Andersson sagður vera á leið til Barcelona

Danska stórskyttan Lasse Andersson er á förum frá KIF Kolding í sumar.

Umboðsmaður hans hefur staðfest að Andersson muni ganga í raðir erlends félags næsta sumar en vill ekki staðfesta hvaða félag það er.

Heimildir erlendra fjölmiðla herma að skyttan magnaða sé á leið til Barcelona. Fleiri félög hafa þó örugglega áhuga.

Andersson hefur farið mikinn með Kolding í vetur og raðaði til að mynda inn mörkum gegn Barcelona í Meistaradeildinni og því ekki skrítið að félagið vilji fá hann.

Andersson er aðeins 21 árs gamall og verður væntanlega í eldlínunni með danska landsliðinu á EM.