Carlos Cruz ráðinn forstjóri Vífilfells

Carlos Cruz, hefur verið ráðinn forstjóri Vífilfells. Carlos kemur frá portúgalska átöppunarfyrirtækinu Refrige SA í Portúgal.

Carlos var áður framkvæmdastjóri sölumála hjá Refrige SA í Portúgal. Refrige SA er átöppunarfyrirtæki fyrir The Coca-Cola Company. Hann var áður framkvæmdastjóri hjá fyrirtækinu Scottish & Newcastle Ibérica á Spáni. Carlos er 47 ára gamall og með meistaragráðu í stjórnun frá ESERP Viðskiptaháskólanum í Madrid.

Árni Stefánsson, fráfarandi forstjóri, hefur sagt starfi sínu lausu og mun í framhaldi taka sæti í stjórn fyrirtækisins. Árni hefur starfað fyrir Vífilfell frá árinu 1998 og verið forstjóri síðustu 10 ár. Sem stjórnarmaður mun Árni vinna í málum tengdum framtíðarþróun fyrirtækisins ásamt því að sinna öðrum verkefnum fyrir eigendur fyrirtækisins sem ekki tengjast Vífilfelli samkvæmt tilkynningu frá fyrirtækinu.