Fékk göt í eyrun fyrir eins árs afmælið

Raunveruleikastjarnan Kim Kardashian West lét gata eyru dóttur sinnar North sem fagnaði eins árs afmæli sínu um síðustu helgi.

North fékk göt í eyrun í byrjun júní og vildi Kim að hún yrði komin með göt áður en afmælinu yrði fagnað.

Í afmælinu var North síðan með demantseyrnalokka í eyrunum.

North er ekki fyrsta stjörnubarnið sem er frekar ungt þegar það fær göt í eyrun. Ofurfyrirsætan Gisele Bundchen deildi mynd af átta mánaða gamalli dóttur sinni með göt í eyrunum í júlí í fyrra. Leikkonan Majandra Delfino gataði eyru dóttur sinnar áður en hún varð tveggja ára.