Markvörður Start skoraði frá miðju í jafntefli við Vålerenga

Markvörðurinn Håkon Opdal skoraði ótrúlegt mark frá miðju þegar Start og Vålerenga gerðu 1-1 jafntefli í norsku úrvalsdeildinni í fótbolta í kvöld.

Daniel Fredheim Holm kom Vålerenga yfir á 18. mínútu og þannig var staðan fram á 65. mínútu þegar Opdal skoraði markið ótrúlega. Hann tók þá aukaspyrnu á miðlínunni og lyfti boltanum yfir Sascha Burchert, kollega sinn í marki Vålerenga.

Fleiri urðu mörkin og liðin sættust því á skiptan hlut. Vålerenga er í 6. sæti norsku deildarinnar með 40 stig en Start er í því 13. með 21 stig.

Guðmundur Kristjánsson var á sínum stað í byrjunarliði Start og lék allan leikinn. Elías Már Ómarsson kom inn á sem varamaður í liði Vålerenga þegar 10 mínútur voru eftir af leiknum.