Baltasar og hinar stjörnurnar ræddu við fjölmiðla

Baltasar Kormákur, leikstjóri Everest, ræddi við blaðamenn vegna frumsýningar stórmyndarinnar fyrr í dag á kvikmyndahátíðinni í Feneyjum. Með honum á fréttamannafundinum voru helstu leikarar myndarinnar, þar á meðal Jake Gyllenhaal og Josh Brolin.

Sjá má upptöku frá fréttamannafundinum að neðan þar sem Baltasar segir frá upptökunum í Nepal, auk þess að Gyllenhaal segir frá því þegar fjölskylda Scott Fischer hafði samband við hann til að ræða þær áhyggjur sem hún hafði af því hvernig Fischer yrði túlkaður í myndinni.

Gyllenhaal fer með hlutverk Fischer í Everest sem segir frá atburðum sem gerðust á fjallinu árið 1996.