Hryðjuverkin í París: Viðbúnaðarstig hækkað í Genf

Lögregla í Sviss hefur hækkað viðbúnaðarstig í Genf þar sem umfangsmikil leit stendur nú yfir í borginni af mönnum sem taldir eru að tengist hryðjuverkaárásinni í París þann 13. nóvember síðastliðinn.

Í frétt BBC kemur fram að talsmaður lögreglu segir að upplýsingar um að grunaðir menn séu nú í borginni eða nánasta umhverfi hennar hafi komið á borð lögreglu.

130 manns féllu í hryðjuverkaárásunum í París í síðasta mánuði. Salah Abdeslam, einn skipuleggjenda árásanna, er enn á flótta.