Landsnetmálið – Hafnfirðingar vilja skýr svör Ófeigur Friðriksson skrifar 28. janúar 2015 07:00 Það er ekki nýtt að rafmagnslínur og slík mannvirki standi eðlilegri þróun byggðar í Hafnarfirði fyrir þrifum. Á árinu 2005 hófst undirbúningur Landsnets fyrir svokallaða suðvesturlínu en í tengslum við það opnaðist sá möguleiki að línumannvirki sem þá lágu í jaðri byggðar í Hafnarfirði yrðu færð í jörð. Skipulag nýrrar íbúðabyggðar á Völlum tók mið af þessum áformum Landsnets.Óvissa í kjölfar hruns Vegna þeirrar óvissu sem skapaðist í kjölfar efnahagshrunsins lögðu bæjaryfirvöld í Hafnarfirði þunga áherslu á að við fyrirtækið að gert yrði skriflegt samkomulag um hvenær og hvernig Landsnet myndi standa að niðurrifi háspennulínanna og tengdra mannvirka sem liggja í og við íbúðabyggðina á Vallasvæðinu. Árið 2009 féllst Landsnet á gerð slíks samkomulags þar sem kveðið var á um að framkvæmdirnar myndu hefjast í síðasta lagi árið 2011 og að þeim yrði að fullu lokið á árinu 2017. Full og þverpólitísk samstaða var um málið í bæjarstjórn á þessum tíma eins og reyndar frá upphafi, enda um augljóst og mikið hagsmunamál að ræða fyrir sveitarfélagið. Á árinu 2012 varð ljóst að tímarammi samkomulagsins myndi ekki standast, enda framkvæmdir ekki hafnar og undirbúningur Landsnets ekki á veg kominn. Meginskýringin sem gefin var á töfunum var að áætlanir um uppbyggingu stóriðju á Suðurnesjum hefðu ekki gengið eftir. Var af þessum sökum enn á ný gengið til viðræðna við fyrirtækið um hvenær það myndi ráðast í framkvæmdirnar, enda málið orðið mjög brýnt, ekki síst fyrir nýja íbúa á þessu svæði sem höfðu treyst fyrri yfirlýsingum fyrirtækisins.Samstaða um hagsmuni Samkvæmt nýju samkomulagi áttu framkvæmdir við niðurrif línanna að hefjast eigi síðar en á árinu 2016 og vera lokið í síðasta lagi árið 2020. Fljótlega eftir gerð samkomulagsins komu hins vegar fram vísbendingar um að enn og aftur væri komið bakslag í áætlanir Landsnets. Í umsögn fyrirtækisins um drög að nýju aðalskipulagi fyrir Hafnarfjarðarbæ komu fram athugasemdir sem bentu til þess að samkomulagið frá árinu 2012 gæti verið í uppnámi. Enn og aftur sitja bæjaryfirvöld í Hafnarfirði því við samningaborðið og krefja stjórnendur Landsnets svara. Um er að ræða gífurlegt hagsmunamál fyrir Hafnarfjarðarbæ. Hin glæsilega Skarðshlíð liggur undir og er hún nánast tilbúin til afhendingar. Gatnakerfi, göngustígar, lóðir og ljósastaurar bíða eftir því að fá hlutverk. Ljóst er að ásókn í þessar lóðir er engin ef rafmagnslínur gnæfa yfir hverfið. Verði þær hins vegar settar í jörðu, ofan í Ásvallarbrautina, þá er um að ræða stórglæsilega hlíð sem vísar til suðurs með útsýni á fjallgarð Reykjaness. Á dögunum áttu fulltrúar bæjarins og fyrirtækisins fund þar sem aðilar fóru saman og skoðuðu svæðið og áhrif mannvirkjanna á aðstæður íbúanna á Völlum. Í framhaldinu var farið yfir málið út frá sjónarhóli beggja aðila. Auk embættismanna sátu fulltrúar bæjarstjórnar fundinn. Fundurinn var á margan hátt gagnlegur og mun vonandi skila þeim árangri að hægt verði að skýra betur stöðu mála og flýta fyrir því að verkefnið komist í gang. Það sem skiptir ekki síst máli í því samhengi er að um málið sé full og þverpólitísk samstaða og við stöndum öll saman að því að knýja fram þannig lausn í þetta mál að við hana verði unað til frambúðar. Það er verkefnið núna og við hættum ekki fyrr en það er í höfn. Viltu birta grein á Vísi? Sendu okkur póst. Senda grein Mest lesið Halldór 27.04.2024 Halldór Óbærileg léttúð VG Jakob Frímann Magnússon Skoðun Takk fyrir vettlingana! Hópur foreldra leikskólabarna í Reykjavík Skoðun Er fyrirmyndarríkið Ísland í ruslflokki í sorpmálum? Sigurður Páll Jónsson Skoðun Satt og logið Bryndís Schram Skoðun Er forsetaframbjóðendum umhugað um dýravernd? Árni Stefán Árnason Skoðun Hvað varð um samveruna? Hildur Gunnarsdóttir Skoðun Að hafa áhrif á nærumhverfi sitt Guðbrandur Einarsson Skoðun Í átt að velsæld á nokkrum mínútum Olga Björt Þórðardóttir Skoðun Þegar þú vilt miklu meira bákn Hjörtur J. Guðmundsson Skoðun Skoðun Skoðun Í átt að velsæld á nokkrum mínútum Olga Björt Þórðardóttir skrifar Skoðun Er fyrirmyndarríkið Ísland í ruslflokki í sorpmálum? Sigurður Páll Jónsson skrifar Skoðun Takk fyrir vettlingana! Hópur foreldra leikskólabarna í Reykjavík skrifar Skoðun Hvað varð um samveruna? Hildur Gunnarsdóttir skrifar Skoðun Listir og velferð Kristín Valsdóttir skrifar Skoðun Er forsetaframbjóðendum umhugað um dýravernd? Árni Stefán Árnason skrifar Skoðun Þegar þú vilt miklu meira bákn Hjörtur J. Guðmundsson skrifar Skoðun Óbærileg léttúð VG Jakob Frímann Magnússon skrifar Skoðun Að hafa áhrif á nærumhverfi sitt Guðbrandur Einarsson skrifar Skoðun Framtíð innri markaðarins Gunnar Bragi Sveinsson skrifar Skoðun Satt og logið Bryndís Schram skrifar Skoðun Alþjóðlegi leiðsöguhundadagurinn Sigþór U. Hallfreðsson skrifar Skoðun Framsókn leggst ekki í duftið Guðmundur Birkir Þorkelsson skrifar Skoðun Að dreyma um alheim góðvildar Valerio Gargiulo skrifar Skoðun Að bjarga sex lífum á mínútu í hálfa öld Birna Þórarinsdóttir skrifar Skoðun Þegar þú ert báknið Gabríel Ingimarsson skrifar Skoðun Svik við þjóðina Alfreð Sturla Böðvarsson skrifar Skoðun Innivist er mikilvægasti þátturinn við hönnun íbúða! Ásta Logadóttir skrifar Skoðun Brautryðjandinn Baldur Þóra Björk Smith skrifar Skoðun Katrín og Gunnar? Hjörtur J. Guðmundsson skrifar Skoðun Ótímabundin leyfi, ótímabundið náttúruníð Elvar Örn Friðriksson skrifar Skoðun Er soja að eyðileggja íslenska karlmennsku? Dögg Guðmundsdóttir,Guðrún Nanna Egilsdóttir skrifar Skoðun Er stóraukin lýðræðisþátttaka ekki verðlaunaefni? Einar Freyr Elínarson skrifar Skoðun Árangur gegn verðbólgu Þórdís Kolbrún R. Gylfadóttir skrifar Skoðun Saman gegn ríkisofbeldi Vilhjálmur Yngvi Hjálmarsson,Örlygur Steinar Arnaldsson,Sigurhjörtur Pálmason,Simon Valentin Hirt,Kristbjörg Arna E. Þorvaldsdóttir,Ari Logn,Margrét Rut Eddudóttir skrifar Skoðun Hvar er híbýlaauður? Anna María Bogadóttir skrifar Skoðun Áhugaverðir tímar kalla á áhugaverðan forseta Cody Alexander Skahan skrifar Skoðun Biskup í tengslum Guðrún Karls Helgudóttir skrifar Skoðun Guðrún biskup – til heilla fyrir okkur öll! Arndís Steinþórsdóttir,Glóey Helgudótir Finnsdóttir skrifar Skoðun Dýravelferðarmartröð af áður óþekktri stærð Benedikta Guðrún Svavarsdóttir skrifar Sjá meira
Það er ekki nýtt að rafmagnslínur og slík mannvirki standi eðlilegri þróun byggðar í Hafnarfirði fyrir þrifum. Á árinu 2005 hófst undirbúningur Landsnets fyrir svokallaða suðvesturlínu en í tengslum við það opnaðist sá möguleiki að línumannvirki sem þá lágu í jaðri byggðar í Hafnarfirði yrðu færð í jörð. Skipulag nýrrar íbúðabyggðar á Völlum tók mið af þessum áformum Landsnets.Óvissa í kjölfar hruns Vegna þeirrar óvissu sem skapaðist í kjölfar efnahagshrunsins lögðu bæjaryfirvöld í Hafnarfirði þunga áherslu á að við fyrirtækið að gert yrði skriflegt samkomulag um hvenær og hvernig Landsnet myndi standa að niðurrifi háspennulínanna og tengdra mannvirka sem liggja í og við íbúðabyggðina á Vallasvæðinu. Árið 2009 féllst Landsnet á gerð slíks samkomulags þar sem kveðið var á um að framkvæmdirnar myndu hefjast í síðasta lagi árið 2011 og að þeim yrði að fullu lokið á árinu 2017. Full og þverpólitísk samstaða var um málið í bæjarstjórn á þessum tíma eins og reyndar frá upphafi, enda um augljóst og mikið hagsmunamál að ræða fyrir sveitarfélagið. Á árinu 2012 varð ljóst að tímarammi samkomulagsins myndi ekki standast, enda framkvæmdir ekki hafnar og undirbúningur Landsnets ekki á veg kominn. Meginskýringin sem gefin var á töfunum var að áætlanir um uppbyggingu stóriðju á Suðurnesjum hefðu ekki gengið eftir. Var af þessum sökum enn á ný gengið til viðræðna við fyrirtækið um hvenær það myndi ráðast í framkvæmdirnar, enda málið orðið mjög brýnt, ekki síst fyrir nýja íbúa á þessu svæði sem höfðu treyst fyrri yfirlýsingum fyrirtækisins.Samstaða um hagsmuni Samkvæmt nýju samkomulagi áttu framkvæmdir við niðurrif línanna að hefjast eigi síðar en á árinu 2016 og vera lokið í síðasta lagi árið 2020. Fljótlega eftir gerð samkomulagsins komu hins vegar fram vísbendingar um að enn og aftur væri komið bakslag í áætlanir Landsnets. Í umsögn fyrirtækisins um drög að nýju aðalskipulagi fyrir Hafnarfjarðarbæ komu fram athugasemdir sem bentu til þess að samkomulagið frá árinu 2012 gæti verið í uppnámi. Enn og aftur sitja bæjaryfirvöld í Hafnarfirði því við samningaborðið og krefja stjórnendur Landsnets svara. Um er að ræða gífurlegt hagsmunamál fyrir Hafnarfjarðarbæ. Hin glæsilega Skarðshlíð liggur undir og er hún nánast tilbúin til afhendingar. Gatnakerfi, göngustígar, lóðir og ljósastaurar bíða eftir því að fá hlutverk. Ljóst er að ásókn í þessar lóðir er engin ef rafmagnslínur gnæfa yfir hverfið. Verði þær hins vegar settar í jörðu, ofan í Ásvallarbrautina, þá er um að ræða stórglæsilega hlíð sem vísar til suðurs með útsýni á fjallgarð Reykjaness. Á dögunum áttu fulltrúar bæjarins og fyrirtækisins fund þar sem aðilar fóru saman og skoðuðu svæðið og áhrif mannvirkjanna á aðstæður íbúanna á Völlum. Í framhaldinu var farið yfir málið út frá sjónarhóli beggja aðila. Auk embættismanna sátu fulltrúar bæjarstjórnar fundinn. Fundurinn var á margan hátt gagnlegur og mun vonandi skila þeim árangri að hægt verði að skýra betur stöðu mála og flýta fyrir því að verkefnið komist í gang. Það sem skiptir ekki síst máli í því samhengi er að um málið sé full og þverpólitísk samstaða og við stöndum öll saman að því að knýja fram þannig lausn í þetta mál að við hana verði unað til frambúðar. Það er verkefnið núna og við hættum ekki fyrr en það er í höfn.
Skoðun Er soja að eyðileggja íslenska karlmennsku? Dögg Guðmundsdóttir,Guðrún Nanna Egilsdóttir skrifar
Skoðun Saman gegn ríkisofbeldi Vilhjálmur Yngvi Hjálmarsson,Örlygur Steinar Arnaldsson,Sigurhjörtur Pálmason,Simon Valentin Hirt,Kristbjörg Arna E. Þorvaldsdóttir,Ari Logn,Margrét Rut Eddudóttir skrifar
Skoðun Guðrún biskup – til heilla fyrir okkur öll! Arndís Steinþórsdóttir,Glóey Helgudótir Finnsdóttir skrifar