Þór Þorlákshöfn í 8-liða úrslitin eftir sigur fyrir austan

Þór Þorlákshöfn vann sjö stiga sigur á Hetti í 16-liða úrslitum Powerade-bikarsins fyrir austan í dag þrátt fyrir stórleik Tobin Carberry í liði Hattar en leiknum lauk með 96-86 sigri Þórs.

Höttur sem er enn án sigurs í Dominos-deildinni leiddi að fyrsta leikhluta loknum 21-19 en gestirnir spiluðu mun betur í öðrum leikhluta og voru með átta stiga forskot í hálfleik, 50-42.

Heimamönnum tókst að minnka muninn í þriðja leikhluta og var spenna í leiknum fram að lokamínútum leiksins en leikmenn Þórs reyndust einfaldlega vera sterkari á lokasprettinum og unnu að lokum átta stiga sigur.

Tobin fór á kostum í liði heimamanna með þrefalda tvennu upp á 39 stig, 12 fráköst og gaf 10 stoðsendingar en Eysteinn Bjarni Ævarsson bætti við átján stigum.

Í liði Þórs var það Vance Michael Hall sem var atkvæðamestur með 29 stig en Emil Karel Einarsson kom næstur með 28 stig.

Höttur-Þór Þ. 89-96 (21-19, 21-31, 25-22, 22-24)

Höttur: Tobin Carberry 39/12 fráköst/10 stoðsendingar, Eysteinn Bjarni Ævarsson 18, Mirko Stefán Virijevic 16/6 fráköst, Hreinn Gunnar Birgisson 9/10 fráköst, Benedikt Þorvaldur Guðgeirsson Hjarðar 7.

Þór Þ.: Vance Michael Hall 29/6 fráköst/5 stoðsendingar, Emil Karel Einarsson 28/4 fráköst, Ragnar Ágúst Nathanaelsson 11/11 fráköst/3 varin skot, Halldór Garðar Hermannsson 8, Ragnar Örn Bragason 8/4 fráköst, Magnús Breki Þórðason 5, Baldur Þór Ragnarsson 5, Þorsteinn Már Ragnarsson 2/5 fráköst.