Tíminn vinnur ekki með mér en ég stefni á toppinn Tómas Þór Þórðarson skrifar 26. febrúar 2015 11:30 Birgir Örn Tómasson ætlar sér alla leið. vísir/vilhelm Birgir Örn Tómasson, 33 ára gamall tveggja barna faðir og háskólanemi, er enn einn bardagakappinn sem sprottið hefur úr öflugu starfi Mjölnis undanfarin ár. Þessi helflúraði kappi sló í gegn á bardagakvöldinu Shinobi Wars síðasta haust þegar hann rotaði andstæðing sinn með tilþrifum, en myndbandið náði miklum hæðum hér á Vísi sem og á vefsíðu eins besta bardagakappa heims, BJ Penn.Sjá einnig:Bjarki Þór tók titilinn og Birgir rotaði andstæðing sinn Bardagi Birgis Arnar gegn Bobby Mallett var valinn bardagi kvöldsins og höggið glæsilega hjá Birgi var valið rothögg kvöldsins. Honum hefur nú verið boðið aftur á Shinobi Wars; nú til að berjast um titil. „Ég tók síðasta bardaga með svo miklum tilþrifum að þeir vilja fá mig í titilbardaga í léttvigtinni. Ég mæti gaur sem heitir Gavin Hughes. Hann er ósigraður í fimm bardögum,“ segir Birgir Örn í viðtali við Vísi. Rothöggið á Bobby Mallett:Vill standa í bardaganum Sjálfur er Birgir Örn ósigraður í báðum MMA-bardögum sínum en mótherjinn á Shinobi Wars þann 7. mars verður ekkert lamb að leika sér við. „Þetta er alveg þrælöflugur andstæðingur. Hann er bæði góður standandi og í gólfglímu. Það verður mikið slegið í þessum bardaga. Hann kýlir mikið og notar hendurnar vel. Honum líður líka vel að taka menn niður,“ segir Birgir Örn sem finnst betra að standa í fæturnar í bardögum og vill lítið fara í gólfið. „Mín sterka hlið er standandi bardagi. Ég ætla því að reyna að halda þessu standandi gegn Hughes. Ef eitthvað getur klikkað er það á gólfinu. Ég hef samt verið að æfa mig í gólfglímu meira og meira og er allur að koma til þar.“„Starfið hjá Mjölni leiddi mig út í þetta aftur.“vísir/vilhelmVann atvinnubardaga í Muah Thai Það er ástæða fyrir því að Birgi Erni líður betur að berja frá sér og sparka í MMA-bardögum. Grunnur hans er kominn úr Taílensku bardagalistinni Muah Thai og þá stundaði hann einnig hnefaleika. Fyrir þá sem þekkja minna til er hann í raun andstæðan við frægasta bardagakappa þjóðarinnar, Gunnar Nelson. Allt önnur týpa í búrinu. „Ég byrjaði í Muah Thai aftur 2009, hafði áður verið í því sem unglingur. Ég var í því í fimm ár áður en ég fór í MMA í Mjölni. Ég var líka í sparkboxi þegar ég var yngri og hnefaleikum,“ segir Birgir Örn sem á tvo atvinnumannabardaga á ferlinum. „Ég vann annan á rothöggi og tapaði á hinum,“ bætir Birgir Örn við. Hann á einnig tvo bardaga að baki í hnefaleikum. Hann vann þá báða. Þegar Birgir Örn hóf aftur að æfa Muah Thai hafði hann tekið sér tíu ára pásu frá bardagaíþróttum en er nú að koma sterkur inn aftur. „Starfið hjá Mjölni leiddi mig út í þetta aftur. Það var svona eina alvaran sem var í gangi hérna. Mjölnir er stór ástæða þess að ég byrjaði aftur,“ segir Birgir Örn sem hefur náð góðum árangri á skömmum tíma.Birgir Örn er öflugur sparkboxari.vísir/vilhelmMaður vinnur ekkikapphlaup við tímann Þrátt fyrir nokkuð háan aldur ef miðað er við afreksíþróttamenn er Birgir ekkert að leika sér og stefnir eins hátt og mögulegt er. Stóra takmarkið er UFC, alveg eins og hjá Gunnari Nelson. Hann er þó vel meðvitaður um að hann eigi alltof mikið eftir. „Nú er ég að fara að berjast um þennan titil þannig maður er eitthvað á leiðinni upp stigann. Auðvitað vill maður berjast um titla og alltaf stefnir maður á toppinn. Ég má samt ekkert hugsa alltof langt fram í tímann,“ segir Birgir Örn. „Ég er að verða 34 ára gamall þannig ég á ekkert brjálað mikið eftir. Ég vil samt reyna að gera eins vel og ég get og ná sem lengst. Ef það er að komast Í UFC þá væri það frábært.“ „Maður vinnur samt ekkert kapphlaup við tímann. En ég er samt sem áður að fara að berjast í þriðja sinn og það er titilbardagi þannig allt getur gerst. Ef maður setur upp nógu flottar sýningar í hverjum bardaga og rotar menn eins og ég gerði síðast þá geta hlutirnir gerst. Ég útilokar ekkert,“ segir Birgir Örn. Það er ekki ódýrt að keppa í svona bardögum enda þarf að fljúga yfir hafið og vera með gistingu og allar græjur klárar. „Maður er að reyna að safna fyrir þessu og ég er líka með gott fólk sem hjálpar mér. Það er gott að eiga góða að og þetta gengur ágætlega en betur má ef duga skal,“ segir Birgir Örn.Birgir Örn og kærastan Sunna Rannveig Davíðsdóttir æfa saman hjá Mjölni.vísir/vilhelmÁstið kviknaði á æfingu Milli þess að æfa bardagaíþróttir og keppa í þeim stundar Birgir Örn háskólanám. Það er mikið að gera hjá manni sem ætlar langt í íþróttum og námi eins og flestir vita. „Ég er á fyrsta ári í verkfræði í Háskólanum í Reykjavík. Maður er á æfingum, í skólanum og svo að læra. Það er í raun það eina sem maður gerir,“ segir hann. Birgir er í sambandi með Sunnu Rannveigu Davíðsdóttur sem einnig keppir fyrir Mjölni. Þau æfa mikið saman og ástin kviknaði á æfingamottunni. „Það hentar okkur ágætlega að vera með þetta sameiginlega áhugamál,“ segir hann og hlær við. „Við kynntumst þegar við vorum að æfa Muah Thai saman áður.“Þokkalegt stykki á bakinu.vísir/vilhelmStóra flúrið fjögur ár í vinnslu Birgir á tvo syni, átta ára og ellefu ára. Það má reikna með að þeir verði bardagamenn eins og pabbi miðað við hvað þeir eyða miklum tíma í Mjölniskastalanum. „Ég er mikið með strákana en meira um helgar núna þegar ég er að æfa svona mikið. Þeir eru mikið með mér á æfingum,“ segir Birgir Örn, en erum við þá ekki að tala um tvö stykki af Gunnari Nelson framtíðarinnar? „Það er vonandi,“ svarar Birgir og hlær. Eins og sjá má á myndunum er Birgir Örn vel flúraður frá toppi til táar. „Fyrsta tattúið kom þegar maður hafði aldur til og síðan hafa nokkur bæst við,“ segir hann. „Það eru tvö ár síðan ég fór síðast en stóra stykkið á bakinu var alveg fjögur ár í vinnslu. Mér fannst bara ekki komin full mynd á þetta fyrr en það var orðið klárt.“Það besta frá Birgi Erni: Birgir Örn Tómasson (highlights) 2013 from Mjolnir MMA on Vimeo. MMA Mest lesið Bakgarðshlaupið í beinni útsendingu Sport „Ég sakna hennar á hverjum degi“ Handbolti Féllu á meðan þjálfarinn sem þeir ráku hélt Blackburn uppi Enski boltinn HSÍ lengir bann Einars: „Framganga þjálfarans var mjög ógnandi og ódrengileg“ Handbolti Enginn náð í fleiri stig en McKenna síðan hann tók við Ipswich Enski boltinn Darius Morris látinn aðeins þrjátíu og þriggja ára að aldri Körfubolti „Við þurfum níu stig til að vinna titilinn“ Enski boltinn Sú markahæsta með tár á hvarmi er hún tilkynnti brotthvarf sitt frá Chelsea Enski boltinn Dagskráin í dag: Sófasunnudagur af bestu gerð Sport „Við höldum bara áfram þangað til að leikurinn er búinn“ Körfubolti Fleiri fréttir Fengu myndsímtal frá Ed Sheeran í búningsklefanum Segir að móðurhlutverkið hafi gert sig að betri leikmanni NBA meistararnir réðu ekki við hinn magnaða Anthony Edwards Féllu á meðan þjálfarinn sem þeir ráku hélt Blackburn uppi Sú markahæsta með tár á hvarmi er hún tilkynnti brotthvarf sitt frá Chelsea Dagskráin í dag: Sófasunnudagur af bestu gerð Enginn náð í fleiri stig en McKenna síðan hann tók við Ipswich „Við höldum bara áfram þangað til að leikurinn er búinn“ „Við þurfum níu stig til að vinna titilinn“ „Við gleymum okkur á veiku hliðinni“ Darius Morris látinn aðeins þrjátíu og þriggja ára að aldri Uppgjör: Keflavík - Grindavík 84-83 | Ótrúlegur endir og allt jafnt í einvíginu Öruggt hjá Teiti Erni og félögum Girona í fyrsta sinn í Meistaradeild Evrópu og tryggði Real í leiðinni titilinn HSÍ lengir bann Einars: „Framganga þjálfarans var mjög ógnandi og ódrengileg“ Skoraði fernu og Englandsmeistararnir halda í við Skytturnar Tryggvi Snær kom inn af bekknum í tapi gegn botnliðinu Grótta upp í Olís eftir sigur með minnsta mun í oddaleik „Lítur ekki vel út með Elmar, ég er hræddur um að þetta sé svipað og hjá Eiði“ Real Madrid náði fjórtán stiga forskoti á toppnum Kane skoraði en Bayern tapaði Newcastle fór illa með Jóa Berg og félaga á Turf Moor Uppgjörið: FH - Vestri 3-2 | FH kom til baka og vann fjórða leikinn í röð Eyjamenn byrja fótboltasumarið ekki vel FH-ingar búnir að velja besta FH-lið sögunnar Kristín Dís og Þórdís fögnuðu sigri en það gekk illa hjá Halmstad strákunum Bráðnaði ekki í hitanum á Filippseyjum og náði í silfur Diljá og félagar töpuðu toppslagnum á heimavelli Arsenal menn kláruðu sitt og nú er pressan á Man. City Ipswich Town aftur upp í ensku úrvalsdeildina eftir 22 ára fjarveru Sjá meira
Birgir Örn Tómasson, 33 ára gamall tveggja barna faðir og háskólanemi, er enn einn bardagakappinn sem sprottið hefur úr öflugu starfi Mjölnis undanfarin ár. Þessi helflúraði kappi sló í gegn á bardagakvöldinu Shinobi Wars síðasta haust þegar hann rotaði andstæðing sinn með tilþrifum, en myndbandið náði miklum hæðum hér á Vísi sem og á vefsíðu eins besta bardagakappa heims, BJ Penn.Sjá einnig:Bjarki Þór tók titilinn og Birgir rotaði andstæðing sinn Bardagi Birgis Arnar gegn Bobby Mallett var valinn bardagi kvöldsins og höggið glæsilega hjá Birgi var valið rothögg kvöldsins. Honum hefur nú verið boðið aftur á Shinobi Wars; nú til að berjast um titil. „Ég tók síðasta bardaga með svo miklum tilþrifum að þeir vilja fá mig í titilbardaga í léttvigtinni. Ég mæti gaur sem heitir Gavin Hughes. Hann er ósigraður í fimm bardögum,“ segir Birgir Örn í viðtali við Vísi. Rothöggið á Bobby Mallett:Vill standa í bardaganum Sjálfur er Birgir Örn ósigraður í báðum MMA-bardögum sínum en mótherjinn á Shinobi Wars þann 7. mars verður ekkert lamb að leika sér við. „Þetta er alveg þrælöflugur andstæðingur. Hann er bæði góður standandi og í gólfglímu. Það verður mikið slegið í þessum bardaga. Hann kýlir mikið og notar hendurnar vel. Honum líður líka vel að taka menn niður,“ segir Birgir Örn sem finnst betra að standa í fæturnar í bardögum og vill lítið fara í gólfið. „Mín sterka hlið er standandi bardagi. Ég ætla því að reyna að halda þessu standandi gegn Hughes. Ef eitthvað getur klikkað er það á gólfinu. Ég hef samt verið að æfa mig í gólfglímu meira og meira og er allur að koma til þar.“„Starfið hjá Mjölni leiddi mig út í þetta aftur.“vísir/vilhelmVann atvinnubardaga í Muah Thai Það er ástæða fyrir því að Birgi Erni líður betur að berja frá sér og sparka í MMA-bardögum. Grunnur hans er kominn úr Taílensku bardagalistinni Muah Thai og þá stundaði hann einnig hnefaleika. Fyrir þá sem þekkja minna til er hann í raun andstæðan við frægasta bardagakappa þjóðarinnar, Gunnar Nelson. Allt önnur týpa í búrinu. „Ég byrjaði í Muah Thai aftur 2009, hafði áður verið í því sem unglingur. Ég var í því í fimm ár áður en ég fór í MMA í Mjölni. Ég var líka í sparkboxi þegar ég var yngri og hnefaleikum,“ segir Birgir Örn sem á tvo atvinnumannabardaga á ferlinum. „Ég vann annan á rothöggi og tapaði á hinum,“ bætir Birgir Örn við. Hann á einnig tvo bardaga að baki í hnefaleikum. Hann vann þá báða. Þegar Birgir Örn hóf aftur að æfa Muah Thai hafði hann tekið sér tíu ára pásu frá bardagaíþróttum en er nú að koma sterkur inn aftur. „Starfið hjá Mjölni leiddi mig út í þetta aftur. Það var svona eina alvaran sem var í gangi hérna. Mjölnir er stór ástæða þess að ég byrjaði aftur,“ segir Birgir Örn sem hefur náð góðum árangri á skömmum tíma.Birgir Örn er öflugur sparkboxari.vísir/vilhelmMaður vinnur ekkikapphlaup við tímann Þrátt fyrir nokkuð háan aldur ef miðað er við afreksíþróttamenn er Birgir ekkert að leika sér og stefnir eins hátt og mögulegt er. Stóra takmarkið er UFC, alveg eins og hjá Gunnari Nelson. Hann er þó vel meðvitaður um að hann eigi alltof mikið eftir. „Nú er ég að fara að berjast um þennan titil þannig maður er eitthvað á leiðinni upp stigann. Auðvitað vill maður berjast um titla og alltaf stefnir maður á toppinn. Ég má samt ekkert hugsa alltof langt fram í tímann,“ segir Birgir Örn. „Ég er að verða 34 ára gamall þannig ég á ekkert brjálað mikið eftir. Ég vil samt reyna að gera eins vel og ég get og ná sem lengst. Ef það er að komast Í UFC þá væri það frábært.“ „Maður vinnur samt ekkert kapphlaup við tímann. En ég er samt sem áður að fara að berjast í þriðja sinn og það er titilbardagi þannig allt getur gerst. Ef maður setur upp nógu flottar sýningar í hverjum bardaga og rotar menn eins og ég gerði síðast þá geta hlutirnir gerst. Ég útilokar ekkert,“ segir Birgir Örn. Það er ekki ódýrt að keppa í svona bardögum enda þarf að fljúga yfir hafið og vera með gistingu og allar græjur klárar. „Maður er að reyna að safna fyrir þessu og ég er líka með gott fólk sem hjálpar mér. Það er gott að eiga góða að og þetta gengur ágætlega en betur má ef duga skal,“ segir Birgir Örn.Birgir Örn og kærastan Sunna Rannveig Davíðsdóttir æfa saman hjá Mjölni.vísir/vilhelmÁstið kviknaði á æfingu Milli þess að æfa bardagaíþróttir og keppa í þeim stundar Birgir Örn háskólanám. Það er mikið að gera hjá manni sem ætlar langt í íþróttum og námi eins og flestir vita. „Ég er á fyrsta ári í verkfræði í Háskólanum í Reykjavík. Maður er á æfingum, í skólanum og svo að læra. Það er í raun það eina sem maður gerir,“ segir hann. Birgir er í sambandi með Sunnu Rannveigu Davíðsdóttur sem einnig keppir fyrir Mjölni. Þau æfa mikið saman og ástin kviknaði á æfingamottunni. „Það hentar okkur ágætlega að vera með þetta sameiginlega áhugamál,“ segir hann og hlær við. „Við kynntumst þegar við vorum að æfa Muah Thai saman áður.“Þokkalegt stykki á bakinu.vísir/vilhelmStóra flúrið fjögur ár í vinnslu Birgir á tvo syni, átta ára og ellefu ára. Það má reikna með að þeir verði bardagamenn eins og pabbi miðað við hvað þeir eyða miklum tíma í Mjölniskastalanum. „Ég er mikið með strákana en meira um helgar núna þegar ég er að æfa svona mikið. Þeir eru mikið með mér á æfingum,“ segir Birgir Örn, en erum við þá ekki að tala um tvö stykki af Gunnari Nelson framtíðarinnar? „Það er vonandi,“ svarar Birgir og hlær. Eins og sjá má á myndunum er Birgir Örn vel flúraður frá toppi til táar. „Fyrsta tattúið kom þegar maður hafði aldur til og síðan hafa nokkur bæst við,“ segir hann. „Það eru tvö ár síðan ég fór síðast en stóra stykkið á bakinu var alveg fjögur ár í vinnslu. Mér fannst bara ekki komin full mynd á þetta fyrr en það var orðið klárt.“Það besta frá Birgi Erni: Birgir Örn Tómasson (highlights) 2013 from Mjolnir MMA on Vimeo.
MMA Mest lesið Bakgarðshlaupið í beinni útsendingu Sport „Ég sakna hennar á hverjum degi“ Handbolti Féllu á meðan þjálfarinn sem þeir ráku hélt Blackburn uppi Enski boltinn HSÍ lengir bann Einars: „Framganga þjálfarans var mjög ógnandi og ódrengileg“ Handbolti Enginn náð í fleiri stig en McKenna síðan hann tók við Ipswich Enski boltinn Darius Morris látinn aðeins þrjátíu og þriggja ára að aldri Körfubolti „Við þurfum níu stig til að vinna titilinn“ Enski boltinn Sú markahæsta með tár á hvarmi er hún tilkynnti brotthvarf sitt frá Chelsea Enski boltinn Dagskráin í dag: Sófasunnudagur af bestu gerð Sport „Við höldum bara áfram þangað til að leikurinn er búinn“ Körfubolti Fleiri fréttir Fengu myndsímtal frá Ed Sheeran í búningsklefanum Segir að móðurhlutverkið hafi gert sig að betri leikmanni NBA meistararnir réðu ekki við hinn magnaða Anthony Edwards Féllu á meðan þjálfarinn sem þeir ráku hélt Blackburn uppi Sú markahæsta með tár á hvarmi er hún tilkynnti brotthvarf sitt frá Chelsea Dagskráin í dag: Sófasunnudagur af bestu gerð Enginn náð í fleiri stig en McKenna síðan hann tók við Ipswich „Við höldum bara áfram þangað til að leikurinn er búinn“ „Við þurfum níu stig til að vinna titilinn“ „Við gleymum okkur á veiku hliðinni“ Darius Morris látinn aðeins þrjátíu og þriggja ára að aldri Uppgjör: Keflavík - Grindavík 84-83 | Ótrúlegur endir og allt jafnt í einvíginu Öruggt hjá Teiti Erni og félögum Girona í fyrsta sinn í Meistaradeild Evrópu og tryggði Real í leiðinni titilinn HSÍ lengir bann Einars: „Framganga þjálfarans var mjög ógnandi og ódrengileg“ Skoraði fernu og Englandsmeistararnir halda í við Skytturnar Tryggvi Snær kom inn af bekknum í tapi gegn botnliðinu Grótta upp í Olís eftir sigur með minnsta mun í oddaleik „Lítur ekki vel út með Elmar, ég er hræddur um að þetta sé svipað og hjá Eiði“ Real Madrid náði fjórtán stiga forskoti á toppnum Kane skoraði en Bayern tapaði Newcastle fór illa með Jóa Berg og félaga á Turf Moor Uppgjörið: FH - Vestri 3-2 | FH kom til baka og vann fjórða leikinn í röð Eyjamenn byrja fótboltasumarið ekki vel FH-ingar búnir að velja besta FH-lið sögunnar Kristín Dís og Þórdís fögnuðu sigri en það gekk illa hjá Halmstad strákunum Bráðnaði ekki í hitanum á Filippseyjum og náði í silfur Diljá og félagar töpuðu toppslagnum á heimavelli Arsenal menn kláruðu sitt og nú er pressan á Man. City Ipswich Town aftur upp í ensku úrvalsdeildina eftir 22 ára fjarveru Sjá meira