„Ég átti ekki von á þessu þegar fyrsti Pírata-flokkurinn var stofnaður fyrir áratug,“ segir Rick Falkvinge, stofnandi Pírata í Svíþjóð, í umræðum á vefnum Reddit um fylgi Pírataflokksins á Íslandi sem mælist nú stærsti þingflokkurinn samkvæmt könnun MMR og fengi sextán þingmenn kjörna á þing ef gengið yrði til kosninga í dag.

Sjá einnig: Píratar mælast stærstir

Falkvinge óskar Pírötum á Íslandi til hamingju með árangurinn. „Ég var með flokknum þegar hann var kjörinn á þing árið 2013 og fjallaði um það þá. Ég vonast til að verða viðstaddur næstu þingkosningar á Íslandi til að fagna sigri og fjalla um velgengni Pírata á Íslandi á ný.“

Let's take that again: The Icelandic Pirate Party is now the _largest political party_ on Iceland. congrats! http://t.co/c60lmVLti6

— Rick Falkvinge (@Falkvinge) March 19, 2015