Ótrúleg blak-karfa Bookers sú flottasta í NBA | Sjáðu tíu bestu tilþrifin

Hreint lygileg karfa sem framherjinn Trevor Booker skoraði fyrir Utah Jazz á móti Oklahoma City Thunder er á toppnum yfir flottustu tilþrif tímabilsins í NBA-deildinni.

NBA-sjónvarpsþátturinn The Starters var með árlegan verðlaunaþátt sinn í nótt og birti þar kjör sitt yfir tíu flottustu tilþrifin í NBA-deildinni, en þau má öll sjá hér að neðan.

Booker blakaði boltanum aftur fyrir sig á ótrúlegan hátt ofan í körfuna, en þetta er eitthvað sem sést svo sannarlega ekki á hverjum degi.

Hollí hú-karfa J.R. Smith fyrir Cleveland er í öðru sæti og tröllatroð James Ennis hjá Miami yfir Washington-manninn Rasual Butler er í þriðja sæti.

Tíu flottustu tilþrifin í NBA-deildinni 2014/2015 að mati The Starters má sjá hér að neðan.