Umfjöllun og viðtöl: Grótta-Stjarnan 24-21 | Grótta tók frumkvæðið Ingvi Þór Sæmundsson í Hertz-höllinni á Seltjarnarnesi skrifar 5. maí 2015 15:26 Grótta komst í 1-0 gegn Fram í úrslitaeinvíginu um Íslandsmeistaratitilinn með þriggja marka sigri, 24-21, á Stjörnunni í Hertz-höllinni á Seltjarnarnesi í kvöld.Stefán Karlsson, ljósmyndari Vísis og Fréttablaðsins, var á leiknum í kvöld og náði þessum skemmtilegu myndum hér fyrir ofan. Grótta var sterkari aðilinn lengst af, ef frá er talið miðbik fyrri hálfleiks. Íris Björk Símonardóttir varði eins og berserkur, alls 26 skot (55%), og í sókninni fóru þær Eva Björk Davíðsdóttir og Lovísa Thompson mikinn. Fyrri hálfleikur var sveiflukenndur í meira lagi. Grótta byrjaði og endaði fyrri hálfleikinn vel en Stjarnan var sterkari aðilinn um miðbik hans. Stjarnan spilaði mjög framliggjandi vörn sem sóknarmenn Gróttu tættu í sig hvað eftir annað fyrstu 15 mínútur leiksins. Þeim nægði að taka eina gabbhreyfingu og þá voru þær komnar í gegn. Lovísa naut sín vel með allt þetta pláss en þessi 15 ára leikmaður skoraði þrjú mörk í fyrri hálfleik og fiskaði auk þess þrjú vítaköst. Sóknarleikur Stjörnunnar var öllu stirðari og byggðist mikið upp á langskotum frá Helenu Rut Örvarsdóttir en þessi tvítuga skytta skoraði fimm mörk í fyrri hálfleik, flest allra á vellinum. Liðsfélagar hennar áttu í mestu vandræðum með að finna leiðina framhjá Gróttuvörninni og Írisi Björk Símonardóttur í markinu sem var með 50% markvörslu í hálfleik. En um miðbik fyrri hálfleik snerist leikurinn við. Grótta missti þrjá leikmenn út af með stuttu millibili og Stjörnukonur gengu á lagið. Vörn þeirra þéttist og þær breyttu stöðunni úr 7-5 í 8-12. Heimakonur enduðu fyrri hálfleikinn hins vegar vel og náðu að minnka muninn í eitt mark fyrir lok hans. Staðan í hálfleik 11-12, Stjörnunni í vil. Grótta byrjaði seinni hálfleikinn eins og liðið endaði þann fyrri. Heimakonur skoruðu tvö fyrstu mörk seinni hálfleiksins og voru þar með búnar að skora fimm mörk í röð. Gróttukonur voru með frumkvæðið allan seinni hálfleikinn en Stjarnan var aldrei langt undan. Gestirnir jöfnuðu í 16-16 en þá komu fjögur Gróttumörk í röð. Stjarnan minnkaði muninn í 20-17 og fékk svo gullið tækifæri til að nálgast Seltirninga enn frekar þegar Grótta missti tvo leikmenn af velli á sama tíma. Eva Margrét Kristinsdóttir fékk að líta beint rautt spjald fyrir brot á Helenu og í kjölfarið fékk bekkurinn hjá Gróttu tveggja mínútna brottvísun fyrir mótmæli. En líkt og í oddaleiknum gegn ÍBV spilaði Grótta öfluga vörn í undirtölunni og hélt jöfnu á þessum kafla, 0-0. Stjarnan náði að minnka muninn í eitt mark, 20-19, þegar fimm mínútur voru eftir en nær komust gestirnir ekki. Íris tók mikilvæga bolta á meðan allt lak inn á hinum enda vallarins. Florentina Stanciu, sá frábæri markvörður, hefur oft leikið betur en í kvöld. Grótta spilaði af skynsemi á lokakaflanum og hélt gestunum úr Garðabænum í þægilegri fjarlægð frá sér. Gróttukonur unnu að lokum þriggja marka sigur, 24-21, og tóku þar með forystuna í einvígi liðanna. Eva Björk skoraði níu mörk fyrir Gróttu en Lovísa kom næst með fimm. Arndís María Erlingsdóttir skoraði fjögur mörk og þá voru Anna Úrsúla Guðmundsdóttir sterk í vörninni ásamt Evu Margréti á meðan hennar naut við. Frammistaða Írisar hefur þegar verið tíunduð. Sólveig Lára Kjærnested skoraði sex mörk fyrir Stjörnuna en Helena skoraði fimm, öll í fyrri hálfleik. Liðin mætast öðru sinni í Mýrinni í Garðabæ á fimmtudaginn.Kári: Mjög sérstakur dómur Kári Garðarson, þjálfari Gróttu, var hæstánægður með sigur Seltirninga á Stjörnunni fyrsta leik liðanna í einvíginu um Íslandsmeistaratitilinn í kvöld. "Þetta var mjög sveiflukenndur leikur. Þær komust yfir í fyrri hálfleik en við nörtuðum í það forskot undir lok hálfleiksins," sagði Kári. "Við sýndum svo mikinn karakter í seinni hálfleik, þéttum vörnina og Íris (Björk Símonardóttir) var frábær í markinu. Svo fórum við að skora framhjá Florentinu (Stanciu) og nýta færin okkar betur. "Ég er gríðarlega stoltur af stelpunum, sérstaklega í ljósi þess hversu mörg skörð hafa verið höggvin í okkar lið," sagði Kári en Karólína Bæhrenz Lárudóttir fór meidd af velli snemma leiks. Þjálfarinn er ekkert alltof bjartsýnn á þátttöku hennar í næstu leikjum. "Það er erfitt að segja hver staðan á henni er núna en tognun aftan í læri er alltaf mjög erfið og maður er lengi að jafna sig á því. Ég er ekkert ýkja bjartsýnn með hana," sagði Kári en Laufey Ásta Guðmundsdóttir, fyrirliði Gróttu, er einnig meidd og spilaði ekkert í seinni hálfleik í kvöld. Þá hefur Anett Köbli ekki leikið með Seltirningum frá því í öðrum leiknum gegn ÍBV. "Laufey var að pína sig áfram og það hlaut eitthvað að gefa sig í kálfanum og svo misstum við Evu Margréti (Kristinsdóttur) út af með rautt spjaldið," sagði Kári en hvað fannst honum um þann dóm? "Mér fannst það mjög sérstakt en þessir dómarar (Arnar Sigurjónsson og Svavar Pétursson) reka mikið út af. Maður hefur varla tölu á því hversu marga þeir eru búnir að reka út af og áður en maður veit eru þeir búnir að reka annan út af," sagði Kári en við hversu býst hann í leik tvö á fimmtudaginn? "Ég býst við því sama og í kvöld. Sterkum vörnum, markvörslu og sóknarleik sem er ekkert alltaf gullfallegur," sagði þjálfarinn að lokum.Íris Björk: Kíkjum alltaf á skot fyrir leiki Íris Björk Símonardóttir spilaði frábærlega í marki Gróttu þegar liðið lagði Stjörnuna að velli í fyrsta leik liðanna um Íslandsmeistaratitilinn. "Þessi leikur var hörkuspennandi og þetta er vonandi það sem koma skal. Þetta er tvö rosalega sterk lið með sterkar varnir og sannfærandi sóknarleik líka. Við þurfum að halda rétt á spilunum í næstu leikjum," sagði Íris en hvað fannst henni skila sigrinum í kvöld? "Góður varnarleikur í gegnum allan leikinn. Við slúttuðum vel á Floru og leystum vörnina þeirra vel og komum okkur oftast í dauðafæri. Á tímabili varði hún of mikið frá okkur en það kom eftir því sem leið á leikinn." Íris varði 26 skot í leiknum, eða 55% þeirra skota sem hún fékk á sig. Hún sagðist hafa verið vel undirbúin fyrir leikinn. "Við kíkjum alltaf yfir skot fyrir leiki, eins og allir markmenn held ég. Kári var búinn að fara yfir varnar- og sóknarleikinn þeirra og stúdera hann vel, þannig að við komum vel undirbúnar til leiks," sagði Íris sem finnst Grótta hafa náð að fylla vel í þau skörð sem hafa verið höggvin í leikmannahópinn að undanförnu. "Við höfum lent í ýmsum áföllum í vetur og alltaf leyst það vel og ég enga trú á að það verði breyting þar á," sagði Íris að endingu.Rakel Dögg: Spiluðum glimrandi vel í fyrri hálfleik Rakel Dögg Bragadóttir, þjálfari Stjörnunnar, sagði að slakur seinni hálfleikur hefði orðið Garðbæingum að falli gegn Gróttu í kvöld. "Seinni hálfleikurinn var ekki nógu góður af okkar hálfu. Við spiluðum fyrri hálfleikinn glimrandi vel; margir leikmenn tóku af skarið, við gerðum flott mörk og stóðum vel í vörninni," sagði Rakel og bætti við: "Í seinni hálfleik fáum við á okkur klaufaleg mörk og vorum ekki nógu góðar í sókninni og of fáir leikmenn tóku af skarið. "Svo nýttum við yfirtöluna illa og það er eitthvað sem við þurfum að laga fyrir næsta leik," sagði Rakel en Stjarnan missti af gullnu tækifæri til að nálgast Gróttu í stöðunni 20-17 þegar gestirnir voru tveimur fleiri í tvær mínútur. Sá kafli fór 0-0. "Það var mjög dýrt. Þessir kaflar í yfirtölunni eru gríðarlega mikilvægir í leikjum og það þarf helst að vinna þá með a.m.k. einu marki. Við verðum að laga þetta fyrir næsta leik." Stjarnan átti flotta spretti í fyrri hálfleik en hvað getur liðið tekið jákvætt með sér úr þessum leik í þann næsta á fimmtudaginn? "Fyrri hálfleikurinn var mjög flottur þar sem við keyrðum upp hraðann og stóðum vörnina vel. Þær skoruðu mikið í byrjun en svo héldum við þeim gríðarlega vel niðri. "Við þurftum að fá meira frá Florentinu og þá sérstaklega í seinni hálfleik," sagði Rakel en kom það til greina að skipta um markmann í seinni hálfleik í ljósi þess að Florentina átti ekki sinn besta leik? "Að sjálfsögðu og eftir á að hyggja hefðum við átt að gera það. Maður var alltaf að bíða eftir að hún hrykki í gang því hún er þannig markmaður. Maður heldur að hún sé að detta niður en svo tekur hún 2-3 dauðafæri. "Því miður kom það ekki í dag en ég hef engar áhyggjur af því. Þetta var fyrsti leikur og við þurfum bara að vera aðeins rólegri og skipuleggja okkur betur," sagði Rakel að lokum.Kári Garðarson, þjálfari Gróttu.Vísir/StefánLovísa Thompson skoraði fimm mörk fyrir Gróttu og fiskaði auk þess þrjú vítaköst í leiknum í kvöld.Vísir/StefánÍris Björk SímonardóttirVísir/Stefán Olís-deild kvenna Mest lesið Metamfetamín fannst í báðum sýnum markmannsins Handbolti Tonali braut veðmálareglur fimmtíu sinnum eftir komuna til Newcastle Enski boltinn Uppgjörið og viðtöl: Valur - Afturelding 39-25 | Valsmenn jafna einvígið með stórsigri Handbolti Gunnar um að mæta dóttur sinni: „Hélt langmest með henni af öllum inn á vellinum“ Sport „Við vorum bara ekki á svæðinu“ Handbolti Eigendur 76ers gefa miða svo Knicks aðdáendur taki ekki aftur yfir Körfubolti Möguleikar Tottenham á Meistaradeildarsæti að fjara út Enski boltinn „Vörnin í dag, það er það sem vann þetta“ Körfubolti „Við áttum slæman dag og þær góðan dag“ Íslenski boltinn Fiorentina og Olympiacos í kjörstöðu eftir mikla markaleiki Fótbolti Fleiri fréttir „Við vorum bara ekki á svæðinu“ Metamfetamín fannst í báðum sýnum markmannsins Uppgjörið og viðtöl: Valur - Afturelding 39-25 | Valsmenn jafna einvígið með stórsigri PSG tókst ekki að leika ótrúlega endurkomu Kiel eftir Fjölnir tryggði sér sæti Olís deildinni á næsta tímabili Svekkjandi tap lækkar líkurnar hjá lærisveinum Arnórs Kielce kærir leikinn gegn Magdeburg Aron í myndatöku í dag vegna meiðslanna Sjáðu dramatísku vítakastskeppnina í Eyjum Elín Jóna færir sig á milli félaga á Jótlandi Ómar Ingi skaut Evrópumeisturunum áfram eftir vítakeppni „Féllu dómar í dag sem voru að mér fannst ansi augljósir“ Óheflaði Eyjapeyinn Kári Kristján: „Töpum aldrei í vítakeppnum“ Uppgjörið: ÍBV - FH 39-38 | ÍBV tryggði sér oddaleik eftir vítakastkeppni Bjarki Már og félagar úr leik Haukakonur sópuðu Fram í sumarfrí og mæta Val í úrslitum Róbert fer frá Drammen og vill spila nærri Andreu Löwen í undanúrslit þrátt fyrir fína frammistöðu Orra Freys „Vantaði meiri breidd til þess að veita þeim harðari keppni“ „Náðum að stilla spennustigið betur í hálfleik“ Uppgjörið: Valur - ÍBV 30-22 | Valskonur mættu með sópinn gegn ÍBV Teitur Örn og félagar í undanúrslit þrátt fyrir tap Aldís Ásta frábær þegar Skara komst í undanúrslit Sigvaldi Björn markahæstur þegar Kolstad komst í úrslit Hrafnhildur Anna til Stjörnunnar Sveinn til Kolstad og vill ólmur læra af Gullerud Valsmenn spila fyrri leikinn á heimavelli Uppgjör,viðtöl og myndir : FH - ÍBV 28-29 | Elmar neitaði að fara í sumarfrí Valsmenn fyrstir í úrslit Evrópukeppni í 44 ár Ættingjarnir ábyggilega þreyttir á manni Sjá meira
Grótta komst í 1-0 gegn Fram í úrslitaeinvíginu um Íslandsmeistaratitilinn með þriggja marka sigri, 24-21, á Stjörnunni í Hertz-höllinni á Seltjarnarnesi í kvöld.Stefán Karlsson, ljósmyndari Vísis og Fréttablaðsins, var á leiknum í kvöld og náði þessum skemmtilegu myndum hér fyrir ofan. Grótta var sterkari aðilinn lengst af, ef frá er talið miðbik fyrri hálfleiks. Íris Björk Símonardóttir varði eins og berserkur, alls 26 skot (55%), og í sókninni fóru þær Eva Björk Davíðsdóttir og Lovísa Thompson mikinn. Fyrri hálfleikur var sveiflukenndur í meira lagi. Grótta byrjaði og endaði fyrri hálfleikinn vel en Stjarnan var sterkari aðilinn um miðbik hans. Stjarnan spilaði mjög framliggjandi vörn sem sóknarmenn Gróttu tættu í sig hvað eftir annað fyrstu 15 mínútur leiksins. Þeim nægði að taka eina gabbhreyfingu og þá voru þær komnar í gegn. Lovísa naut sín vel með allt þetta pláss en þessi 15 ára leikmaður skoraði þrjú mörk í fyrri hálfleik og fiskaði auk þess þrjú vítaköst. Sóknarleikur Stjörnunnar var öllu stirðari og byggðist mikið upp á langskotum frá Helenu Rut Örvarsdóttir en þessi tvítuga skytta skoraði fimm mörk í fyrri hálfleik, flest allra á vellinum. Liðsfélagar hennar áttu í mestu vandræðum með að finna leiðina framhjá Gróttuvörninni og Írisi Björk Símonardóttur í markinu sem var með 50% markvörslu í hálfleik. En um miðbik fyrri hálfleik snerist leikurinn við. Grótta missti þrjá leikmenn út af með stuttu millibili og Stjörnukonur gengu á lagið. Vörn þeirra þéttist og þær breyttu stöðunni úr 7-5 í 8-12. Heimakonur enduðu fyrri hálfleikinn hins vegar vel og náðu að minnka muninn í eitt mark fyrir lok hans. Staðan í hálfleik 11-12, Stjörnunni í vil. Grótta byrjaði seinni hálfleikinn eins og liðið endaði þann fyrri. Heimakonur skoruðu tvö fyrstu mörk seinni hálfleiksins og voru þar með búnar að skora fimm mörk í röð. Gróttukonur voru með frumkvæðið allan seinni hálfleikinn en Stjarnan var aldrei langt undan. Gestirnir jöfnuðu í 16-16 en þá komu fjögur Gróttumörk í röð. Stjarnan minnkaði muninn í 20-17 og fékk svo gullið tækifæri til að nálgast Seltirninga enn frekar þegar Grótta missti tvo leikmenn af velli á sama tíma. Eva Margrét Kristinsdóttir fékk að líta beint rautt spjald fyrir brot á Helenu og í kjölfarið fékk bekkurinn hjá Gróttu tveggja mínútna brottvísun fyrir mótmæli. En líkt og í oddaleiknum gegn ÍBV spilaði Grótta öfluga vörn í undirtölunni og hélt jöfnu á þessum kafla, 0-0. Stjarnan náði að minnka muninn í eitt mark, 20-19, þegar fimm mínútur voru eftir en nær komust gestirnir ekki. Íris tók mikilvæga bolta á meðan allt lak inn á hinum enda vallarins. Florentina Stanciu, sá frábæri markvörður, hefur oft leikið betur en í kvöld. Grótta spilaði af skynsemi á lokakaflanum og hélt gestunum úr Garðabænum í þægilegri fjarlægð frá sér. Gróttukonur unnu að lokum þriggja marka sigur, 24-21, og tóku þar með forystuna í einvígi liðanna. Eva Björk skoraði níu mörk fyrir Gróttu en Lovísa kom næst með fimm. Arndís María Erlingsdóttir skoraði fjögur mörk og þá voru Anna Úrsúla Guðmundsdóttir sterk í vörninni ásamt Evu Margréti á meðan hennar naut við. Frammistaða Írisar hefur þegar verið tíunduð. Sólveig Lára Kjærnested skoraði sex mörk fyrir Stjörnuna en Helena skoraði fimm, öll í fyrri hálfleik. Liðin mætast öðru sinni í Mýrinni í Garðabæ á fimmtudaginn.Kári: Mjög sérstakur dómur Kári Garðarson, þjálfari Gróttu, var hæstánægður með sigur Seltirninga á Stjörnunni fyrsta leik liðanna í einvíginu um Íslandsmeistaratitilinn í kvöld. "Þetta var mjög sveiflukenndur leikur. Þær komust yfir í fyrri hálfleik en við nörtuðum í það forskot undir lok hálfleiksins," sagði Kári. "Við sýndum svo mikinn karakter í seinni hálfleik, þéttum vörnina og Íris (Björk Símonardóttir) var frábær í markinu. Svo fórum við að skora framhjá Florentinu (Stanciu) og nýta færin okkar betur. "Ég er gríðarlega stoltur af stelpunum, sérstaklega í ljósi þess hversu mörg skörð hafa verið höggvin í okkar lið," sagði Kári en Karólína Bæhrenz Lárudóttir fór meidd af velli snemma leiks. Þjálfarinn er ekkert alltof bjartsýnn á þátttöku hennar í næstu leikjum. "Það er erfitt að segja hver staðan á henni er núna en tognun aftan í læri er alltaf mjög erfið og maður er lengi að jafna sig á því. Ég er ekkert ýkja bjartsýnn með hana," sagði Kári en Laufey Ásta Guðmundsdóttir, fyrirliði Gróttu, er einnig meidd og spilaði ekkert í seinni hálfleik í kvöld. Þá hefur Anett Köbli ekki leikið með Seltirningum frá því í öðrum leiknum gegn ÍBV. "Laufey var að pína sig áfram og það hlaut eitthvað að gefa sig í kálfanum og svo misstum við Evu Margréti (Kristinsdóttur) út af með rautt spjaldið," sagði Kári en hvað fannst honum um þann dóm? "Mér fannst það mjög sérstakt en þessir dómarar (Arnar Sigurjónsson og Svavar Pétursson) reka mikið út af. Maður hefur varla tölu á því hversu marga þeir eru búnir að reka út af og áður en maður veit eru þeir búnir að reka annan út af," sagði Kári en við hversu býst hann í leik tvö á fimmtudaginn? "Ég býst við því sama og í kvöld. Sterkum vörnum, markvörslu og sóknarleik sem er ekkert alltaf gullfallegur," sagði þjálfarinn að lokum.Íris Björk: Kíkjum alltaf á skot fyrir leiki Íris Björk Símonardóttir spilaði frábærlega í marki Gróttu þegar liðið lagði Stjörnuna að velli í fyrsta leik liðanna um Íslandsmeistaratitilinn. "Þessi leikur var hörkuspennandi og þetta er vonandi það sem koma skal. Þetta er tvö rosalega sterk lið með sterkar varnir og sannfærandi sóknarleik líka. Við þurfum að halda rétt á spilunum í næstu leikjum," sagði Íris en hvað fannst henni skila sigrinum í kvöld? "Góður varnarleikur í gegnum allan leikinn. Við slúttuðum vel á Floru og leystum vörnina þeirra vel og komum okkur oftast í dauðafæri. Á tímabili varði hún of mikið frá okkur en það kom eftir því sem leið á leikinn." Íris varði 26 skot í leiknum, eða 55% þeirra skota sem hún fékk á sig. Hún sagðist hafa verið vel undirbúin fyrir leikinn. "Við kíkjum alltaf yfir skot fyrir leiki, eins og allir markmenn held ég. Kári var búinn að fara yfir varnar- og sóknarleikinn þeirra og stúdera hann vel, þannig að við komum vel undirbúnar til leiks," sagði Íris sem finnst Grótta hafa náð að fylla vel í þau skörð sem hafa verið höggvin í leikmannahópinn að undanförnu. "Við höfum lent í ýmsum áföllum í vetur og alltaf leyst það vel og ég enga trú á að það verði breyting þar á," sagði Íris að endingu.Rakel Dögg: Spiluðum glimrandi vel í fyrri hálfleik Rakel Dögg Bragadóttir, þjálfari Stjörnunnar, sagði að slakur seinni hálfleikur hefði orðið Garðbæingum að falli gegn Gróttu í kvöld. "Seinni hálfleikurinn var ekki nógu góður af okkar hálfu. Við spiluðum fyrri hálfleikinn glimrandi vel; margir leikmenn tóku af skarið, við gerðum flott mörk og stóðum vel í vörninni," sagði Rakel og bætti við: "Í seinni hálfleik fáum við á okkur klaufaleg mörk og vorum ekki nógu góðar í sókninni og of fáir leikmenn tóku af skarið. "Svo nýttum við yfirtöluna illa og það er eitthvað sem við þurfum að laga fyrir næsta leik," sagði Rakel en Stjarnan missti af gullnu tækifæri til að nálgast Gróttu í stöðunni 20-17 þegar gestirnir voru tveimur fleiri í tvær mínútur. Sá kafli fór 0-0. "Það var mjög dýrt. Þessir kaflar í yfirtölunni eru gríðarlega mikilvægir í leikjum og það þarf helst að vinna þá með a.m.k. einu marki. Við verðum að laga þetta fyrir næsta leik." Stjarnan átti flotta spretti í fyrri hálfleik en hvað getur liðið tekið jákvætt með sér úr þessum leik í þann næsta á fimmtudaginn? "Fyrri hálfleikurinn var mjög flottur þar sem við keyrðum upp hraðann og stóðum vörnina vel. Þær skoruðu mikið í byrjun en svo héldum við þeim gríðarlega vel niðri. "Við þurftum að fá meira frá Florentinu og þá sérstaklega í seinni hálfleik," sagði Rakel en kom það til greina að skipta um markmann í seinni hálfleik í ljósi þess að Florentina átti ekki sinn besta leik? "Að sjálfsögðu og eftir á að hyggja hefðum við átt að gera það. Maður var alltaf að bíða eftir að hún hrykki í gang því hún er þannig markmaður. Maður heldur að hún sé að detta niður en svo tekur hún 2-3 dauðafæri. "Því miður kom það ekki í dag en ég hef engar áhyggjur af því. Þetta var fyrsti leikur og við þurfum bara að vera aðeins rólegri og skipuleggja okkur betur," sagði Rakel að lokum.Kári Garðarson, þjálfari Gróttu.Vísir/StefánLovísa Thompson skoraði fimm mörk fyrir Gróttu og fiskaði auk þess þrjú vítaköst í leiknum í kvöld.Vísir/StefánÍris Björk SímonardóttirVísir/Stefán
Olís-deild kvenna Mest lesið Metamfetamín fannst í báðum sýnum markmannsins Handbolti Tonali braut veðmálareglur fimmtíu sinnum eftir komuna til Newcastle Enski boltinn Uppgjörið og viðtöl: Valur - Afturelding 39-25 | Valsmenn jafna einvígið með stórsigri Handbolti Gunnar um að mæta dóttur sinni: „Hélt langmest með henni af öllum inn á vellinum“ Sport „Við vorum bara ekki á svæðinu“ Handbolti Eigendur 76ers gefa miða svo Knicks aðdáendur taki ekki aftur yfir Körfubolti Möguleikar Tottenham á Meistaradeildarsæti að fjara út Enski boltinn „Vörnin í dag, það er það sem vann þetta“ Körfubolti „Við áttum slæman dag og þær góðan dag“ Íslenski boltinn Fiorentina og Olympiacos í kjörstöðu eftir mikla markaleiki Fótbolti Fleiri fréttir „Við vorum bara ekki á svæðinu“ Metamfetamín fannst í báðum sýnum markmannsins Uppgjörið og viðtöl: Valur - Afturelding 39-25 | Valsmenn jafna einvígið með stórsigri PSG tókst ekki að leika ótrúlega endurkomu Kiel eftir Fjölnir tryggði sér sæti Olís deildinni á næsta tímabili Svekkjandi tap lækkar líkurnar hjá lærisveinum Arnórs Kielce kærir leikinn gegn Magdeburg Aron í myndatöku í dag vegna meiðslanna Sjáðu dramatísku vítakastskeppnina í Eyjum Elín Jóna færir sig á milli félaga á Jótlandi Ómar Ingi skaut Evrópumeisturunum áfram eftir vítakeppni „Féllu dómar í dag sem voru að mér fannst ansi augljósir“ Óheflaði Eyjapeyinn Kári Kristján: „Töpum aldrei í vítakeppnum“ Uppgjörið: ÍBV - FH 39-38 | ÍBV tryggði sér oddaleik eftir vítakastkeppni Bjarki Már og félagar úr leik Haukakonur sópuðu Fram í sumarfrí og mæta Val í úrslitum Róbert fer frá Drammen og vill spila nærri Andreu Löwen í undanúrslit þrátt fyrir fína frammistöðu Orra Freys „Vantaði meiri breidd til þess að veita þeim harðari keppni“ „Náðum að stilla spennustigið betur í hálfleik“ Uppgjörið: Valur - ÍBV 30-22 | Valskonur mættu með sópinn gegn ÍBV Teitur Örn og félagar í undanúrslit þrátt fyrir tap Aldís Ásta frábær þegar Skara komst í undanúrslit Sigvaldi Björn markahæstur þegar Kolstad komst í úrslit Hrafnhildur Anna til Stjörnunnar Sveinn til Kolstad og vill ólmur læra af Gullerud Valsmenn spila fyrri leikinn á heimavelli Uppgjör,viðtöl og myndir : FH - ÍBV 28-29 | Elmar neitaði að fara í sumarfrí Valsmenn fyrstir í úrslit Evrópukeppni í 44 ár Ættingjarnir ábyggilega þreyttir á manni Sjá meira
Uppgjörið og viðtöl: Valur - Afturelding 39-25 | Valsmenn jafna einvígið með stórsigri Handbolti
Uppgjörið og viðtöl: Valur - Afturelding 39-25 | Valsmenn jafna einvígið með stórsigri Handbolti