KR og Haukum spáð titlinum

KR og Haukar verða Íslandsmeistarar í Dominos-deildunum í körfubolta samkvæmt spá þjálfara, fyrirliða og forráðamanna.

Kynningarfundur deildarinnar stendur nú yfir þar sem tímabilið er kynnt. Stöð 2 Sport mun sýna fleiri leiki en áður og einnig vera með sérstakan uppgjörsþátt á föstudagskvöldum.

KR er búið að vinna karladeildina tvö ár í röð og er enn með geysiöflugt lið. Þeir bættu meðal annars við sig landsliðsmanninum, Ægi Þór Steinarssyni.

Besta körfuboltakona landsins, Helena Sverrisdóttir, er komin heim í Hauka og liðið verður óstöðvandi með hana innanborðs samkvæmt spánni.

Hér að neðan má sjá spána.

Dominos-deild karla:

1. KR - 426 stig
2. Tindastóll - 362
3. Stjarnan - 354
4. Haukar - 340
5. Þór Þ. - 270
6. Njarðvík - 234
7. Grindavík - 226
8. Keflavík - 175
9. FsU - 141
10. Snæfell - 105
11. ÍR - 95
12. Höttur - 74

Dominos-deild kvenna:

1. Haukar - 144 stig
2. Keflavík - 107
3. Valur - 86
4. Stjarnan - 80
5. Snæfell - 73
6. Grindavík - 67
7. Hamar - 30