Orðinn pabbi

Sherlock Holmes-leikarinn Benedict Cumberbatch varð faðir um helgina er honum og konu hans, leikstjóranum Sophie Hunter, fæddist lítill drengur.

Heilsast öllum ljómandi vel og biður litla fjölskyldan um að fjölmiðlar virði friðhelgi einkalífs þeirra fyrstu dýrmætu vikurnar.

Cumberbatch og Hunter giftu sig fyrr á árinu, en kynntust árið 2009 við gerð Burlesque Fairytales og rugluðu saman reytum upp úr því.

Þau hafa haldið sambandi sínu algjörlega utan fjölmiðla, og hafa til að mynda varla sést saman á ljósmyndum fyrr en eftir hjónavígsluna á Valentínusardag.