var í síðustu viku dæmdur í 60 daga skilorðsbundið fangelsi vegna málsins og gert að borga henni 250 þúsund krónur í miskabætur.Skjáskot af nektarmyndum „Við vorum búin að vera saman í eitt og hálft ár og ég sendi honum þessar myndir sjálf. Ég sá þær aldrei sjálf á netinu, heldur skjáskot af þeim daginn eftir. Þær höfðu þó verið það lengi á netinu að nægur tími gafst til að taka skjáskot af þeim. Skjáskotin sem ég sá voru tekin tæpum tíu mínútum eftir að myndirnar voru settar á netið.“Erfitt að segja mömmu Katrín var á leiklistaræfingu með vinum sínum þegar hún frétti af myndunum á netinu. Ég lét ekki á neinu bera og fór afsíðis þar sem vinkona mín sýndi mér skjáskot. Það sást allt á þessum myndum, segir Katrín Lilja en myndefnið var kynfæri hennar og rass. Ég tók sjálf þessar myndir. Við vorum búin að vera saman í eitt og hálft ár. Við höfðum búið saman, það var traust á milli okkar,“ segir hún og bætir því við að hún hafi beðið hann um að eyða myndunum. Henni fannst erfiðast að segja móður sinni fréttirnar. „Mamma sótti mig á leiklistaræfingu, ég vildi ekki þurfa að segja móður minni þetta og fannst það erfitt. En þegar því var lokið var auðveldara að stíga næstu skref. Mamma hafði strax samband við lögregluna. Ég fann að ég hafði fullan stuðning hennar og allrar fjölskyldunnar. Daginn eftir fór ég því á lögreglustöðina og leyfði lögreglumanni að skoða símann minn.“Neitaði fyrst Í fyrstu neitaði pilturinn að hafa sett myndirnar á netið og sagði vin sinn hafa gert það. „Hann dró það þó til baka þegar málið var komið til lögreglu og hefur vafalaust óttast að allir vinir hans yrðu yfirheyrðir. Ég var yfirheyrð af lögreglumanni sem sérhæfir sig í kynferðisbrotum og fór í viðtal til félagsráðgjafa. Mamma var hjálpleg. Hún hringdi strax í Stígamót. Ég fékk mikla aðstoð þaðan á jafningjagrundvelli sem hjálpaði mér að vísa burtu skömminni. Hún vill ræða um reynslu sína til að aðstoða aðra þolendur hefndarkláms. „Ég veit að þó að ég hafi tekið myndirnar sjálf, þá er ekkert sem gefur öðrum leyfi til að setja þær á netið eða skoða þær á netinu. Þetta eru persónulegar heimildir sem hann hafði um mig og hefur ekki rétt til að deila. Það er mikilvægt að allir viti þetta. Mig langar líka til þess að stelpur viti að það fæst góð hjálp hjá Stígamótum. Hjálpin þaðan skipti mig miklu máli. Það er algengt að stelpur haldi að þetta hverfi, það er misskilningur. Það þarf að vinna í þessu.“Baktal frá næstu bæjum Hún segist hafa ákveðið að láta ekki reynsluna buga sig. „Ég er búin að þroskast og hef fært mig nær vinum og fjölskyldu. Það skiptir máli að eiga gott bakland í vinum og fjölskyldu þegar maður verður fyrir svona áfalli. Það voru ótrúlega margir sem hringdu í mig til að tala við mig um þetta að fyrra bragði. Vinkonur mínar voru duglegar að hringja, þær vildu koma því á hreint að þær fyrirlitu mig ekki fyrir þetta. Mér fannst það gott.“ Katrín Lilja er frá Neskaupstað og hann er frá Seyðisfirði. Þótt hún sé örugg í eigin bæjarfélagi segist hún verða vör við illar augnagotur og baktal þegar hún kemur til Egilsstaða. „Hann er frá Seyðisfirði og þegar ég fór til Egilsstaða fékk ég ekki fallegt augnaráð og fann fyrir því að fólki finnst að ég hefði ekki átt að taka þessar myndir. En ég læt það ekki buga mig.“ Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Áfall þegar samskipti Katrínar og Kára voru birt Innlent Þekkir dæmi um endalaus uppköst og garnalömun vegna lyfjanna Innlent Konurnar hafi gert allt til að setja ekki svartan blett á starfsemina Innlent Forsetavaktin 2024: Hver verður sjöundi forseti lýðveldisins? Innlent Bæjarstjóri sakaður um að vera njósnari: „Enginn veit hver hún er“ Erlent „Fólk er bara að bíða“ Innlent Íranski forsetinn í óljósu þyrluslysi Erlent Segir Helgu fara með rangt mál Innlent Horfa á bíómyndir og senda tölvupósta á meðan þeir keyra Innlent Færeyingar draga í land með ferðamannaskatt Erlent Fleiri fréttir Stuðningur Katrínar við sóttvarnarlækni sjálfsagður „Fólk er bara að bíða“ Tveir prestar og tveir djáknar vígðir í Skálholti Lægð yfir landinu og snjókoma fyrir norðan Áfall þegar samskipti Katrínar og Kára voru birt Aukin skjálftavirkni og erjur um Erfðagreiningu Örlítil aukning í skjálftavirkni undir Svartsengi Forsetakosningar, mansal og samningar Reykjavíkur við olíufélögin Segir Helgu fara með rangt mál Þekkir dæmi um endalaus uppköst og garnalömun vegna lyfjanna Konurnar hafi gert allt til að setja ekki svartan blett á starfsemina Með vopn og fíkniefni í útistöðum við dyravörð Horfa á bíómyndir og senda tölvupósta á meðan þeir keyra 40 tungumál eru töluð í leik- og grunnskólum Árborgar Segir alvarlegt hvernig Katrín tjáði sig um Persónuvernd Þungar áhyggjur af þyngdarstjórnunarlyfjum Bergvin dæmdur fyrir að áreita þrjár konur Slasaður eftir hestaslys í Ölfusi Nauðsynlegt að fresta atkvæðagreiðslu um umdeilda verksmiðju Ekki megrunarlyf heldur lyf við offitu Segja grafalvarlegt mál að fresta atkvæðagreiðslu „Það er miður að það falli til kostnaður vegna þessa“ Átök í Ölfusi og offitulyf Ákærður fyrir að pissa daginn eftir Fiskidaginn mikla Gular viðvaranir á Suðurlandi, Suðausturlandi og Faxaflóa á morgun Nauðugur sá kostur að fresta atkvæðagreiðslunni „Engu okkar er boðið að koma þarna og sjá“ Skuldirnar bíði þegar frelsið taki við Of þung en annars hraust á Ozempic Slagsmálahundar afþökkuðu aðstoð lögreglu Sjá meira
„Takk fyrir að halda fram hjá mér sæta.“ Þetta stóð við nektarmyndir af Katrínu Lilju Sigurjónsdóttur sem fyrrverandi kærasti hennar birti af henni á Facebook í febrúar í fyrra. Katrín Lilja er þolandi hefndarkláms og varð eðlilega fyrir miklu áfalli en er óðum að ná fyrri styrk. Sá sem braut á henni var í síðustu viku dæmdur í 60 daga skilorðsbundið fangelsi vegna málsins og gert að borga henni 250 þúsund krónur í miskabætur.Skjáskot af nektarmyndum „Við vorum búin að vera saman í eitt og hálft ár og ég sendi honum þessar myndir sjálf. Ég sá þær aldrei sjálf á netinu, heldur skjáskot af þeim daginn eftir. Þær höfðu þó verið það lengi á netinu að nægur tími gafst til að taka skjáskot af þeim. Skjáskotin sem ég sá voru tekin tæpum tíu mínútum eftir að myndirnar voru settar á netið.“Erfitt að segja mömmu Katrín var á leiklistaræfingu með vinum sínum þegar hún frétti af myndunum á netinu. Ég lét ekki á neinu bera og fór afsíðis þar sem vinkona mín sýndi mér skjáskot. Það sást allt á þessum myndum, segir Katrín Lilja en myndefnið var kynfæri hennar og rass. Ég tók sjálf þessar myndir. Við vorum búin að vera saman í eitt og hálft ár. Við höfðum búið saman, það var traust á milli okkar,“ segir hún og bætir því við að hún hafi beðið hann um að eyða myndunum. Henni fannst erfiðast að segja móður sinni fréttirnar. „Mamma sótti mig á leiklistaræfingu, ég vildi ekki þurfa að segja móður minni þetta og fannst það erfitt. En þegar því var lokið var auðveldara að stíga næstu skref. Mamma hafði strax samband við lögregluna. Ég fann að ég hafði fullan stuðning hennar og allrar fjölskyldunnar. Daginn eftir fór ég því á lögreglustöðina og leyfði lögreglumanni að skoða símann minn.“Neitaði fyrst Í fyrstu neitaði pilturinn að hafa sett myndirnar á netið og sagði vin sinn hafa gert það. „Hann dró það þó til baka þegar málið var komið til lögreglu og hefur vafalaust óttast að allir vinir hans yrðu yfirheyrðir. Ég var yfirheyrð af lögreglumanni sem sérhæfir sig í kynferðisbrotum og fór í viðtal til félagsráðgjafa. Mamma var hjálpleg. Hún hringdi strax í Stígamót. Ég fékk mikla aðstoð þaðan á jafningjagrundvelli sem hjálpaði mér að vísa burtu skömminni. Hún vill ræða um reynslu sína til að aðstoða aðra þolendur hefndarkláms. „Ég veit að þó að ég hafi tekið myndirnar sjálf, þá er ekkert sem gefur öðrum leyfi til að setja þær á netið eða skoða þær á netinu. Þetta eru persónulegar heimildir sem hann hafði um mig og hefur ekki rétt til að deila. Það er mikilvægt að allir viti þetta. Mig langar líka til þess að stelpur viti að það fæst góð hjálp hjá Stígamótum. Hjálpin þaðan skipti mig miklu máli. Það er algengt að stelpur haldi að þetta hverfi, það er misskilningur. Það þarf að vinna í þessu.“Baktal frá næstu bæjum Hún segist hafa ákveðið að láta ekki reynsluna buga sig. „Ég er búin að þroskast og hef fært mig nær vinum og fjölskyldu. Það skiptir máli að eiga gott bakland í vinum og fjölskyldu þegar maður verður fyrir svona áfalli. Það voru ótrúlega margir sem hringdu í mig til að tala við mig um þetta að fyrra bragði. Vinkonur mínar voru duglegar að hringja, þær vildu koma því á hreint að þær fyrirlitu mig ekki fyrir þetta. Mér fannst það gott.“ Katrín Lilja er frá Neskaupstað og hann er frá Seyðisfirði. Þótt hún sé örugg í eigin bæjarfélagi segist hún verða vör við illar augnagotur og baktal þegar hún kemur til Egilsstaða. „Hann er frá Seyðisfirði og þegar ég fór til Egilsstaða fékk ég ekki fallegt augnaráð og fann fyrir því að fólki finnst að ég hefði ekki átt að taka þessar myndir. En ég læt það ekki buga mig.“
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Áfall þegar samskipti Katrínar og Kára voru birt Innlent Þekkir dæmi um endalaus uppköst og garnalömun vegna lyfjanna Innlent Konurnar hafi gert allt til að setja ekki svartan blett á starfsemina Innlent Forsetavaktin 2024: Hver verður sjöundi forseti lýðveldisins? Innlent Bæjarstjóri sakaður um að vera njósnari: „Enginn veit hver hún er“ Erlent „Fólk er bara að bíða“ Innlent Íranski forsetinn í óljósu þyrluslysi Erlent Segir Helgu fara með rangt mál Innlent Horfa á bíómyndir og senda tölvupósta á meðan þeir keyra Innlent Færeyingar draga í land með ferðamannaskatt Erlent Fleiri fréttir Stuðningur Katrínar við sóttvarnarlækni sjálfsagður „Fólk er bara að bíða“ Tveir prestar og tveir djáknar vígðir í Skálholti Lægð yfir landinu og snjókoma fyrir norðan Áfall þegar samskipti Katrínar og Kára voru birt Aukin skjálftavirkni og erjur um Erfðagreiningu Örlítil aukning í skjálftavirkni undir Svartsengi Forsetakosningar, mansal og samningar Reykjavíkur við olíufélögin Segir Helgu fara með rangt mál Þekkir dæmi um endalaus uppköst og garnalömun vegna lyfjanna Konurnar hafi gert allt til að setja ekki svartan blett á starfsemina Með vopn og fíkniefni í útistöðum við dyravörð Horfa á bíómyndir og senda tölvupósta á meðan þeir keyra 40 tungumál eru töluð í leik- og grunnskólum Árborgar Segir alvarlegt hvernig Katrín tjáði sig um Persónuvernd Þungar áhyggjur af þyngdarstjórnunarlyfjum Bergvin dæmdur fyrir að áreita þrjár konur Slasaður eftir hestaslys í Ölfusi Nauðsynlegt að fresta atkvæðagreiðslu um umdeilda verksmiðju Ekki megrunarlyf heldur lyf við offitu Segja grafalvarlegt mál að fresta atkvæðagreiðslu „Það er miður að það falli til kostnaður vegna þessa“ Átök í Ölfusi og offitulyf Ákærður fyrir að pissa daginn eftir Fiskidaginn mikla Gular viðvaranir á Suðurlandi, Suðausturlandi og Faxaflóa á morgun Nauðugur sá kostur að fresta atkvæðagreiðslunni „Engu okkar er boðið að koma þarna og sjá“ Skuldirnar bíði þegar frelsið taki við Of þung en annars hraust á Ozempic Slagsmálahundar afþökkuðu aðstoð lögreglu Sjá meira