Ban Ki-Moon: Samstarf fimm ríkja nauðsynlegt vegna stríðsástandsins í Sýrlandi

Ban Ki-Moon, framkvæmdastjóri Sameinuðu þjóðanna, segir að stjórnvöld í Bandaríkjunum, Rússlandi, Sádi-Arabíu, Tyrklandi og Íran verði að vinna saman til að hægt séað binda enda á stríðsástandið í Sýrlandi.

Framkvæmdastjórinn lét orðin falla í ræðu sinni á fundi allsherjarþings Sameinuðu þjóðanna í New York sem nú stendur yfir.

„Eins lengi og einn aðili hefur ekki áhuga á að ná málamiðlun með hinum aðilunum, er tilgangslaust að búast við einhverri breytingu.“

Moon sagði að meirihluti af þeim 250 þúsund manns sem hafa látið lífið frá upphafi borgarastyrjaldarinnar í Sýrlandi árið 2011 hafi látið lífið í loftárásum.

Leiðtogar Bandaríkjanna, Rússlands, Kína og Íran eru á meðal þeirra sem eiga eftir að flytja ræðu á þinginu í dag. Fylgjast má með útsendingunni að neðan. Dagskrá fundarins má sjá hér.