Tók stuðningsmannasveit Stólanna Francis úr sambandi?

Haukar eru komnir 2-0 undir í undanúrslitaeinvígi sínu á móti Tindastól í Dominos-deild karla í körfubolta og flestir eru sammála því að slök frammistaða Bandaríkjamannsins Alex Francis á mikinn þátt í að fyrstu tveir leikirnir hafa ekki verið eins og létt æfing fyrir Stólanna.

Alex Francis hefur aðeins skorað samtals 14 stig í þessum tveimur leikjum en hann var með 22,8 stig að meðaltali í leik í einvíginu á móti Keflavík í átta liða úrslitunum.

Framlag Alex Francis í þessum tveimur leikjum hefur verið -1 (Leikur eitt) og 3 (Leikur tvö) og það er ljóst að þessar tölur eru ekki boðlegar hjá atvinnumanni liðsins og í raun stórfurðulegar því hann var með 26,0 stig og 14,6 fráköst að meðaltali í deildinni í vetur.

Það lítur hinsvegar út fyrir að stuðningsmannasveit Stólanna hafi hreinlega tekið kappann á taugum og úr sambandi með því að fara að telja í kór öll misheppnuðu vítin hans.

Þetta byrjaði allt í deildarleik liðanna í mars þegar Francis var með 21 stig og 14 fráköst en klikkaði á 11 af 12 vítum sínum. Þetta hafði greinilega áhrif enda klikkaði Francis á níu síðustu vítum sínum í deildarleiknum. Sveitin tók síðan upp þráðinn í leik þar sem hann klikkaði á 9 af 10 vítaskotum sínum.

Varnarmenn Stólanna eru óhræddir við að brjóta á Francis og senda hann á vítalínuna og þessi þróun virðast hafa dregið mest allan kraftinn úr leikmanninum sem spilar eins og hann hræðist það að fara á vítalínuna.

Hér fyrir neðan má hvernig þessi 32 víti hans í síðustu þremur leikjum við Tindastól hafa endað.



Víti Alex Francis í síðustu þremur leikjum við Tindastól:

Deildarleikur á Króknum 8. mars  (Francis hitti úr 1 af 12 vítum, 8 prósent)

1. Klikkaði

2. Klikkaði

3. HITTI

4. Klikkaði

5. Klikkaði

6. Klikkaði

7. Klikkaði

8. Klikkaði

9. Klikkaði

10. Klikkaði

11. Klikkaði

12. Klikkaði

Leikur 1 á Króknum 7. apríl (1 af 10, 10 prósent)

1.  Klikkaði

2.  Klikkaði

3.  Klikkaði

4.  HITTI

5.  Klikkaði

6.  Klikkaði

7.  Klikkaði

8.  Klikkaði

9.  Klikkaði

10.  Klikkaði

Leikur 2 á Ásvöllum 10. apríl (3 af 10, 30 prósent)

1.  Klikkaði

2.  HITTI

3.  Klikkaði

4.  Klikkaði

5.  Klikkaði

6.  Klikkaði

7.  Klikkaði

8.  HITTI

9.  HITTI

10.  Klikkaði