Cumberbatch góðhjartaður

Leikarinn Benedict Cumberbatch sendi fallegt bréf sem hann lét lesa upp í útför aðdáanda síns.

Hin 14 ára Eve Shepherd, sem var mikill aðdáandi leikarans og þáttarins Sherlock, hafði barist við illvígan sjúkdóm frá fæðingu og lést um miðjan febrúar.

Í bréfinu, sem lesið var upp við jarðarförina, vottaði Cumberbatch fjölskyldunni samúð sína og sagðist ekki geta gert sér í hugarlund hversu mikla sorg þau væru að ganga í gegnum.

Hann sagðist því miður ekki hafa komist í jarðarförina þar sem hann væri upptekin við tökur á þáttunum sem Eve hafi elskað.