Tyson-Thomas með Keflavík í úrslitunum

Carmen Tyson-Thomas er í leikmannahóp Keflavíkur sem mætir Grindavík í úrslitum Powerade-bikars kvenna. Líkur voru á að Tyson-Thomas myndi ekki spila, en annað kom á daginn.

Tyson-Thomas rifbeinsbrotnaði í leik gegn Val í byrjun mánaðarins. Taleya Mayberry, leikmaður Vals, braut þá á henni og voru Keflvíkingar allt annað en sáttir með brotið.

Þessi öflugi bandaríski leikmaður var talinn rifbeinsbrotinn, en hún hefur náð að jafna sig af meiðslunum og er klár í slaginn.

 

Úrslitaleikurinn hefst klukkan 13:30 og er að sjálfsögðu í beinni textalýsingu á Vísi.