Héraðsdómur samþykkir nauðasamning gamla Landsbankans

Héraðsdómur Reykjavíkur samþykkti í dag nauðasamning gamla Landsbankans.

Því hefur Héraðsdómur samþykkt nauðasamninga slitabúa allra stóru bankanna þriggja.

Glitnir er komið lengst í ferlinu og lýkur í dag fyrstu greiðslum til kröfuhafa sinna eftir að hafa fengið endanlega undanþágu Seðlabanka Íslands frá gjaldeyrishöftum.

Nauðasamningur Kaupþings var samþykktur á þriðjudag en á eftir að fást samþykktur í Bandaríkjunum auk þess að endanlegt undanþágu Seðlabankans frá gjaldeyrishöftum liggur ekki fyrir. Landsbankinn á einnig eftir að fá endanlega undanþágu frá gjaldeyrishöftum.

Fulltrúar slitastjóra Landsbankans og Kaupþings eiga þó von á því að það gangi eftir og greiðslur til kröfuhafa fari fram á nýju ári.